本人 | 去過東京大及阪(秋天時份), 未去過北海道 , 所以想去下, 於是就搵另一個肥仔朋友組團去. 由於未試過夏天去旅行, 又知道夏天的富良野好靚, 有薰衣草同祭典睇. 所以就打算7月去. 由於係咁多個祭中對肚臍祭比較有興趣, 所以決定7月26日呢個禮拜去旅行. |
肥團友V | 最鐘意就係食, 尤其係日本野, 所以問佢去唔去日本佢實應承. 佢係我地其中一個司機, 但係佢係新牌仔所以冇乜人敢坐佢車. 雖然係咁, 但係佢係認路expert, 所以搵佢帶頭就最岩 |
加拿大團友D | 司機之一, 有十幾年駕駛左軚既經驗, 已經係經驗最豐富既司機;佢除左揸車之外就乜都唔理, 最緊要係唔使咁早起身 |
阿伯團友S | 性格好似阿伯咁既團友, 乜都唔識, 但又乜都要管, 佢好抗拒食生野, 成日都想食拉麵, 飯同飲綠茶, 同埋係budget oriented. |
翻譯小姐K | 團友S既妹妹, 日文翻譯小姐, 因為佢係大學時去過名古屋做交流生, 寄居係一個日本家庭, 所以識講流利日文, 所有唔知D人講乜既野都交俾佢就得. 佢唔食生野同牛肉, 所以plan行程都要考慮埋呢點. |
獨男團友M | 我既同事, 獨男一個, 呵呵, 又係新牌仔一個. 為左去北海道 買左部dslr機. |
夫婦團友A1 andA2 | 夫婦一對, A1為肥團友同事, 老婆A2為教師, 所以只有學校假期先可以去旅行. 咁岩今年想去北海道 旅行, 所以就join埋一齊. 老公都係司機. |
由於有八個人既關係, 係就時間同日期方面都用左唔少時間, 好不容易下夫婦團友決定去十二日, 我地其他人就去九日啦.
由於我地得九日時間, 為o左可以玩盡的, 所以選乘ANA凌晨機, 1:30a.m.上機,6:45a.m.到達東京羽田機場, 回程8:30p.m.由東京羽田機場起機, 12:40a.m.返抵香港.
Package: ANA Package 三日兩夜, 包四程機票(兩程內陸機)及兩晚酒店, 兩晚酒店無需連續住 (釧路去, 扎幌走)
我地事前search過ANA Holiday個網, 研究過北海道 既內陸機, 發現釧路同扎幌既轉機時間最好, 去到都係9:xx-10:xx a.m. , 唔使好似直航機咁去到都黃昏, 冇左大半日時間.. 為左唔好行回頭路, 我地選擇左由釧路去, 扎幌返既路線, 咁最尾固日都可以係扎幌機場掃手信啦.
夫婦團友想住南富良野Tomamu Resort, 所以我地選擇兩晚南富良野Tomamu Resort啦.
7月中至八月旺季要加$1200附加費, 都好貴下, 如果大家唔想咁就最好避開呢的時候, 不過的花可能未開哂.
另外七八月係旺季, 所以最好四月就book定啦, 因為我地四月book時已經waiting list, 好彩都好快有位.
租車加酒店: 樂天 http://travel.rakuten.co.jp/
另外知床和稚內民宿就係網上search, 可以睇下酒店介紹或者相片先決定book 邊間, 然後就直接係網上book, 又或者send email去旅館訂房
知床民宿協会 http://www.siretokonoyado.com/
稚內住宿 http://www.welcome.wakkanai.hokkaido.jp/stay/天氣: 七月正值北海道 夏天, 氣溫係1x-30度左右, 氣溫和暖, 晚上稍涼, 一件短袖衫+一件jacket已經足夠.
