差d忘記左埋尾o忝. 其實最尾一日通常都唔會走得遠, 所以我同朋友仔都係stay係池袋算. 我地全部人食完個酒店自助早餐, 朋友仔父母同兄嫂坐下午機, 所以佢地就返上房執野.而我同朋友仔坐夜機, 所以就寄存行李係酒店度然後行到兩點幾. 我地首先行左去Animate本店, 係網上見到佢搬緊屋,舊既本店已經close左, 新本店局部開放. 新店近左池袋東口站, 係熱鬧既明治通附近, 比舊店大.裡面有新到漫畫同精品等等. 不過似乎女顧客比男既多. 我地仲見到有個中年女人對住電視動漫一面手舞足蹈呢.
行完漫畫就去左sunshine行,因為前日都未行哂, 同埋我想搵間睇日本雜誌見到既Honeys, 因為見佢既價錢好似唔係好貴. 果然真係好抵下, 我買左幾件圓領返工top都係1xxx yen, 最抵係佢既背心, 佢既背心個樣係返得工固隻,仲要九折後都係HKD 8x, 仲要有大碼, 真係好. 所以我好唔小心係固度買左5,6件衫.之後我又發現有檔買襪既1000yen有3對, 即HKD 33.33333, 我之前係香港一間賣日韓衫店就要賣70-80一對, wow, 平成半, 所以買左3對叻.
我地行下試下衫咁已經點幾啦, 唔係好夠時間食lunch, 所以就放棄左個lunch, 去左西武BB部買左堆手信俾朋友既BB, 因為龍年真係特別多人生B呀. 買完BB野我地就落左樓下食品部睇下有冇手信賣, 賣完都係時候番酒店pack野拎行李去坐NEX. 池袋站有lift上月台都好D, 唔使拎住咁重既喼行樓梯.
我地又要搵番我地劃票既車卡上車, 車準時到達, 我地放好行李就休息食下之前買左既零食同飲品.NEX真係唔錯, 伸直腳都好闊落, 又準時, 所以朋友仔大哥話下次都想試下, 因為佢地覺得坐巴士好窄.
去到成田機場我就盡最後努力買手信, 之後就坐機回港, 日本之旅就此結束啦, 真係唔係好捨得.
Animate
http://www.animate.co.jp/
Honeys
http://www.honeys.co.jp/
戰利品
卡樂B專門店
Skytree限定版
購自秋葉原
購自富士急
購自Kiddy Land
係藥房見到Kanebo限定Package, 就忍唔住買
今次唔算買得多零食架啦.
Agnes B日本限定版
沒有留言:
張貼留言