2015東京河口湖甲府賞櫻美食爆喼行Day 4

Day 4行程: 上野, 代官山, 新宿, 澀谷

今日係最後一日係東京掃貨啦. 我又係8:30起身. 今日肥仔話join我去上野買野. 去到上野大家當然係去二木果子掃零食啦. 估唔到冇去幾年佢已經開左成三間店. 仲變左小型超市tim. 真係發死佢啦. 我同肥仔又好唔小心咁買左成兩袋野, 真係買到冇眼睇, 都唔知點拎番香港>_<

之後我去左Yodobashi幫同事買風筒, 要成千蚊一個, 好貴呀.....
買完野我地返Apartment放好d野. 好彩我地買左Metro 1 Day Pass, 500yen任坐. 岩哂要番酒店放低野既人.

放好野我地又分開行街啦. 我就去左代官山諗住睇貓精品店Cats click.點知原來佢星期六日先開. 冇辦法啦, 唯有去下300 yen精品店cou cou睇下. 其實有好多野想買, 不過真係唔知點拎 .....

去完代官山我又走左去新宿Lumine同藥房睇下. 新宿間藥房退稅條龍真係長到要落下一層.
於是我走返去澀谷藥房睇下. 固間稍為好少少. 我今次冇買化妝品, 反而買左美白牙貼試下.
行下行下都成10點. 於是約埋肥仔係澀谷食dinner. 本來諗住去一間燒烤店試下. 點知佢話呢幾
日都好full! 下次一定要去試下先. 

哎, 10點幾好多好味既食店都Close, 好彩我地住係澀谷, 唔憂搵唔到野食. 我地見到一間碟碟290 yen既燒烤店, 所以就去試下啦. 雖然唔係好高質素, 但都ok既.

好啦, 要返去執野啦, 聽日要出發去山梨玩啦.

2015東京河口湖甲府賞櫻美食爆喼行Day 3

Day 3行程: 原宿, 池袋

第三日終於可以訓晏d啦. 我8點幾先起身, 同肥仔食左禽日買既toro海膽同限定雪糕做早餐.
我地又分頭行事啦. 我今日要去原宿究朝聖啦!! 我沿住明治通行去burberry買左個牛仔布袋.
又去左精品店Asoko買左少少精品, 之後就去左我必到既La Foret朝聖啦. 好多i記代理品牌都有. 而且價錢仲平過i記好多. 可想而知i記食水有幾深呢. 日圓平之下我買左件2xx既乾濕褸.
真係唔買對唔住自己 =P

買呀買呀已經成四點幾, 禽日已經book左食鰻魚飯, 所以要趕去池袋. 去到唔見明明. 原來佢whatsapp我地佢去左橫濱所以唔同我地食飯. 咁好啦. 我地自己食啦.

池袋鰻魚小店只有1x個位, 真係好細間, 除左鰻魚飯外, 佢地仲有鰻魚唔同部位既串燒食.
名副其實全鰻魚宴. 鰻魚飯汁唔係好甜, 反而可以突出鰻魚味. 肥肥地好香口好好味. 唔怪得係
tabelog成4.x分啦.

食飽左都係6點幾. 肥仔又約左另一班朋友食雞泡魚宴. 我就走去車站旁既Lumine掃貨.
今次買左唔少accessories. 耳環, 頭飾.... 行到Lumine Close先返Apartment. 返到去都11點幾. 肥仔已經係度. 我又撩佢去附近既24小時supermarket買野. 原本佢話第一日已經去過下買左少少野. 但一諗起食佢就抵抗唔住我既誘惑所以我地就去左Maruetsu睇下. 唉, 兩個人去買野真係容易出事, 大家會發掘好多野黎買. 結果大家每人買左成袋零食啦. 我順便買d三文治做後日既早餐.

2015東京河口湖甲府賞櫻美食爆喼行Day 2

Day 2行程: 築地, 三井入間outlet, 千島之淵公園

好眼訓呀, 諗住一早起身去築地壽司大食早餐, 但係估唔到5點幾條龍已經長到不堪,
我估應該有超過50人係度. 我估以後都唔使咁早起身. 因為咁早起身都係食唔到, 不如訓晏d好過.

食唔到壽司大, 我地唯有去我地既backup店喜代村本店啦. 雖然佢係間廿四小時連鎖店, 但我地去過幾次都覺得佢既質素平均above average.尤其toro好好味. 我地今次去到有吞拿魚祭, 大中細吞拿魚都係598yen.所以肥仔叫左3客食. 我就叫左客3千幾yen set同一個吞拿魚set.
我地去喜代村期間有段小插曲, 話說禽日我係fb post左張旅行相. 我有個朋友comment我
話今日會到, 點知真係係築地撞到佢地夫婦. 佢地都係食唔到壽司大, 所以我地後黎叫佢去喜代村食tim.

早餐過後我地係築地市場行左陣, 買左toro同海同膽聽日食早餐. 之後我地就分開行動. 我坐車去左池袋再轉車去三井入間outlet. 由於日圓平左好多, 又有退稅.所以我係outlet買左好多野呀 >_<   Pageboy, As know as, Nice Claup, Arte.... 

買到4點幾, 要回程去池袋, 因為約左團友去食池袋名店食鰻魚飯. 但係呢我地去到佢話full左. 我地問佢呢兩日仲有冇位. 佢話聽日5:00先有位. 我地為左要試下, 所以book左先啦.

冇得食鰻魚飯我地就去千島之淵睇夜櫻. 去到半藏門站天開始落幾大雨. 我地由半藏門
行去九段下站, 又話有夜櫻睇既????? 好黑呀咩野都睇唔到, 只係見到疑似櫻花物體.
仲好鬼凍tim呀. 肥仔以為天氣唔凍, 所以全部帶哂短袖衫. 所以佢都頂唔住. 行到去九段下
站就入左cafe飲野取暖.

我地係Cafe休息一陣, 就去左附近既靖國神社睇下, 之後就去左肥仔搵到既意大利餐廳食Steak. 我地叫左和牛牛扒食. 果然好肥好好味. 都係出去食好過自己煮 =P
食完都係返去覺覺豬, 話哂今日都咁早起身啦.

好好味呀