行程: 富士急樂園, Bnb煮飯仔
今日我同女團友一早去富士急樂園, 一於要玩盡四大過山車: 高飛車, Fujiyama, DODONPA, Eejanaika.
我地預先係富士巴士進行預約, 坐7:45分巴士入富士急樂園. 巴士上車點已由新宿西口搬去新宿
南口既新bus terminal 4/F.
由新宿新南改扎出口, 過對面馬路上4樓就係新既新宿高速巴士站.
我地係票務處買Q Pack(來回巴士加任玩一日票), 就跟水牌去到巴士上車處就得. 今日好彩冇落雨, 可以見到富士山呢 ^O^
我地目標係玩哂4大過山車, 所以入到樂園就去旋轉木馬附近既Fast Pass票處買Fast Pass, 我地買左兩個fast pass, 就係高飛車同Eejanaika.
其實後黎發現今日人唔算太多, 排40分鐘都已經玩到. 我地去左玩高飛車先. 呢個過山車我幾年前已玩過, 雖然直上同埋121度落, 但唔算太驚.
玩完後我地就去玩Eejanaika, 呢個過山車係第一次玩, 所以好期待.
玩呢個過山車前要除鞋玩架, 過山車係吊腳架, 成個過程只覺得佢不停咁fing你既手手腳腳, 感覺真係好得意, 同平時玩開既離心力或玩速度既過山車好唔同, 好好玩.
跟住就當然係玩埋經典既Fujiyama同DODONPA啦. 本來想玩多次Eejanaika, 但已經多左人玩, 要排個半鐘, 見Fujiyama排得快d又再玩多次, 真係好.
今次玩得哂過山車真係好, 仲有時間玩埋有名既鬼屋. 不過呢鬼屋比想像中差, 因為唔係好多鬼出黎嚇我地. 玩完鬼屋我地去埋高達館睇下就坐返巴士返新宿.
我地係新宿諗住轉車去池袋, 點知女團友唔小心見到小田急百貨食品館, 佢忍唔住落去買左d芝士tart, 綠茶布甸先返池袋. 攪到肥團友等我地開飯等左好耐.
我地返到bnb肥團友已經係西武百貨人形町今半精肉店買好和牛壽司煮飯仔, 我地簡單將牛肉放係壽喜燒汁, 再沾蛋汁食, 和牛入口即溶, 真係正到痺.
沒有留言:
張貼留言