2014.12月一個人之台北快閃之旅Day ４

行程：糖村 => 江記華隆　＝＞　中山站　＝＞　肥前屋　＝＞　西門町

终於都到最後一日啦，其實最後一日即係手信日！首先就係去左糖村買牛奶糖. 我係Apartment行過去就得. 個哥哥仔職員仲好佩服我一個女仔去台灣旅行tim. 貫完我即刻放番d手信係Apartmen再出去貫過. 跟住就去左江記華隆買豬肉紙。

跟住又去左中山站行下。中山站赤峰街有好多小店。可惜冇咁多時間行哂。下次有時間一定要花大半日去漫步這個小區。

行完小店區我就行去乾杯食ｌｕｎｃｈ，點知佢ｌｕｎｃｈ唔開架．．．．．．

就係呢個時候岩岩見到有班小朋友係度報佳音，我望住佢地覺得好得意。突然間佢地全部湧哂過黎派糖俾我，好可愛呀。

佢地走左之後，我就行去肥前屋食鰻魚飯。同樣地再一次發覺一個人的好處。好開心啊！　呵呵

肥前屋鰻魚飯當然對比起日本仲有一段距離啦，不過味道都唔錯既。

食完ｌｕｎｃｈ我又要衝去西門町幫人買鴨舌。一問之下原來每盒要成百蚊！！我唔夠錢呀。唯有去附近銀行用銀聯拎錢再買啦。

買完鴨舌又要趕返Ａｐａｒｔｍｅｎｔ拎行李趕車啦。忠孝復興往機場最後一班車４：１５分就開。我要趕到去先得。

去到忠宇復興站拎左行李，望一望機場巴士Ａｐｐ，發現仲有少少時間，於是我趕去Ａｐａｒｔｍｅｎｔ對面阿墨買阿墨蛋糕。

然後就趕去Ｓｏｇｏ對面等車。土到職員同我講岩岩好，架車一分鐘後到，真係好險！　
隨住上左巴士，我既旅程都就此作結。


江記華隆
大橋頭站

2014.12月一個人之台北快閃之旅Day 3

行程: 中正紀念堂 => 永康街 =>　師大夜市

今早起身執好行李，Ｈｏｓｔ話我知間套房已經搶修好，我留低個行李係度，佢會幫我拎上套房，我返去時ｃａｌｌ佢上黎就得。雖然差ｄ冇地方住好煩，但佢都有盡力幫我ｓｅｔｔｌｅ ｄｏｗｎ．　算係咁啦。

我今日既行程係去中正紀念堂。雖然好左台灣２次，但一次都未去過。我係中正紀念堂站落車，係南門市場出口出去食早餐先。南門市場行前少少就有間金峰魯肉飯。我見好似幾多人食咁，所以就入去試下。味道真係唔錯喎，價錢仲好平呢。　

早餐後我就去左南門市場行下, 固度係賣南北貨, 仲有間憶長坊, 有好多煮好既餸賣. 我見都有幾多人幫襯佢. 可惜已經食左早餐, 否則都會買黎試下.

去完南門市場我就慢慢行去中正紀念堂。睇下蔣介石既生平展覽。到左１２點仲有三軍儀隊交接儀式。軍人們都好高大呀。

下午時間到啦，係時候食ｌｕｎｃｈ啦，我慢慢行路去東門站食鼎泰豐。去到見到好多人係出面排隊。好彩一個人旅行既好處就係容易搵位！！　呵呵呵
我即刻可以入座。估唔到我今次叫左成５樣食呢！好變態呀！　冇眼睇啦。

食到好飽呀！要散下步先得。係咁就行下小店林立既永康商圈啦。有ｂｏｕｔｉｑｕｅ，　ｃａｆｅ，ｃａｋｅ　ｓｈｏｐ，精品店等等。
　
行行下到左間有貓屎咖啡飲既Ｃａｆｅ．不過佢地貓屎咖啡要ｏｒｄｅｒ兩杯起。所以我飲左杯萬特靈。

由於想試下永康牛肉麵，所以我未肚餓就去左食牛肉麵。今次又係一個人，所以即刻入得。呢間牛肉麵味道唔算突出。ｏｋ咁啦。

真係食到超飽，所以好需要運動。我慢慢由永康街行去師大夜市。師大夜市有好多ｂｏｕｔｉｑｕｅ，好好逛呀。行到腳仔累我就入左間有貓貓既品客咖啡。

不過我唔係飲咖啡，而係飲水果茶。因為台灣水果茶好多生果好好飲呀。

我Ｈｅａ到成１１點先捨得走，返到時ｃａｌｌ左Ｈｏｓｔ，佢帶我去樓上新套房。介紹左設施俾我就走左。好啦，今晚終於可以有奪立ｔｏｉｌｅｔ啦。　又可以睇電視，好爽。

永康牛肉麵
http://beefnoodle-master.com/contact.html
金峰魯肉飯
中正紀念堂站２出口
瑪汀妮芝咖啡
http://www.kmtcl.com.tw/

