Ｄａｙ ９行程: 入間三井アウトレットパーク ，飛騨牛一頭家 銀座 馬喰一代
Ｄａｙ １０行程: 池袋
今日兩個團友去鬼太郎茶屋，我就繼續去三井入間ｏｕｔｌｅｔ ｓｈｏｐｐｉｎｇ！
由池袋坐西武線到入間，再係南口坐西武巴士可到三井入間Ｏｕｔｌｅｔ．因為可能係最後一日ｓｈｏｐｐｉｎｇ啦，我又唔小心買買買，買左好多野。返到池袋我又去左Ｓｕｎｓｈｉｎｅ ｃｉｔｙ行左陣，然後放番ｄ戰利品返ｂｎｂ再出去。咁岩見到肥仔係度，我就同佢一齊出發去銀痤啦。
我地今晚食飛騨牛，呢間餐廳可以係事前預約。但就好ｆｕｌｌ，我地９點先ｄｉｎｎｅｒ所以比較容易ｂｏｏｋ．入痤後我地ｏｒｄｅｒ左一客牛舌同牛拼盤。我地首先燒左片牛舌食，一試真係不得了，好好味呀！另外飛騨牛拼盤都好正。不過今次食左好多靚牛改變左我地食牛既睇法。以前以為越肥越好，但越肥反而牛味冇咁重，而且好漏呢。反而肥肥地既有溶化感牛味都比較重，所以我地唔會再選最肥既牛牛啦。
由於牛舌太好味我地再ｅｎｃｏｒｅ多客啦。晚飯後我地坐番ｍｅｔｒｏ番池袋執行李，因為聽日我地就要走啦。
死啦買得太多野唔知點執好，見到ｄ戰利品真係冇眼睇！
執到第二朝成兩點半，終於都拉得埋個行李，肥仔心思思想再去無敵家食霄夜，女團友竟然陪佢癲！我就因為之前太飽冇同佢地去食。
佢地第二朝同我講兩點半食無敵家終於唔使排隊啦，真係ｃｒａｚｙ．
終於到左旅程最後一日啦，我地要坐下午４點幾機，所以係ａｉｒｂｎｂ食埋之前買既食物做早餐，之後我地就離開ａｐａｒｔｍｅｎｔ作最後衝刺，係池袋百貨公司及食品館ｓｈｏｐｐｉｎｇ．其中我買左東京有名既Ｋｅｎ＇ｓ Ｃａｆｅ既朱古力蛋糕３食。可以雪凍食，可以常溫食，又可以叮熱佢黎食。朱古力非常濃郁，好好味。佢既店其實係新宿御園。不過佢會係某些百貨公司寄賣。下次大家可以去試下呢個係ｔａｂｅｌｏｇ有成４分既甜蛋糕啦。
飛騨牛一頭家 銀座 馬喰一代
http://ginza.bakuroichidai.co.jp/
Ｋｅｎ＇ｓ Ｃａｆｅ Ｔｏｋｙｏ
http://www.kenscafe.jp/english.html
