2019北海道滑雪團Day 7 (三井outlet)

今日係我黎講係shopping日, 我諗住去三井outlet shopping. H君話跟我一齊去. 青姐同Apple姐話去定山溪浸溫泉. 札幌巴士terminal 12號巴士有package賣, 包來回巴士票加溫泉1800yen. 阿瑩就話自去北海道大學行下, 黃昏就會合青組去藻岩山睇夜景.

講番我同H君, 我地9:00就去東武對出巴士站等巴士. 去到三井outlet都未夠10點 =P 於是就排隊等開門. 原來都唔少香港人去shooping!

一開門我同H君分開行. 我就去As know as, 係呢間店已經買左唔少野 =P 

H君行到1:00已經話行完, 但我仲係度血拼緊. 所以我叫佢自己食lunch先或可以離開先. 佢話等埋我先.佢可以hea下. 最後我連埋退稅3點先行完, 之後趕3點車回札幌.

 回到札幌後, 我就去丸美咖啡飲杯靚咖啡. 我選佢係因為佢有淺焙豆賣. 仲有好多single origin豆. 我去到order左杯藝妓咖啡同芝士蛋糕.果然好味呀. 之後我又買左兩包咖啡豆同埋掛耳做手信.

飲完咖啡我就去左大通行百貨公司, 又去左藥店買藥看門口. 由於差唔多係最後一日, 所以今晚book左9點先食晚餐. 好等大家盡最後努力血拼.

行到9點我地就去簿野食串燒晚餐. 呢間餐廳既建築物係黑色, 真係好難搵呀!!

我地order左好多野食. 牛舌, 雞翼, 豚, 蕃茄, 仲order左串燒set. 阿瑩本來質疑串燒食唔飽. 但後黎佢食到飽到上心口呢!

食完要返酒店浸spa, 之後就要做件頭痛既事!就係執喼啦 >_<