溫泉旅館既tatami真係好舒服呀, 我一覺訓到天光, 如果唔係7:30食早餐都唔想起身.
花紫既早餐係和式早餐. 有野菜, 豆腐, 烤魷魚, 烤魚, 蛋卷, yogurt, 估唔到漬物都ok, 因為我平時唔食漬物架.整體黎講早餐都唔錯.
早餐後我就去旅館附近既遊步道行下影下相, 之後就回房間pack野check out. 旅館用七人車載我地去加賀溫泉站, 唔使我地拖住喼,真係好.
我地坐9:13分加賀溫泉巴士去金澤, 價錢1350yen正達金澤站好方便.
青姐問我地跟住轉咩野車, 我同肥仔話已經到左酒店, 青姐好攪笑話我地成日plan哂行程佢都唔知已經到左!
我地住既VIA INN係正金澤站, 好方便, 但地方就好細, 喼都未必開到, 不過之前兩日豪左兩餐所以今日就打回原型.
我地settle dowm後就去金澤巴士中心換領昇龍道3 day pass, 再出埋之前預約好既金澤至白川鄉巴士痤位車票.再買北鉄バス１日フリー乗車券, 就出發坐巴士到近江町市場.
近江町市場係金澤有名既市場, 有海鮮, 松葉蟹, 土產, 生果, 超市等等. 我地行左一圈肥仔就話要食lunch.佢已經有目標餐廳, 叫いきいき亭 近江町店. 去到都要等一陣位先入得.
我order左個朝井2200yen, 種類豐富, 都算新鮮, 好抵食.
lunch後我地去左對面既百貨公司逛下, 佢有一個area係手信店, 我地唔小心買左手信, 肥仔話手信好重, 於是我地就坐巴士番酒店.放好戰利品我就去金澤站shopping, 青姐同肥仔就去左睇手信. 金澤站金沢百番街有好多和果子店, 土產店, 和風小物店, 金箔等等.
我地只係行左1個鐘就要出發去食dinner. 因為我地今晚食既乙女壽司係好熱門既omakase店, 我一早訂位都已經只有5點slot. 為左食我當然照book啦. 所以我地5點就到達乙女壽司, 佢個門口真係好難搵, 又落大雨. 好彩我睇過網友介紹所以好快locate到係邊.
我地一坐低店員就問我地食壽司定係壽司及刺身. 我同肥仔誤會左, 以為壽司及刺身set壽司部份會少左. 而我地都鐘意食壽司所以只選壽司set. 青姐就選左壽司及刺身set. 廚師及助手好忙咁預備食物, 開頭佢地將壽司放係我地檯. 之後見到助手把燒魚放係青檯前,我同肥仔就後悔啦. 因為壽司及刺身set比壽司set多了刺身, 燒魚, 仲有香箱蟹吃!! 而我地既壽司set就只有十件壽司. 每件壽司都非常新鮮好吃. 但又冇得轉course, 只有望住青姐享用美食咋.
埋單壽司set 8000 yen, 雖然唔飽, 但以質素黎講都覺得好抵食. 青姐既set都係16000 yen咋, 下次有機會好想再食過.
飯後我地返金澤Kanazawa Forus shopping. 肥仔因為食唔飽佢就係Kanazawa Forus 食左個炸豬扒飯. Kanazawa Forus 9:00就close, 只好去便利店買雪糕番酒店食.金澤其實冇乜夜生活. 好多百貨公司7:30就close, 食店都早close, 唯有乖乖係酒店房飲飲食食啦.
乙女壽司