2014.12月一個人之台北快閃之旅Day 2

行程: 故宮博物館 => 創意甜品Yellow Lemon Dessert Bar => 美麗華 => 士林夜市

今早9:00醒左, 諗住刷牙出發, 點知一早已經有人係toilet啦, 呢個係share toilet既問題啦. 我等左半個鐘先用得. 係toilet出黎Host已經上左黎, 佢話左個bad news我知! 原來我聽晚住既套房漏水, 要搵人搶修, 佢話佢會幫我搵其他套房搬. 叫我繼續行程先.

今日見有full time, 所以可以稍微去遠少少. 之前同朋友去台北都係食玩shop hea多, 冇好好去下台北既歷史景點, 所以決定去一趟故宮博物館睇下固兩舊有名既玉叻.

由忠孝復興去故宮有兩條路. 第一是坐內湖線去大直站轉棕30, 呢條路應該比較近. 但我驚巴士班次太疏, 所以選擇係士林轉車. 因為有幾條路線都經, 例如紅30, 255, 304, 815等. 我係士林站落車, 正想搵地方食個早餐. 就見到前面有人排隊.我即時走過去睇下, 原來有間蔥抓餅店, 岩啦, 一於買個蔥抓餅做早餐啦. 買完蔥抓餅我就行去中正路搵巴士站. 原來係士林站走到中正路
轉右就係, 係Pizza Hut下面. 我一面等車一面食蔥抓餅, 都幾好味喎.

等左一陣巴士黎啦, 我就坐左255去故宮. 買左張票再加租埋導覽器材就慢慢欣賞啦. 其中最吸引我梗係有名既大白菜同東坡肉玉啦. 又真係幾似喎. 另外我對一個象牙球製品印象深刻, 因為製作精細.

我遊覽期間發生左小插曲, 就係有朋友whatsapp我話我個Line account俾人Hack左, 有個"我"叫佢買支付寶!! 我於是send左message俾其他人叫佢地小心d. 我估有可能我個email account俾人Hack左先會咁.
睇左幾個鐘係時侯走啦,於是我坐棕20去美麗華, 再步行15分鐘去Yellow Lemon食tea. 呢間甜品店係我個friend個friend叫我去試, 試完話佢知好冇味, 佢遲一星期要去. 聽講呢間甜品店既主煮來頭唔少. 係意大利學藝. 又係知名酒店做過甜品主煮. 好似好正咁所以點都要去試下.

我係店內order左一個好似拆散左既拿破崙餅. 估唔到真係好好味喎, 吉士好滑, 好味. 於是我又忍唔住叫多左個黎食呢. 都係拿破崙餅好味d.不過呢間甜品店價錢都幾貴, 一個甜品都差唔多成100蚊, 係台灣黎講算貴.

Tea time過後我就步行返美麗華影下佢個摩天輪, 不過就冇上去玩, 因為覺得上到去冇乜景睇 =P 跟住入去下左個round. hmm... 睇黎呢間百貨店可能做唔長.... 因為得小貓三四隻咋.... 可能假日會好d卦. 行下行下又行左去對面既家樂福買野, 結果掃左兩大袋食物 >_<

行完美麗華家樂福我就坐免費shuttle去士林夜市. shuttle bus係劍潭站落. 亦即係士林夜市所在. 我係固度行下掃下街. 食完返到去已經12點.

深圳男住客見到我咁多野拎就拿拿林幫我拎, 仲幫我拎埋入房tim !!真係好細心!! 最衰佢已經有左女朋友啦, 真係可惜 -___-

士林站第一家 林 蔥抓餅
地址：台北市士林區中正路235巷10號（士林捷運一號出口右手邊）
Address：No.10, Ln. 235, Zhongzheng Rd., Shilin Dist., Taipei City 11163, Taiwan (R.O.C.)
營業時間：11:00-23:00

故宮博物館
http://www.npm.gov.tw/zh-TW/Article.aspx?sNo=03002159

Yellow Lemon Dessert Bar
https://www.facebook.com/Yellow-Lemon-614836478635160/timeline/

美麗華免費巴士
http://www.miramar.com.tw/5service_s3.php