2012秋意綿綿東京輕井澤之旅Day 3

行程: 秋葉原, 幕張outlet, 東京站一番街

今日本來係想用埋張JR Kanto Pass去富士急樂園玩架, 點知天氣預報話會落雨, 所以我地唯有聽日先去.咁今日去邊去呢? 朋友仔話佢屋企人聽晚先黎日本, 咁梗係去一D佢屋企人冇興趣既野啦, 咁就去秋葉原先啦.

酒店早餐

我地酒店有包早餐架, 所以我地9:00就食早餐, 10:00就出發去秋葉啦. 天氣報告果然好準, 果然落緊雨啦.我地去到秋葉首先就去羽毛球鋪先, 因為朋友仔好鐘意打羽毛球, 所以佢想買塊made in Japan既Yonex拍同埋球鞋. 不過會即刻買住, 會睇多幾間分店先買.

睇完羽毛球野我地就去左Yodobashi行下, 因為秋葉既Yodobashi好大間, 有齊科技產品, 玩具, 電玩等等,唔買都可以睇下而家日本興D咩野啦. 而且落雨天時最好就係行下呢D好多層既商場. 我地行下行下都行左兩個幾鐘, 之後我地又行左去電器街睇下, 行到兩點幾就去食lunch. 我係tabelog搵到間壽司店, 分數算係ok (其實係秋葉既食店都唔係太高分, 呢間算係中間分數). 於是就去試下. 我地叫左個壽司set同天井set.壽司味道好一般, 反而個天井既汁幾惹味幾好食.

食完lunch又要諗下去邊好啦, 我仲係好想用盡張JR Pass, 但係出面仲係落雨, 所以一切sightseeing既地方都去唔到, 咁不如去下outlet啦, 橫掂禽日係Prince outlet冇乜收穫. 咁邊個outlet唔係太遠又近JR站又可以用到張Pass呢? 我突然諗起幕張outlet, 因為幕張outlet係東京站坐JR都係半個鐘, 而且就係站附近, 店舖唔係太多唔使spend 1日黎行, 於是我地就坐JR去東京站再轉琼葉線去海濱幕張. 不過原來係東京站轉琼葉線都要行幾耐下, 下次再去最好唔好係東京站轉車啦.

天井幾好食

味道一般既壽司

我地四點幾去到幕張outlet, 就開始睇下有咩買啦. 呢度做緊discount既貨品比Prince outlet多D, 所以我都買到幾件衫. 朋友仔都買左個背袋仔. 行到差唔多8點我地就起程返池袋啦. 不過又要係東京站轉車.

到左東京站, 我突然諗起東京一番街好似新開左卡樂B零食店, 於是就去左睇下, 不過去到岩岩見到即製薯片既地方close左, 哎呀, 錯過左忝, 唯有買番幾包限定薯片算啦.

返到池袋都九點幾啦, 我地又去番Metropolitan Plaza搵野食, 由於朋友仔屋企人唔食生野, 所以過左聽日就冇機會食, 所以我地就選左築地玉壽司, 唉, 不過呢度D壽司都係好普通咋喎, 香港千兩都好食過佢.

食完晚飯返到酒店, 我就用Ipad諗住去京王高速巴士網站預約好聽日去富士急既巴士樂園套票Q Pack, 點知去到最後都有error預約唔到!!! 點算呀?? 見到網頁話除左用網頁預約仲可以打電話, 而其中一個預約中心7:30開門, 唯有聽日一早叫酒店幫手打電話預約啦.

幕張outlet
http://www.31op.com/makuhari/

yodobashi
http://www.yodobashi.com/ec/store/0018/index.html

2012秋意綿綿東京輕井澤之旅Day 2

行程: 松本城 , 青蛙街, 輕井澤Prince outlet, 池袋

溫泉旅館既溫泉通常分為男湯同女湯, 到深夜或第二朝會換轉,等大家可以試盡唔同既風呂. 但係由於好多溫泉旅館係第二朝10點就要check-out, 所以好多時都要晨咁早起身去浸. 不過呢間酒店就唔使咁早起身, 因為佢12:00先check-out,  真係正.

露天風呂

內湯

寢湯

立湯

sauna

steam

木風呂

我今日8:00先起身去浸多次溫泉, 9:30先去食早餐. 禽日職員係晚餐留意到我唔食漬, 估唔到佢真係幫我安排左魚仔, 真係十個讚. 

