唔知係咪太多新酒店落成難請人呢, 今次入住JW發現Service未達五星級酒店水準. 以下有幾個事件:
1. 我地2點幾登記後由於未check in到, 所以去左High Tea. 我個背包唔知放係邊, 於是問Waitress, 其實我expect佢會拎張椅俾我放袋. 點知佢指住地下話呢度. 我同朋友即時呆左唔知點俾反應
2. 我朋友想叫咖啡, 問可唔可以double shot, Cafe Waitress唔知咩叫double shot.
3. 我地問reception天浪淘園幾點開, 佢答朝早7:00, 等我一早諗住去玩下啦, 原來係開8:00
另外有待改善既地方係:
1. 更衣室Locker太少, 我入去時full哂, 好彩岩岩有人走.
2. 天浪淘園close時一d廣播都冇, 又封左d路, 攪到我地兜左好多路先離開到.
不過今次我用$1934已經包左船票, 酒店房連早餐, 仲可以免費玩天浪淘園, 好抵.
房內有咖啡機, toilet內都有tv. 拖鞋好舒服. 係夜晚訓訓下越訓越熱. 房內望天浪淘園景, 比另一面望地盤景好好多. 不過有個騎呢地方, 就係衣櫃係連接toilet同房間, 雖然toilet有門鎖, 但其實你係可以係衣櫃入toilet既 =P
Urban Kitchen早餐都幾多選擇, 有西式Omlette, 中式點心, pastry, 葡國腸, 連維他奶, 雞尾包都有. 唔錯. 但佢d中式點心唔係好掂. 朱古力muffin就幾好.
由於未夠鐘check in, 所以我地試下佢既High Tea. Menu內有兩款Tea Set. 原先我想試豐富d既Tea Set, 點知佢話冇, 唯有叫左個平既Tea Set. Tea Set內既鹹點太過普通, 都係d自己都整到既三文治, 而甜點還可以. 咖啡好一般, 最好既反而係Tea Set包既香檳. 不過兩個人埋單有優惠都唔使100 per head, 咁就算啦, 如果要Menu價三百幾就好唔值啦.
天浪淘園以酒店免費設施黎講已經好好. 其中滑梯速度幾快. 唔錯. 激流一d都唔激, 不過飄飄下都ok既. 只有第二期天浪淘園水泡有提供免費救生衣同大水泡. 聽聞天浪淘園內更衣室Locker是要錢的. 如果你住Mariott酒店更衣室內Locker是免費的. 唔使用天浪淘園更衣室. 更衣室有布巾同樽裝水供應, 呢點好好. 但沖涼位已經有一格花灑爛左, 估唔到唔夠一
個月咁快爛 =P