book左個package之後, 就研究下個行程啦, 首先睇下大家有咩要求先.. 我地集合左大家既要求如下:
本人: 入住阿寒湖 遊久之里鶴雅, 希望住一晚民宿, 肚臍祭
肥團友: 因為佢去過道南同扎幌, 所以想去道東, 同埋去稚內食海膽飯, 食野一定係佢既首選
翻譯團友: 唔想咁多shopping, 想睇景多D
夫婦團友: 住Tomamu
自駕遊最緊要係search下景點之間既時間, 我地事前用網站研究左一輪, 通常網站所指既時間係standard時間, 如果你揸得快D既話, 一般都會比列出既時間怏D既. 因為北海道 既車速唔太快, 一般係50km/h, 高速都係80km/h. 我地通常都會揸怏D既, Heehee =P
http://time-n-rd.jp/
search左時間距離再加埋大家想去邊個地方, 可以初步draft個行程出黎啦, 之後就係plan住邊間酒店啦.
Day 1: 之前我係網上search到阿寒湖 遊久之里鶴雅個露天風呂好正, 咁岩旅館距離釧路唔係好遠, 所以決定第一晚住阿寒湖 . 由於個房價好貴, 係部屋食蟹宴要$1800/人, 所以第一日早D入去享受裏面既設施, 同時可以俾各位多D休息時間, 應付往後既旅程.
Day 2: 第二日原本想去根室既, 不過係網上search到知床係世界自然遺產, 所以就轉左去知床.原本選擇住知床斜里, 但大家發現到知床係世界自然遺產後, 便想睇多幾個景點, 所以決定第三天早上都stay係知床. 而最近景點既地方就係宇登呂, 所以我地選擇宇登呂酒店. 不過宇登呂係個溫泉區, 酒店都比較貴, 好多都超過10000 yen, 我地決定住民宿. 因為大家都prefer有獨立厠所, 最後就選左戶戶向海既Dolphin Hotel, 9450 yen一泊兩食, 有個小型露天風呂, 有海景同獨立厠所, 所以覺得價錢合理.
Day 3: 呢晚原本住北見東橫Inn, 第二朝一早經層雲峽 去旭川, 不過夫婦想到Tomamu check in先, 咁經帶廣去就最好(都要成四個鐘), 既然經帶廣就順手去食和味無窮介紹既豚井和生和牛刺身啦, 不過check過網頁原來吟壽司星期二係休息既!!!!!!!!!!!! Oh No!!
諗來諗去決定星期一唔住北見, 寧願趕四小時夜車到帶廣, 況且天黑後都冇風景睇, 趕車就最好. 至多星期二唔使咁早起身.
Day4 and 5: Package已經包左酒店
Day 6: 由於之後固日去稚內, 所以最好就係住旭川. 本來都唔知住邊間酒店好, 係呢度諗左好耐, 係呢個時候我發現到原來當晚有花火大會, 驚book唔到酒店, 拿拿林搵間近JR旭川既酒店book, 見Terminal Hotel 近JR價錢都未算貴, 所以即刻book叻.
Day 7: 到稚內固日打算住民宿, 因為比較平, 結果就選左間有3間獨立toilet既旅館, 一泊兩食都係7xxx yen, 算幾平啦.
Day 8: 扎幌既酒店係肥團友搵既..
由於29/7要到富良野睇肚臍祭, 所以29/7 前就去道東, 29/7 and 31/7 就去道央.
