熊出沒注意: 10月 2008

2008年10月26日星期日

北海道賞花美食自駕遊Day 7 (稚內)

01/08/2008 第七天
旭川市=宗谷岬=>稚內市 (四至四個半小時)

夢喰間

http://r.tabelog.com/hokkaido/A0109/A010903/1008131/

今日既行程都有的唔同, 原本我地想去比布市睇下仲有冇士多啤梨摘, 但係我地覺得機會幾微, 所以就唔去比布町, 係旭川留至十一點先出發去宗谷岬, 好讓大家可以係百貨公司十時開門後掃一掃貨.
我約o左兩個團友一早出去食早餐, 途中經過一個雕塑幾特別, 我地就係固度影相, 突然有個踩緊單車o既日本人放低架單車話幫我地影張大合照, 果然日本人真係好好客呀, 我地乘機問下佢邊度有早餐食, 可惜佢都係介紹的連鎖店食西式早餐.

最後我地都係係老麥食的香港冇既限定食品咋.

不經不覺已經十點啦, 係時候衝入百貨公司超市掃零食啦. 我都係買左兩袋野啫. 肥團友的薯片已經佔左三分一個行李呢(唔計其他野食)!
掃完貨係時候要趕長途車啦. 我地又好似禽日咁, 司機就去駛架車出黎, 去番JR駐車場, 我地就要係十五分鐘內搬哂的行李上車就走. 我o地個plan就係揸四個多小時去宗谷岬, 但就係中途搵個地方食lunch.

過o左一半路程, 應該搵個地方食野啦喎, 但係附近既地方都好荒廢蕪, 唔似有野食咁. 我地望下個map, 最大型既中途站都要個多小時先到. 好彩大家都有買的乾糧飲品充飢.. 好不容易終於到弘猿村啦, 呢個係最北之中途站..

弘猿村中途站

我地餓到好crazy, 見到有間食店就諗住入去, 點知間食店休息左!! O no...
不過食店出面有個地方賣特產既, 有帆立貝, 飽魚, 昆布, 餅乾, 蜜瓜米通, 牛油等.. 仲有試食呢!!!
我地梗係樣樣試下啦.. 試勻哂都係個蜜瓜米通最正! 1000yen 3包, 我同人夾, 買左2包啦.

買完野我地就研究下附近有冇野食, 就係我地好無助之際, 突然見到洗手間側面有間好細既食店, 我地就搵翻譯小姐問下係咪仲開門, 因為日本好多食店3:00就會休息.. 幸好呢間例外啦, 我地就即刻衝哂入去啦..

原來呢間食店係帆立貝專門店!! 因為宗谷稚內其中最出名o既海產係帆立貝, 所以呢度o既食物都以帆立貝為主.. 反正我o地預左中途站o既食店唔好食, 又餓得發瘋, 所以醫o左個肚先算..

點解牛仲多過人呢?

吉列帆立貝定食

帆立貝刺身定食

我試左個帆立貝刺身定食同吉列帆立貝定食, wow!! d帆立貝好大隻喎!! 份量仲唔少呢!! 9xx yen(大約$70)一個定食真係好抵食呀. 味道仲出奇地好!! 尤其係個吉列帆立貝定食, 好鮮甜呀!!

呢餐真係令我地喜出望外!! 我地有力氣出發去宗谷岬啦, 其實個中途站距離宗谷岬都係一小時咋..

經過五個多小時後, 終於到達日本最北端 --- 宗谷岬啦!! 呢度有最北端食店, 最北端商店, 最北端厠所, 最北端地標.. 所以我地就係度遊覽. 可惜天氣唔係太好, 所以影的相冇咁好..

宗谷岬 => 日本最北端食店

最北端商店

最北之地標

最北之厠所 => 黎個最北之一爆(石)

係咪要唱呢首歌先得?

呢間商店有最北到著既證書賣, 證明你到過日本最北端, 並可以係度買postcard同郵票寄信, 郵筒就係右手邊.

遊覽完宗谷岬, 我地就去稚內市, 途經宗谷丘陵, 可以欣賞丘陵既獨特周冰河地勢, 同時係宗谷丘陵可以見到珍貴既宗谷黑毛和牛!!

宗谷黑毛和牛

宗谷丘陵周冰河地勢

經過一小時既車程便到達稚內市旅館山一Check in.原本諗住食晚飯, 點知固日有班學生寄宿, 以便參加籃球比賽, 所以旅館要招待佢地先, 我地就約左八點半先食飯..

好細間房, 不過都有厠所

仲有時間我地就出去參觀稚內市防坡堤同ノシャップ岬.

看夕陽好地方

防坡堤建築

最後就去埋Sapporo 藥房買化妝品先番酒店, 酒店已經安排好晚餐啦, 於是我地快快食完晚餐, 等佢地可以收拾. 第七天就此完結.

