2016東京伊豆賞櫻美食Encore遊Day 7

行程: 築地鮨國うに丼，川崎市藤子・F・不二雄博物館，焼肉ジャンボ 本郷店

每次去親築地我都會去喜代村食壽司ｓｅｔ，不過今次我地就試下鮨國うに丼。好彩鮨國唔算排太耐，半個鐘已經ｏｋ．

鮨國うに丼３千幾ｙｅｎ價錢唔平，但當見到成碗飯都係海膽就俾滿足感蓋過一切。

我地今日既行程係參觀川崎市藤子・F・不二雄博物館，呢間博物館係予約制，所以我地去到日本第一日已經係ｌａｗｓｏｎ買票，每節２小時。我地買左下午２點。所以仲有時間係築地行多陣先。
１２：３０我地就由築地去新宿，再轉小田急線去向ヶ丘遊園。其實係登戸站有巴士去博物館，但我見到網上有人話由向ヶ丘遊園行去博物館途中都會有ｄｏｒａｅｍｏｎ既公仔所以我地選擇慢慢行過去影下相。２０分鐘後我地到達川崎市藤子・F・不二雄博物館。我地跟住排隊等入館。

其實博物館唔算大，有戶外Ａｒｅａ，戶外Ａｒｅａ有隨意門同大雄成日玩既公園場景等。另外包左可以睇一套２０分鐘既電影。仲有一間Ｃａｆｅ，但我地冇食野，反而去左扭蛋，我扭左４個終於扭到個ｄｏｒａｅｍｏｎ．都唔錯。

 

我地５點就離開博物館，行返去向ヶ丘遊園，因為頭先見到ａｅｏｎ超市同埋１００ｙｅｎ店Ｓｅｒｉａ，所以想去行下。結果又唔小心買左野．

跟住地就去左本鄉３丁目站食燒肉，係ｔａｂｅｌｏｇ搵既，佢最出名係野原燒，另外第一次食牛心，仲要店員只燒１ｘ秒！

味道係唔錯既，但就唔係好鐘意佢ｄ肉係醃好左，所以食唔到肉既原味呢。