2012秋意綿綿東京輕井澤之旅Day 6

行程: 原宿, Tokyo Skytree
今日朋友仔大哥約左一個住係日本既朋友去玩, 所以只有朋友仔父母同我地一齊.但係食早餐既時候, 朋友仔媽咪突然間唔舒服, 所以我地要去藥房幫佢買藥. 好彩我地上網google translate左個病名俾藥房職員睇, 成功買左藥. 食左藥媽咪話要係酒店休息一陣先,所以我地就同朋友仔老豆出去, 下午先返酒店一齊食lunch. 我地就去左原宿行下, 因為原宿比較近啦.

酒店早餐

我地首先去左Kiddy Land睇玩具, 因為知道佢裝修左所以去睇下, 佢最頂一層係Hello Kitty同人氣鬆弛熊精品, 下面有Gundam同Disney精品, 地下就係最新產品, 地庫仲有Snoopy野賣,我都有少少唔小心係度買左野呢 =D

行完Kiddy Land我就走左去La Foret血拼啦, La Foret係我黎親原宿都唔放過架. 至於朋友仔同佢老豆去左Nike, Levis同Comme Ca Men. 個半鐘係番La Foret等. 雖然只有短短1.5鐘, 我都有收穫忝, 所以女人買野真係好容易呀.

中午時候我地坐副都心線返池袋. 返到酒店搵朋友仔媽咪, 佢已經冇咩事啦, 所以我地就近近地去對面Metropolitan Plaza樓上食lunch. Metropolitan Plaza有二層樓都係食店, 我地係上面行完一round,決定試下一間自然食buffet. 因為好似比較健康. 兩點幾個半鐘都係千幾yen, 果汁任飲再加多三百yen,我覺得都幾抵食架.

自然食buffet, 個半鐘唔係好貴, 味道ok架

食完lunch我決定去Tokyo Sky Tree行下, 因為係新景點黎, 所以點都要去望下架. 朋友仔Daddy唔係去想出去就stay係酒店睇書, 於是我地3個就向Sky Tree進發叻.

我地四黠幾黎到押上站, 呢個站就係Tokyo Skytree所在, 都好多人喎, 我地冇上到去, 就係係下面影下Skytree, 然後就行下佢既商場,買下限定商品咁啦. 行到差唔多六點就再影下Skytree既夜景, 就返池袋食晚餐啦.

呢間店最出名就係Tokyo Banana, 而呢間Tokyo Skytree店有限定版賣

夜晚既Skytree

返到酒店接番朋友仔老豆, 我見係Tabelog有間好出名食鰻魚飯既小店, 而唔食魚既朋友仔大嫂又唔係度, 就諗住帶佢地去試下啦, 點知去到已經full哂, 係出面望入去坐位唔多, 睇黎好似真係好正咁. 下次真係要訂位試下先得.

食唔到鰻魚小店我地唯有行去東武百貨樓上睇下有冇野食啦, 最後見到有間食饅魚飯同天婦羅既餐廳, 就入去食左個set. 味道就普普通通咁.

由於食完野都係8:xx, 朋友仔父母就返左酒店先, 我同朋友仔就行下Big Cam, 之後我又行左去Lumine,行到差唔多10:00先返酒店食埋我地前幾日係supermarket買既巨峰提子呢.

黎一個飯後甜品先


實用資料:

Kiddy Land
http://www.kiddyland.co.jp/

La Foret
http://www.laforet.ne.jp/

Tokyo Skytree
http://www.tokyo-skytree.jp/en/

自然食buffet
http://www.create-restaurants.co.jp/shop/index.php?controller=FrontCrShop&action=shop_show&id=666&page=

2012秋意綿綿東京輕井澤之旅Day 5

行程: 豐州LaLaport => Aqua City台場 => 高達Diver City => 池袋

朋友仔既屋企人終於黎到日本啦, 我地既行程即刻轉做Hea遊, 因為有老人家同行. 我都唔想plan太多, 一切都由朋友仔大哥話事. 佢話今日去高達先, 因為驚星期六去好多人喎.

咁之前去邊好呢? 我話不如去附近既地方行下, 就去豐州LaLaport啦, 因為未去過想去年睇下.

豐州LaLaport就係東京彎豐州, 其實南船橋都有個LaLaport, 應該仲大過豐州固個忝,不過豐州就近台場D.

我地行分頭行左個幾鐘就集合成lunch. 呢個地方野食選擇唔多, 再加上大家都有好多野唔食,所以最後去左間食蛋包飯既餐廳啦. 

食完lunch我地就坐海鷗號列車去台場, 海鷗號列車有大窗睇風景都唔錯.

去到台場站, 我地就去左Aqua City, 朋友仔大哥去G-SHOCK買錶, 我同朋友仔媽咪就去左Agnes B買袋. 我買左個粉紅色既日本限定袋. 之後我地就行去Diver City, 當然就係去睇下個1:1高達啦. 成個高達前前後後影左好多張. 影完就係賣店行下, 朋友仔大哥見到有個扭蛋幾靚就拎錢出黎玩, 佢問我朋友仔玩唔玩, 朋友仔見都幾貴所以話唔玩. 朋友仔大哥第一個抽中個透明既高達, 佢就想再抽個綠色既, 點知第二次又係抽中透明, 到第三次先抽中綠地, 所以佢就俾左個透明既高達俾朋友仔, 佢就話佢唔自己出錢玩係有道理既. Heehee.