一些實用資料:

比布町 strawberry城市 => 六月至七月頭有士多啤梨摘http://town.pippu.hokkaido.jp/web/PD_Menu.nsf/0/009928139161D91F49256C30001DDD04?OpenDocument

宗谷岬 => 日本最北端

http://www.souya.pref.hokkaido.lg.jp/ss/srk/kanko/footpath_map.htm

羊之雲之丘 => 士別市景點, 有羊巡遊, 剪羊毛等

http://www.shibetsu.jp/cgi-bin/odb-get.exe?wit_template=AM040000

智惠文 => 繼北龍町後另一個大型向日葵花田

http://www.nayoro-kankou.com/

稚內 => 日本最北的城市, 最出名食物係蝦夷馬糞海膽, 帆立貝, 一夜干, 黑毛和牛

另外有兩個島好值得去, 就係花之礼文島和利尻島.

http://www.welcome.wakkanai.hokkaido.jp/benri/index.html

旅館山一

好處: 一個字, 平! 一泊兩食都係7xxx yen, 我地第二日去礼文島, 民宿主人仲車我地來回碼頭同民宿呢, 仲幫我地預備飯團早餐係船上食.

壞處: 房間細, 唔係間間有獨立厠所, 食物普通

http://travel.rakuten.co.jp/HOTEL/70290/70290.html

2008年10月24日星期五

北海道賞花美食自駕遊Day 6(道央, 旭川, 富良野)

31/07/2008 第六天

行程: 麵包超人館, 果醬工房=>四季彩之丘 =>旭川拉麵村=>旭山動物園 =>新納涼花火大會

揸車大約時間: Tomamu => 麵包超人館 (1 hr 15 mins)

麵包超人館 => 四季彩之丘 (45 mins)

四季彩之丘 => 旭川拉麵村 (1 hr 15 mins)

旭川拉麵村 => 旭山動物園 (20 mins)

旭山動物園 => JR 旭川 (35 mins)

JR 旭川 => 旭橋 (30 mins)

今日既行程有的改動, 原本是上午去四季彩之丘 , 下午去北龍町睇向日葵花海,

不過大家之前睇花睇夠啦, 有d人唔想睇花啦.. 所以我地一早就去左麵包超人館參觀. 麵包超人館隔離有個果醬工房, 有好多唔同口味既果醬, 梗有一款係岩你o既. 我地逛逛下見到有個真人扮既麵包超人出黎, 我地即刻衝出去同佢影相. 其中一個團友想叫麵包超人扮打佢影張相, 但遭到拒絕呢!!

Tomamu Resort

Tomamu breakfast

麵包超人館

真o既麵包超人出場, 工作人員同佢講緊o野

果醬工房

人氣榜

GPS帶我地去左條卦左既路, 只好掉頭

好美既富良野美瑛

參觀完麵包超人館工房我地就去美瑛既四季彩之丘賞花, 但係唔知個七彩花田未開定謝o左, 都未開哂.. 只好買個男爵薯餅食下當安慰啦.

四季彩之丘

可惜七彩花田都未開

好啦好啦, 要去下一站啦, 食mum mum時間到, 咁耐都未食過拉麵, 當然要去旭川拉麵村試下的麵啦, 我地求其入左間拉麵店試,

味道只係一般而已 =P

由於旭川拉麵村和旭山動物園並唔係好遠, 所以我地就去固度參觀下, 睇下企鵝,海豹, short short地o既北極熊, 貓頭鷹等.

我地逗留至關門既一刻先走!!

跟住架巴士行實冇死啦 =D

黃昏時份我地於旭川JR旁既Terminal Hotel Check In, 不過佢附近唔可以停車, 要我地駛入個JR駐車場, 於十五分鐘的免費時間內拎哂的行李出黎拖入酒店, 然後的司機先將架車泊入酒店停車場, 所以比較唔方便啦..

酒店房景

我地於酒店Settle down後, 就開始步行至新橋和旭橋那邊, 欣賞新納涼花火大會.. 其實我地唔知個正確位置係邊, 不過跟住d人群行實冇死啦.. 因為沿途都好多著住和服o既女孩盛裝赴會. 我地跟隨人群步行若二十分鐘, 終於到達河邊. 我地大家都席地而坐, 不一會花火大會就開始啦.. 有一個個咁放, 又有好多咁一齊放, 都幾靚架, 最緊要係唔使好似香港咁晨咁早去壩位啦, 又唔逼喎, 天氣又清涼, 真係舒服

新納涼花火大會

花火歷時一小時, 欣賞完已經八時四十五分了!! 呢個時候梗係搵野食啦, 我地都唔知食乜好, 行下行下就見到街角有間一藏拉麵, 於是就入去試下. 我記得和味無窮Ricky San話呢度的拉麵好多蔥, 於是便order一碗試下. 果然成碗麵都被蔥蓋住, 真係俾佢嚇親, 好彩其實的叉燒同拉麵係哂下面..的蔥出奇地好味, 連我呢個唔好蔥既都讚賞.