熊出沒注意: 4月 2013

星野界松本溫泉酒店

每次入住日本高級溫泉酒店, 真係唔可以唔佩服日本文化. 佢地對於每樣細節都非常著重. 所以我每次Plan去日本既時候, 都會盡可能搵1日入住高級溫泉旅館. 因為置身其中真係有上賓既感覺架.

不過日本既溫泉旅館多到令人眼花撩亂, 應該要點算擇好呢? 其實我選定要去既地方之後, 我會開始search下附近有咩溫泉旅館.

例如:
伊豆附近有熱海, 伊東,稻取, 修善寺, 堂島等等
富士山有箱根, 河口湖
輕井澤有草津. 伊香保, 四萬, 萬座, 水上
松本溫泉有淺間,

跟住就search下訂酒店網同酒店本身既網頁, 睇下佢地既客房, 溫泉照片. 因為我試過第一次book溫泉旅館以為間間旅館既露天溫泉都係可以睇風景架. 點知去到先知原來所謂既露天風呂就係一個有蓋有圍欄圍住哂既室外風呂. 冇風景可言, 所以我而家要搵靚view風呂一定會上網睇哂相先, 覺得Ok先會book. 另外又會睇下訂酒店網同blog, 睇下大家對酒店既評價. 因為好多時見到酒店提供既懷石晚餐好精緻好好味咁, 但係見到其他人既comment都話佢唔得, 所以真係要睇多幾個人既comment先得.

當你選定酒店後, 最好就係係訂酒店網同酒店自己既官網格下價, 因為我發現訂酒店網唔一定平過官網, 要睇固個時間兩個網提供既promotion先得. 好府我book淺間酒店咁, 係樂天酒店網都係做緊28日前booking優惠, 而且冇季節特別懷石既package選. 但係係官網有個45日early bird booking package係平過28日Early bird. 而且仲可以book埋秋天特別懷石料理, 咁可以慳番少少.

第二樣野要注意既係避免星期六(尤其)日入住, 因為好多酒店星期六係貴幾千yen/人架, 你都知啦, 2個人就好貴架啦.

好, 講番呢間星野界松本溫泉酒店啦, 呢間酒店原名貴祥庵,後黎俾星野集團收購左, 張佢打造成一間服務好既小型精品酒店. 星野集團最出名當然係係輕井澤既星野溫泉啦, 所以對佢旗下既酒店都會有信心. 輕井澤星野溫泉每間房要成30000yen以上, 而且佢網頁寫要入住兩晚以上, 所以我地決定試下另一間位於淺間溫泉既星野松本界. 酒店距離輕井澤要成兩個半鐘架, 但係距離松本市只係15分鐘, 所以如果大家去開立山黑部 , 上高地, 松本市可以考慮住一晚淺間溫泉.

講真, 係官網睇過佢既資料, 覺得佢雖然有好多種溫泉同有露天風呂, 但係就冇乜view睇. 而房間唔算特別靚, 又冇得係自己間房食飯, 係係料理方面好似好吸引咁. 因為佢秋天做緊秋天特別懷石, 用左當造既信州小布施栗子, 茸同和牛做成美味菜色. 但係睇到樂天同jalan網好多人對佢既評價好高,例如話有2個厠所, 食物美味, 服務好, 多種溫泉, 同埋雖然唔係係房食, 但係佢會帶你去獨立個室食飯,有私隱, 最好就係可以12點先checkout, 所以我決定試下呢間酒店啦.

由於官網推出左45日割引plan比樂天28日前割引平, 所以我用酒店官網book, 但係官網另外有個plan係加錢食秋天特別懷石, 唔知可唔可以兩個plan一齊用呢? 於是我就嘗試send 英文email去問下酒店,呵呵, 其實我都係試下睇下有冇回覆先咋, 因為好多人話日本人英文唔好, 所以send 英文email去係唔會覆你架. 我已經打定輸數如果冇reply就搵個識日文既friend幫我send email.

