行程: 札幌
今日要離開函館, 到北海道第一大城市札幌. 我地一早預訂左JR指定席, 8:54出發, 所以我地禽晚買左lucky漢堡做早餐. 酒店地下有個area有檯椅, 可以係固度食早餐, lobby有免費咖啡茶水供應. 所以唔使買野飲.
早餐後我地就上房拎行李落黎check out, 然後去JR函館站坐直通火車到札幌.
火車大約中午時份到達札幌, 我地再轉地鐵到達大通. 我地住既酒店叫Resol Trinity, 係大通公園旁. 房間當然好細. 但勝在有個Spa可以浸. 我地settle down後, 就開始自由活動時間. 因為今次shopping時間比較少, 所以我要把握時間shopping.
我連午餐都唔食就去左parco大丸等百貨公司, 適逢1月百貨公司減價, 所以有d衫減到千幾yen.
買完靚衫Ada姐同青姐已經食完lunch, 我地就會合行去札幌車站旁行街,主攻地下食品館及boutique. 行到夜晚8點半先離開.
跟住我地就坐mtr到豐薄野食晚餐. 黎得北海道梗係要好好食番餐蟹宴啦. 出發前係網上見到冰雪之門評價好好, 雖然價錢唔平, 但決定一試. 店員話最受歡迎套餐係10000多yen既蟹餐, 可以一次品嘗皇帝,雪場同毛蟹3大蟹. 但我地見到有個deluxe版13xxx yen都好想豪下. 所以全部order左deluxe版. 整體黎講款款都好新鮮啖啖肉好好味, 食完呢餐蟹道樂可以唔便再去啦 =P
由於青姐佢地食左午餐, 所以當主角毛蟹出場佢地食唔哂. 問左店員又唔可以打包, 唯有靜雞雞將毛蟹放落膠袋拎走.
晚餐後我地就返酒店, 享受一下14樓既spa, 我同青姐決定聽日去滑雪, 而Ada姐話會留係札幌行街.
冰雪之門
http://www.hyousetsu.co.jp.t.em.hp.transer.com/
沒有留言:
張貼留言