1/8 and 2/8去稚內食海膽飯, 最後一日留扎幌買手信. 於是我地個plan大致如下:
日數 | 時間 | 行程 |
Day 1 | 01:30-06:45 | 乘坐凌晨機前往日本東京羽田機場 |
08:55-10:33 | 乘坐前往北海道 釧路機場 | |
11:30 | 取車 (マツダレンタカー 釧路空港前店) | |
13:30 | 和商市場午餐 | |
17:00 | 阿寒湖 遊久の里鶴雅 | |
15:00 | 釧路濕原展望台 | |
after 17:00 | 溫泉街, 浸溫泉, 蟹宴晚餐, 自由活動 | |
Day 2 | 6:00-8:00 | 浸溫泉, 自由活動 |
8:00-9:30 | 阿寒湖 鶴雅早餐 | |
10:00 | Hotel Checkout | |
11:30 | 屈斜路湖 コタン湯 | |
12:30 | 硫黃山 | |
13:00 | 弟子屈摩周第三展望台 | |
15:45 | まるみ食堂 | |
16:30 | 知床峠 | |
17:30 | 知床ウトロ宇登呂いるかホテル | |
18:00 | 夕陽台 | |
Day 3 | 9:00 | 知床五湖 |
11:30 | オシンコシンの滝 | |
14:00 | 鮨ダイニング「月」 | |
15:40 | 網走観光フルーツ園/prison museum | |
16:20 | オホーツク流氷館/prison museum | |
21:20 | 帯広東横イン Check-in | |
21:30 | 吟寿司 金ちゃんの店/北の屋台晚餐 | |
Day 4 | 9:10 | Cranberry クランベリー早餐 |
9:50 | 帯広六花亭總店 | |
10:30 | 元祖豚丼のぱんちょう午餐 | |
15:20 | Tomamu Hotel Checkin | |
18:00 | 富良野 | |
19:00 | 富良野肚臍祭 | |
20:30 | 回Tomamu晚餐 | |
Day 5 | 9:10 | 雲海テラス |
8:30 | Tomamu早餐 | |
10:15 | 南富良野かなやま湖/芝士工房 | |
12:15 | 芝士工房集合午餐 | |
13:30 | 彩香の里 | |
14:30 | 富田農場 | |
15:30 | Popura Farm | |
16:30 | Flowerland | |
17:40 | 日の出公園 | |
18:30 | 回Tomamu晚餐 | |
Day 6 | 12:45 | 果醬工房 |
9:50 | 四季彩之丘 | |
14:55 | 旭川拉麵村午餐 | |
15:50 | 旭山動物園 | |
18:20 | 旭川Terminal hotel checkin | |
19:30 | 道新納涼花火大会 | |
21:30 | 一藏拉麵晚餐 | |
Day 7 | 11:00 | 出發往宗谷岬 |
15:10 | 道北中途站帆立貝午餐 | |
16:45 | 宗谷岬最北地標 | |
17:45 | 宗谷岬丘陵, 周冰河, 宗谷毛牛 | |
18:30 | 稚內旅館山一Checkin | |
19:15 | ノシャップ岬, 防波堤 | |
20:30 | 回旅館山一晚餐 | |
Day 8 | 7:30-9:30 | 乘船往礼文島 |
9:30 | 礼文島上午tour | |
12:10 | 海膽飯午餐 | |
13:00 | 乘船回稚內, 返回民宿 | |
15:45 | 由稚內往札幌 | |
21:10 | ビジネスイン Norte II Checkin | |
22:00 | 薄野晚餐 | |
Day 9 | 10:00 | 小樽 |
12:15 | 旭壽司午餐 | |
14:30 | 千歲 Rera Outlet及還車 | |
15:30 | 千歲機場辦理登機手續,寄存行李,候機,機場買手信 | |
17:30 | 乘機前往日本東京羽田機場 | |
19:05 | 羽田機場買手信 | |
20:45-00:30 | 乘機返回香港赤鱲角機場 | |
行程意見: 1. 我地得九日時間, 又要去到稚內食海膽飯, 所以要揸成10小時車. 仲要Stay得兩日. 其實玩稚內最好玩三日, 可以玩埋利尻島, 行程可以由稚內坐船去禮文島, 玩完再坐船去利尻島然後再返回稚內. 2. 由於團友想去Tomamu checkin先, 所以我地先會由網走去左帶廣先再去Tomamu, 其實大家可以take上路, 經北見, 層雲峽 , 旭川, 富良野, 咁玩番落去. 3. 大家plan行程時記住Check下景點食店既營業時間, 因為我地去到まるみ食堂已經Close左. |
沒有留言:
張貼留言