等左成年終於出發去日本中部啦.之前成日係fb見到朋友去完白川鄉既相十分吸引,真係好葡萄. 今次輪到我當然分外興奮啦,社會事件令到我地都好唔高興, 所以出去走走放鬆一下, 遺憾的是我地撞正區選返唔到黎投票-_-, 幸好我地三個所屬既區議員都順利當選.
我地係11月15日坐早上8:00機入大阪, 但呢個時侯係理大事件蘊讓中, 原本我地打算凌晨坐N車去機場, 最後大家覺得早一晚到機場會好些,所以我地就11月14日晚放工後去機場訓一晚.
14日有些地鐵站及巴士路線未恢復. 我放工後諗緊點去機場, 因為我架機場巴士停左, 最近都要行十五分鐘先去到另一區坐機場巴士.而地鐵10點又close, 唔夠時間去機鐵, 正感頭痛時見到有架巴士經過, 原來呢架巴士冇停駛, 所以我就決定坐巴士出九龍再係同一站轉機場巴士. 我10:00上左巴士, 之後見到有車長話巴士10:30會停, 好驚去到九龍接唔到機場巴士. 我10:30去到九龍落車, 青姐已經係巴士站等緊我. 我地等左20分鐘, 終於見到最後一班機場巴士到達, 真係好好彩. 而由於紅磡已經封路, 所以司機就經何文田去油痳地再轉上公路,成功到達機場. 肥仔已經係老麥等我地.我地就買左個包食, 順便訓埋覺. 訓到五點竟然俾清潔大嬸叫醒左. 於是我地慢慢咁去toilet,慢慢check-in, 過海關, 之後就入lounge食早餐.
早餐過後我地就順利坐飛機去大阪啦. 我地拎哂行李就坐JR去大阪. 之後就經地下街去酒店check-in. 但係地下街真係好多誘惑.有好多麵包店, 食店, 雜貨店, 藥妝等. 最後我地敵不過cremia雪糕, 決定食番個雪糕先再上路.
我地settle down後就去食個壽司先. 就係酒店附近, 叫亀すし 総本店. 聽講夜晚去要排長龍. 整體黎講唔算好突出. 所以我地唔係叫好多野.
之後我地去左百貨公司食品館買左腐皮壽司, 靚靚蛋糕第二朝食. 之後我地分開行, 我就當然去shopping啦. Hep 5商場, uniqlo,地下街, 好多野逛都逛唔哂. 佢地8點, 9點就close. 肥仔whatsapp我佢地食緊晚餐問我join唔join.佢係地下街一間天婦羅天亭食緊天丼. 味道ok, 價錢770yen已經有好多料. 抵食!
食飽左我地就返酒店浸spa, 順便沖個靚涼. 早d休息, 聽日要早起趕車去敦賀.
沒有留言:
張貼留言