職員知我唔食漬物, 所以幫我換左其他野, 真係細心

溫泉蛋

信州Miso燒菇菇, 係放上飯一齊食架

信州最出名當然係蘋果啦, 所以早餐有鮮榨信州蘋果汁, 好好飲呀

食完早餐我地就上房pack野, 11:00我地就check-out去松本市遊覽, 因為松本市距離淺間溫泉都係15分鐘車程. 我地一場黎到松本, 一定要去國寶松本城 睇下啦. 不過我地就冇入去城內, 只係係外圍行左一圈.之後見泊車仲有時間剩, 就去左附近既竹風堂買左栗果子食. 跟住去左跳繩手通 行下, 繩手通 又見青蛙街, 因為沿路可以見到青蛙像, 店舖又會售賣精緻飾品, 尤其有幾多可愛既青蛙擺設, 所以買手信就最岩叻. 今日可能係星期一關係, 所以街上面冇咩人, 我地行經四國神社時, 見到好多白鴿係度搵食, 我地正想影佢地既時候, 點知有幾隻白鴿跳左上黎朋友仔隻手度, 朋友仔諗住走開啦, 點知成埋白鴿以為佢有野食跟住佢, 攪左一大輪先可以擺脫佢地.

國寶松本城 

早幾日黎就有秋祭, 可以免費入城.

倒影幾靚喎

行完松本城 就黎呢間出名賣栗果子既竹風堂買土產

呢條繩手通 又叫青蛙街, 好多精緻既精品賣

星期一冇乜人

呢堆白鴿以為你有野食就會跳上你隻手度, 又會跟住你行, 好得意

行完繩手通 其實已經係食飯時候啦. 不過朋友仔話都係返到輕井澤先食, 咁好啦, 我地又要趕返兩個鐘車返輕井澤, 因為禽日拎左張1GB Sim Card, 所以就試玩下google navigation, 因為我地架車只得日文GPS, 所以想有個英文GPS做參考下. 整體黎講佢都去到我地想去既地方, 而且用既data都唔係好多, 兩個小時都係1x MB左右,所以都用得過喎.

google navigation

經過一輪趕車, 終於都到達輕井澤outlet, 其實我地應該一早還車, 不過我地固一刻冇咁做. 泊左架車係outlet就搵左間蛋包飯店食個late lunch, 之後就開始血拼時刻啦, 呵呵. Prince outlet分開東西兩邊, 真係好大下.我地行都係選d好想行既地方行下. 不過呢我發覺呢個outlet好多野都唔平, 好多都同市價差唔多, 再加上日圓高企, 都真係幾貴. 我只係係土產店買左d手信咋, 因為買滿2000yen可以免費泊車兩小時呀. 只要俾錢時將泊車票俾售貨員吸印就得架啦. 我地行到差唔多兩個鐘就出番去入油還車. 由於我之前諗住好多野買有排行, 所以劃火車位時選左outlet關門之後既一班車. 即係19:20. 咁還左車d行李點算好? 我地就將d行李放入300yen既locker度, 再繼續血拼啦. 

our late lunch

唉, 我地行左一大輪都睇唔岩, 而且價錢唔係平好多, 所以我冇大出血到. 不過偶然都搵到平野既. 我係earth music見到一個袋仔居然3折咋, 大約HKD7x咋, 真係超抵, 銀色岩哂去飲固時帶忝. 

Prince Outlet

行到差唔多7:00, 我地就返去拎番行李, 跟住就行去車站等車. 但係行人天橋既Lift仲係封左, o下? 咁我地咪要拖喼行樓梯上去? Oh no, 冇辦法啦, 唯有慢慢行啦.

上到車站後, 我又係車站既土產店睇下, 到左19:15就入閘去月台搵番我地既指定席車號. 列車準時係19:20到達, 上左車我地都冇乜訓到覺, 因為列車好快就到左大宮, 我地由大宮再轉車到池袋, 全程都係1個小時多D,所以仲近過新宿去箱根呢.

出左池袋站我地就拖喼去南口既Metropolitan Hotel Check-in, Metropolitan Hotel離JR好近所以好方便.Check完in都已經9點幾, 所以我地去左對面既Metropolitan Plaza食野算. Metropolitan樓上有好多餐廳,大部份開到10:00-11:00. 我地兜左個round, 最後入左和幸食炸豬扒. 和幸係連鎖店, 應該會穩陣卦. 

和幸炸豬扒

食完晚飯我地就走左去附近既便利店買野飲同睇下有冇限定既H記雪糕賣. 朋友仔見到一支1公升巨蜂水都係1xx yen, 佢就話買黎試下. 我就買左盒蕉奶飲. 另外我果然見到有期間限定雪糕, 有3款味道忝. 朋友仔話買住2款先. 所以就買左Cookies同南瓜味啦返酒店食啦.

信州迷你蘋果

宵夜time

實用資料:
松本城 
http://www.go-nagano.net/tw/modules/contents07/index.php?id=1&mode=disdetailsisetu&cityid=2&junleid=3&indexid=5&kubuncode=1

松本市
http://www.city.matsumoto.nagano.jp/

縄手通り商店街
http://www.i-turn.jp/nawate-street-matsumoto.html

輕井澤Prince outlet
http://www.karuizawa-psp.jp/en/index.html