熊出沒注意: 5月 2010

2010年5月18日星期二

12日東京伊豆吃喝玩樂賞櫻之旅Day 2

今日因為夜晚要等其他團友到來, 所以都係去左原宿行街.

由於坐凌晨機既關係, 所以今日10:00a.m.先食早餐.
好彩我地住既酒店包埋早餐, 所以可以唔使諗去邊度食.
酒店平日會開放lobby restaurant食早餐, 假日就會開埋
樓上日本餐廳. 而今日正值假日, 我地就下左去
日本餐廳食早餐叻. 可惜有D後悔, 因為選擇好少. 聽日一於落
lobby食啦.

食完早餐就出發去原宿. 因為未坐過副都心線, 所以專程行過去搭.
因為我既目標係La Foret. 從副都心線既明治神宮前站一出就係La Foret,
非常方便.
La Foret商場有好多層, 中間仲有半層半層既商場.好多係香港i.t.代理既品牌都係固度都有店鋪. 係固度買平過香港買.因為香港mark up左好多.我係La Foret真係好唔小心買左好多野呀. 心諗"死啦, 而家先第二日咋喎, 點算好....."
行完La Foret都已經2:xx p.m. 於是就去左食九州拉麵.我地排左成大半個鐘先有得食. 咁多人排真係要睇下佢係咪好味先.結果都冇令我地失望.

食完lunch仲有少少時間, 於是就去左高円寺度行. 因為見旅遊書話有懷舊玩具賣, 所以純粹去逛下.

高円寺每邊出口都有商店街, 通常都係boutique同野食多. 另外都有少少懷舊玩具店, 我自己就覺得冇乜特別, 除非你真係好鐘意舊玩具啦. 所以我地係固度買左D平價零食就搭JR返池袋.諗住順手睇下係邊個JR出口接其他團友同幫佢地拎行李. 我地研究完一輪諗住返酒店放低D野, 點知咁岩見到佢地係酒店門口出黎!! 原來佢地太多行李所以決定唔搭NEX而搭機場巴士, 咁岩又冇塞車所以比預期早到. 我地見佢地到哂所以都冇返酒店放番野. 直接出去食晚餐. 因為都差唔多七點啦, 老人家要早D食飯休息.

我地去左酒店對面既Metropolitan Plaza, 樓上都幾多野食下. 朋友仔大哥
話佢地上次食過一間北海道野菜放題話好新鮮好好食. 於是就去試下叻.

食物選擇唔係好多, 有豆腐, 魚, 沙律, 幾款飯, Soba, 菜等等. 甜品有蕃薯,
杏仁豆腐等. 新鮮係新鮮既, 不過寡左D囉. 因為冇肉食 =P 3千多yen都ok既.

食完餐飯都8:30p.m. 於是坐電梯落去, 咁就大穫啦. 因為原來呢個Metropolitan Plaza全幢都係賣女人野. 我即刻兩眼發光, 講左一句:"你地返去先啦", 咁又繼續行街. 不過呢間Plaza 9:00就Close, 所以行左半個多鐘, 你一買野俾錢, 個Sales好自然咁帶你到門口然後先躹躬俾袋貨品你請你離開. 呢招都真係幾好用.

Hotel Breakfast

副都心線

池袋南口

Metropolitan Hotel

呢間原宿既餐廳一早就有人排隊啦喎

食拉麵要排隊架

招牌九州拉麵

高円寺

北海道野菜放題

實用資料:

高円寺 http://www.koenji-navi.com/

La Foret http://www.laforet.ne.jp/index.html

九州じゃんがら http://www.kyusyujangara.co.jp/

副都心線 http://www.tokyometro.jp/rosen/eki/meiji-jingumae/index.html

2010年5月6日星期四

12日東京伊豆吃喝玩樂賞櫻之旅Day 1

行程: 羽田機場 => 築地魚市場 => 池袋 => 新宿

終於都到出發日啦, 今次由於工作忙既關係, 所以趕唔切Plan哂個行程啦.都係用Excel整左個draft plan出黎, 到時隨機應變咋.

貫徹我地玩到盡既作風, 我同朋友仔二人又係搭凌晨機去東京羽田機場.夜晚放左工食埋dinner就即刻去機場, 1:30a.m.上機, 5:45a.m.到達.諗住都要成個鐘先出到境, 點知出奇地快, 半個鐘已經可以打埋手指模影埋相再拎埋行李去到國際機場門外既3號巴士站搭免費Shuttle去第二 Terminal啦.

通常香港 =>東京既飛機都會去成田空港，因為成田先係東京主要國際空港．羽田空港主要係內陸機場．只有JAL 同 ANA有凌晨機由香港去羽田吧．羽田空港有２個內陸Terminal和同一個國際Termina l. 如果由國際Terminal到市區，最好既方法就係坐無料接駁巴士去番內陸Terminal先搭車．固度除左有機場巴士外，仲有京急空港線去品川同東京Monorail去浜松町.然後可以係品川或浜松町轉山手線等去新宿池袋等地方．車程大約一個小時，比成田空港快．

由於坐凌晨機關係，去到東京都係5:45a.m. 入埋境都係6:15a.m. 所以就決定去築地魚市場食個早餐先．我地係第二Terminal搭Monorail去浜松町站，放好行李係車站locker, 行去大門站搭都營大江戶線去築地魚市場. 去到差唔多7:xxa.m. 我知道呢個時候去到都幾難食到壽司大架啦，　所以轉戰大江戶魚生飯．但係抵達後一睇．．．．．嘩!!! 條龍咁誇張既．係每間店鋪前面有一條龍，係街頭又有一條中央人龍，有個著和服既女人負責分派中央人龍去每間店鋪前面再排．當中仲有好多鬼佬排隊．又話鬼佬就係食熟野既...

條龍太長啦，都知道冇乜希望試到場內既店舖，　於是就出番場外食喜代村．因為我幾年前試過覺得幾好食，質素比較平均，仲好過壽司大和．同埋佢係連鎖店，又係24hrs, 所以應該有位．果然我地去到就有位啦．望一望餐牌，　原來佢地做緊春祭,鮪魚set特價. 正正正．佢既大toro平日賣要400 yen, 中toro都要300 yen啦．所以我地叫左個雜錦set同一個５件鮪魚set之後，　再忍唔住叫多個３件鮪魚set.食到好飽呀．Toro真係好肥美呀．

食飽飽搭番車去大門行番去浜松町拎行李，跟住搭山手線去池袋Metropolitan Hotel.
由於去到都係10:xx a.m.唔可以Check in 住，就將行李寄存係酒店度．　跟住搭山
手線去新宿行街街．　我地今次日本行既目的都係買野，　所以第一日行程主要係
新宿行. 有01系百貨，　伊勢丹，　Lumine, Comme Ca Store, 百果圜，etc.
午餐就係連鎖店つな八食天婦羅．　夜晚就係高島屋搵間唔使等位既蕎麦店攪掂．
食完8:xx p.m.就返酒店Check in休息，因為坐凌晨機已經好倦啦. 第一日就此完結.