2019北海道滑雪團Day 2 (國際滑雪場)

2019北海道滑雪團Day 2

今日要好早起身去國際滑雪場. 因為我同阿瑩報左名學snowboard. 但係有d擔心學唔識, 因為佢地冇英文教練.不過國際同手稻都冇英文教練, 我地唯有照book, 用身體語言搭夠啦.

我地住既酒店近札幌bus terminal, 所以就去17號巴士站排隊. 去到都有唔少人排隊啦. 我地上左車就食早餐, 然後再訓陣覺, 個半小時就到滑雪場. 我地去到就入去櫃位報到. 職員叫我地填form, 問我地踢腳會用左腳定右腳. 之後我地就去戴埋手套, mask, 頭盔帽, 跟住職員介紹我地既教練俾我地, 佢叫信.

佢幫我地著埋鞋, 之後就帶我地出去, 教我地點上板, 用單腳滑行, 行走, 上斜, 之後就上輸送帶. 可惜我塊板一上輸送帶就放歪左 =P 阿瑩就成功. H君好耐冇滑所以就係我地學snowboard既area滑下先. 青姐都陪下我地. 試左幾次H君同青姐就上山頂玩. 我同阿瑩開始學下heel, 之後已經夠鐘食lunch. 青姐同H君都由山上落左黎, 聽H君話有d路都幾斜. 另外佢又唔小心滑左去中級道攪到跌下跌下先落到黎.

 我地好求其咁食拉麵算, 但估唔到味道唔錯!

到左下午lesson, 教練話帶我地上山頂. 我地坐chairlift上山頂, 一落chairlift我就趺低左! 好彩教練扶起我. 教練帶我地去到一個雪整成既屋仔, 可以坐係裡面飲酒. 不過我地冇咁做.
之後佢話帶住我地滑一段路. 佢首先扶住我向左向右滑左陣, 之後就放手, 我竟然滑到一小段路. 跟住教練就繼續帶阿瑩, 但教練一放手就跌低, 如事者試左幾次先滑到黎我度. 跟住教練扶我起身試多次, 今次佢一放手我就好成功咁heel到一段長距離, 到後黎因為heel得累所以坐低休息下 =P

今次我坐係雪地等左幾耐先見到教練同阿瑩落黎. 原來阿瑩話中間跌左n咁多次呢! 之後教練開始教我地toe, 但係由於睇唔到後面所以好驚, 所以試左兩次都唔成功.
跟住就已經夠鐘落堂. 我地見都係下午三點半, 於是就係山下小斜坡練下. 我雖然識heel, 但起唔到身!!! 教練每次都扶起我所以唔識自己起! 只識轉toe side起身, 但一起身就企唔穩又跌低, 山下既雪好硬, 隻手腕同膝頭都好痛, 所以試到4:15我地就還snowboard. 見有時間就去賣店逛下. 我買左條深焙咖啡雪條食. 果然好好味啊.

我地坐5點巴士回札幌, 團友們就返酒店休息換衫, 我就爭取時間係札幌站逛下. 8:00就去餐廳會合食壽司. 我地每人order左20件壽司set, 味道唔錯但食到超級飽, 飽到見到壽司都驚 >_<
後黎諗番都話知先兩一份啦, 因為20件其實每樣都有兩件架!

由於滑完雪好累我地就返酒店浸spa, 係spa出面既area休息飲杯茶. 我地決定聽日唔使咁早起身, 坐遲一班巴士去國際滑雪場.