行程: Hua Lamphong Railway Station, Chareon Sang豬腳飯, Iconsiam, Artis Coffee, 拉差達火車夜市
今日我地超早起身, 5點半就出去截的士去Hua Lamphong Railway Station. 原本我想用grab call taxi, 但肥仔話出去截咪得啦. 於是我地就去大路截. 第一架收我地150b, 我地話meter佢都拒絕. 跟住截第二架都係咁.第三架終於肯落meter. 我地好開心咁上車, 同佢講去Hua Lamphong Railway Station, 佢又好似好知咁. 咁諗應該冇問題啦.只要車一直往前駛就得啦. 但點知司機係第一個路口轉左! 我地覺得有d怪, 但可能之後會再轉番右呢...
點知佢竟然繼續轉左, 即係做左個u turn, 變左反方向!! 我地即刻叫停司機, 同佢講火車站喎, 仲拎埋map講直行喎唔係反方向. 攪完一輪佢好扮野咁話以為我地去機場!!!!! 我地咩野行李都冇做咩去機場呢. 最攪野係佢之後不斷重複咁講"Oh! Hua Lamphong! Hoho! Hua Lamphong! Hua Lamphong!" 佢既語氣俾我地覺得佢係掩飾緊! 好彩最後佢真係知道我地去邊, 車到我地去火車站, 價錢105b,俾佢兜一兜貴左, 但都平過150b既.
我地去火車站諗住買火車票去死亡鐵路, 點知原來已經full哂. 我原本諗住第二日就去買定先, 肥仔話唔使買所以先冇買, 所以我為此有d唔高興架.
去唔到死亡鐵路, 唯有改行程啦, 去iconsiam行下. 於是我地左坐subway去Silom再轉bts去Saphan Taksin站食早餐先.
我地去左Chareon Sang豬腳飯. 呢間食店係小巷內, 價錢唔貴, 但味道唔係話好outstanding呢!
早餐後我地去左附近既Robinson超市行下, 之後就行去碼頭等船.
Saphan Taksin站 Exit 2出口有船可以去iconsiam, asiatique等地方.
我地坐船去到iconsiam, 發現附近除左商場係冇野行架! 我地好辛苦終於搵到張櫈坐到商場開門啦.
我地入到去地下固層係水上市場, 我地趁住冇咩人就影哂相先. 之後就上左最高固層行落黎.
最高固層係食店. 我地去左After you dessert食個甜品. 我又order左我既至愛泰茶刨冰, 好好味呀^_^
之後我地就開始分開行啦, 食店下一層係d精品, 手信, design product. 之後一路行落去都會有玩具店, 百貨公司, boutique等等,吸引力唔大, 所以最後都係去返水上市場固邊搵野食.
飲完咖啡我番到Apartment休息左陣, 大家就睇下今晚去邊. 肥仔話可以行下火車夜市, 於是就出發去Thailand Cultural Centre站既拉差達火車夜市. 裡面好似花市咁, 有 boutique, 另外有幾行係食物. 但我地行行下就開始落雨. 我地就係度食左小食同飲品. 但雨越落越大,之後個夜市仲不停跳fuse, 我本來想飲既飲品因停電做唔到唯有放棄. 之後真係大雨得好緊要我地決定閃去站旁既商場避雨.順便睇下有冇野食.
我地係地庫行左個round, 好似冇食過船河, 所以就試左間河麵店. 我order左牛河試下. 估唔到都幾好味喎, 但就好細碗, 所以我又order左pork noodle.又平又幾好味.
食完出到黎雨細左, 我地趁機番Asok Apartment啦. 估唔到一行室外夜市就落雨呢.
沒有留言:
張貼留言