行程: 佛羅倫斯 (聖母百花大教堂, Pisa斜塔, 老橋)
為左登頂, 我地又要一早起身, 不過未登頂前我地就再去Central Market睇下買唔買到黑松露醬. 果然有喎, 仲有黑醋, pasta, 香料等等. 我地格左一輪價就買左黑松露醬同黑醋. 之後向聖母百花大教堂進發.
去到世界五大教堂之一既聖母百花大教堂已經有批人排緊隊. 我地係網上買左聖母百花大教堂票, 包括The Museo dell'Opera's, Cathedral, Dome, Bell Tower, Baptistry
係網上有人話最好早上上圓頂, 下午上鐘樓最好, 因為影相順光, 所以我地排隊上圓頂先. 今次係冇lift, 所以要行463級樓梯! 行到上去已經死死下, 但居高臨下可以望到佛羅倫斯全景, 風景優美.
由圓頂落番黎我地就去附近既Pizza店食早餐.味道就冇羅馬既Alice Pizza咁好食.
我地落番黎後, 肥團友已經唔想再上鐘樓, 因為要行414級樓梯! 同埋大家覺得風景應該同圓頂差唔多. 於是我地去參觀Baptistry. 之後諗住參觀教堂內部, 點知遲左已經超級多人! 我地因為下午去Pisa所以決定唔排, 咁就去埋The Museo dell'Opera's睇埋先閃.
本來我地諗住去Piza, 但俾Lindt吸引左入去, 呢間Lindt都幾大幾多粒裝朱古力賣. 我執左成大包朱古力, 其中最喜歡開心果, dark chocolate同埋果仁朱古力. 肥團友同青姐就買左雪糕食, 我就買左杯朱古力expresso飲.
由佛羅倫斯去Pisa可以係佛羅倫斯站坐火車, 有d班次唔使轉車直接到Pisa S. Rossore站. 再行15分鐘就到. Pisa斜塔都真係幾斜, 好多遊客都好努力擺出唔同姿勢影相呢 =P
我地逗留到6點幾就坐番火車番佛羅倫斯食晚餐. 晚餐係Hotel Owner介紹既, 出名牛扒. 去到店外已經有大批人等緊位. 我地book左位都要等20分鐘, 等上一批客人歎埋酒先交檯.
我地order左牛扒, pasta, dessert. 呢餐都幾好食既. 但我覺得Za Za都差唔多, 兩間都係咁多人排隊.
聖母百花大教堂
museumflorence.com
