行程: 札幌手稻滑雪場
今日我同青姐決定去手稻滑雪場滑雪, 青姐上年已經去過手稻所以我就靠哂佢啦. 我食左禽日買既蛋糕做早餐, 青姐就食左毛蟹, 之後我地就坐mtr去札幌站, 再轉JR去手稻站.
由手稻站南口出去可以見到巴士站, 固度可以坐巴士去滑雪場.
我地因為早左去手稻站, 巴士仲有15分鐘先到, 所以我去左附近既小型超市睇下有咩買. 小型超市買既食物比較平, 真係好想買多d, 不過要滑雪冇辦法啦.
我地去到手稻已經11點幾, 所以決定玩4小時算. 今次要自己租鞋同pole等, 因為要冇經驗所以攪左幾耐. 著好鞋我地就去售票處買gondola pass, 我係網上做過research, 知道初學者可以去聖火台固邊玩, 但我見佢最斜有成15, 真係唔知滑唔滑到, 不過即管上去玩下先. 青姐原本玩開另一條初學slope, 但佢話陪我玩下先.
我地諗住坐chairlift上去, 點知青姐一時失去平衡坐唔到落chairlift度, 攪到chairlift差d走左, 好彩職員見到停左俾佢坐番咋.
上到頂原來風景唔錯喎, 所以忍唔住影左相.
好叻, 預備滑落去啦, 但係開始固段對我來講實在太斜, 所以我跌低左, 第二次都係咁, 真係要諗辦法克服佢先得.
第三次我試下一開始唔直落, 打斜線咁落, 今次終於都成功啦, 成功克服到真係好開心呀. 青姐見我成功左所以佢就放心去番佢滑開條路啦. 而我就繼續係固度練習. 今次除左成功克服到15斜度, 轉彎轉得順暢左. 下次真係好想試下青姐滑固條同埋由山頂滑落山下既rainbow路段.
大約4點多我地就還番滑雪用品, 再坐巴士, JR, 地鐵番酒店.
放去滑雪用品, 我地見距離晚餐仲有一段時間, 所以我地去左地下街行下買下手信. 再會合Ada姐去狸小路行街. 原來狸小路有cremia雪糕店, 我地一見到就忍唔住食個飯前甜品先. 真係好好味呀.
行到7點半我地就行去食晚餐, 我地既晚餐決定食和牛, 係網上可以book定先. A5和牛set好豐盛, 牛入口即溶, 唔錯, 當然牛味不及東京食到既和牛啦.
食飽飽我地就慢慢行番酒店繼續浸溫泉啦. 呢個時侯收到香港航空email話聽日班機會delay 2個鐘, 真係好啦, 可以遲d起身.
手稻滑雪場
http://www.sapporo-teine.com/snow/lang/zz/
yakiniku bar tamura
http://www.fmc-tamura.co.jp/restaurant/akarenga/