好好彩, 居然有回覆呀, 而且回信既人英文幾好喎, 佢話冇問題呀, 真係超開心. 我見佢英文幾好,於是順便問左佢附近既天氣, 交通, 仲同佢講我地訂左電話卡, 希望佢地幫我地keep住先. 最後佢都回答哂我地, 就係溝通方面已經加左唔少分啦. 最後我地用左25000yen訂左最鈿既房間+秋天特別懷石, 雖然冇附露天風呂, 但係房間有和室12.5帖＋広縁付, 算幾抵住, 因為草津溫泉望雲10帖房都要23000yen.

酒店內

房間內

兩個toilet, 正

食物篇

溫泉

星野界松本溫泉好處:
1. 呢個係好多溫泉酒店都做唔到既, 就係可以12點先Check out啦.
2. 房間好大
3. 有13種不同湯
4. 15分鐘車程可到松本市參觀, 市內有國寶松本城
5. 食物唔錯, 有信州和牛, 茸, 小布施栗子等信州食材
6. 我用英文send email問問題會有回覆, 而且回覆我既職員英文幾好. 另外館內都有職員識講英文, service唔錯.
7. 酒店聽講係由一個日本有名建築家設計, 所以個lobby都特別D.
8. Lobby有free wifi
9. Lobby有免費咖啡茶供應
10. 早晚餐雖然唔可以係部屋食, 但係餐廳個室食都可以有私人空間.
11.房內居然有兩個厠所, 我同朋友仔各用一個, 超爽.

星野界松本溫泉缺點:
1. 比起草津溫泉, 淺間溫泉冇咁出名, 夜晚唔會好似草津溫泉咁熱鬧
2. 酒店內既所謂賣店好少土產賣, 唔吸引
3. 旅館冇得係部屋食飯, 要去佢既餐廳個室食早晚餐.
4. 冇colorful既浴衣
5. 溫泉冇景睇.

池袋

差d忘記左埋尾o忝. 其實最尾一日通常都唔會走得遠, 所以我同朋友仔都係stay係池袋算. 我地全部人食完個酒店自助早餐, 朋友仔父母同兄嫂坐下午機, 所以佢地就返上房執野.而我同朋友仔坐夜機, 所以就寄存行李係酒店度然後行到兩點幾. 我地首先行左去Animate本店, 係網上見到佢搬緊屋,舊既本店已經close左, 新本店局部開放. 新店近左池袋東口站, 係熱鬧既明治通附近, 比舊店大.裡面有新到漫畫同精品等等. 不過似乎女顧客比男既多. 我地仲見到有個中年女人對住電視動漫一面手舞足蹈呢.

行完漫畫就去左sunshine行,因為前日都未行哂, 同埋我想搵間睇日本雜誌見到既Honeys, 因為見佢既價錢好似唔係好貴. 果然真係好抵下, 我買左幾件圓領返工top都係1xxx yen, 最抵係佢既背心, 佢既背心個樣係返得工固隻,仲要九折後都係HKD 8x, 仲要有大碼, 真係好. 所以我好唔小心係固度買左5,6件衫.之後我又發現有檔買襪既1000yen有3對, 即HKD 33.33333, 我之前係香港一間賣日韓衫店就要賣70-80一對, wow, 平成半, 所以買左3對叻.

香港幾時會有呢種扶手電梯?

我地行下試下衫咁已經點幾啦, 唔係好夠時間食lunch, 所以就放棄左個lunch, 去左西武BB部買左堆手信俾朋友既BB, 因為龍年真係特別多人生B呀. 買完BB野我地就落左樓下食品部睇下有冇手信賣, 賣完都係時候番酒店pack野拎行李去坐NEX. 池袋站有lift上月台都好D, 唔使拎住咁重既喼行樓梯.

我地又要搵番我地劃票既車卡上車, 車準時到達, 我地放好行李就休息食下之前買左既零食同飲品.NEX真係唔錯, 伸直腳都好闊落, 又準時, 所以朋友仔大哥話下次都想試下, 因為佢地覺得坐巴士好窄.