玩完扭蛋我地就走左入Diver City樓上既高達館睇下, 不過我地冇入到去, 因為要錢痳. 所以就行下免費既區域. 行完高達都仲係四點幾, 我地諗下番唔番池袋等食飯好. 因為我地禽日book左今日7:00係Sunshine City食懷石料理. 我地最後都決定返池袋行下等食飯. 就係我地行去Teleport站坐車時, 見到原來Diver City都有Hello Kitty店同Calbee店, 由於前日去到東京站卡樂B既時候佢既即製薯片counter已經close左, 所以我即刻去買兜即製薯片食. 果然熱辣辣既薯片好新鮮好好味喎. 好快就俾我地掃哂啦. 跟住我地就行去Teleport站坐車返池袋, 因為唔使轉車痳.

返到池袋我地又分開黎行. 朋友仔大哥自己行, 而朋友仔父母話想買生果今晚返酒店食, 咁我就用mobile上網研究下啦, 之前睇過朋友既旅遊書介紹左間24小時平價超市Seiyu.我就係網上search下佢既位置係邊. 點知大家似乎越行越遠, 就係我地停低望住街邊地圖時, 有個日本人用英文問我地有咩野幫忙, 我地就問佢呢度附近有冇超市, 佢聽到就即刻帶我地行去, 佢話其實去Sunshine City都有生果賣, 不過就貴D, 所以佢都係叫我地去Seiyu. 佢一路帶我地去一路同我地傾計, 原來佢係係池袋返工既, 佢都係住池袋, 不過就係另外一面. 佢真係好nice同埋英文好好.

朋友仔媽咪買左兩個蘋果同蕉, 而我見到巨峰提子就買黎試下叻. 買完水果我地就行返去Sunshine City行下.朋友仔Daddy唔想行就搵左張凳坐下睇下書. 而我同朋友仔又繼續血拼下. 到左6:45我地就集合一齊上Sunshinecity 59/F既天空の庭　星のなる木食懷石料理. 呢間餐廳位於59/F, 可以遠眺池袋夜景. 不過價錢梗係唔平啦. 最平既Set都要7000 yen. 我地就叫左10000yen既set食啦. 係呢間餐廳食飯就好似食緊法國菜咁, 因為食一餐要成三個鐘!! 食完已經10點幾, 所以我冇再去其他地方行街, 慢慢行返酒店休息下睇下日本電視算啦.

實用資料:

豊洲Lalaport
http://toyosu.lalaport.jp/

Gundam Front Tokyo
http://gundamfront-tokyo.com/en/

天空の庭　星のなる木
http://www.ginza-cruise.co.jp/tenku-no-niwa/

西友超市
http://www.sunnypages.jp/travel_guide/tokyo_food/groceries_supermarkets/Seiyu+Ikebukuro/2962

2012秋意綿綿東京輕井澤之旅Day 4

行程: 富士急樂園

今日朋友仔屋企人會黎日本, 所以我地要趁住佢地未黎前去一D佢地唔會去既地方. 過山車就係其中一樣叻. 原本禽日想用JR Pass去富士急玩, 但係因為落雨所以改左今日. 唔用得Pass就要諗下有冇其他方法平D啦.

我出發前係富士急網頁知道有一種Q Pack套票包來回新宿至富士急巴士同一張One Day Pass, 價錢7300yen,算係比較平同方便, 另外火車都有優惠, 往來新宿至大月JR + 富士急行線普通車都係6300yen. 不過時間當然長少少同大部份列車都要係大月轉車啦. 我因為唔想轉咁多次車所以選擇左Q Pack. Q Pack要係出發前預約架. 有兩種方法.
1. 網上預約
https://www.highwaybus.com/rs-web01-prd-rel/gp/foreign/frgSelectBordingDate?lang=en&lineId=110&onStationCd=008&offStationCd=059
2. 電話預約
    Fujikyu Express Bus Reservation Center: TEL: 0555-73-8181(Available from 7:30 a.m. to 8:00 p.m.) 
    Keio Highway Bus Reservation Center: TEL: 03-5376-2222 (Available from 9:00 a.m. to 8:00 p.m.) 
    ※ Only available in Japanese. 

預約方法

上車地點

購票方法

我原本禽晚想用IPAD預約架, 不過唔知係咪用IPAD原因定係網頁有問題呢, 所以到最後confirmation page就死Page!!! 哎呀, 點算呀, 聽日就係啦喎, 所以今日一早起身, 7:30落酒店食早餐前就拜託酒店職員幫手打電話去Fujikyu Express Bus Reservation Center連絡, 因為Fujikyu Reservation Center 7:30就開. 只不過佢地要講日文啫. 我為左令職員明白, 事前screen capture左網頁show俾佢睇, 佢都即時明白幫我打電話預約好.佢叫我地去到巴士站買票時講番個Reference No俾佢就得. 唔, 咁都可以安心D食個早餐先.

食完早餐我地就坐山手線去新宿站, 但係因為裝修所以搵唔到個西出口, 出左去南出口, 仲要差D俾水牌老點左去南口既高速巴士站, 好彩望番GPS搵番岩條路去西口巴士站, 其實就係係Yodobashi/京王百貨對面.

車票, 上左車按照座席坐

我地首先係地下巴士售票處買票, 講左Reference No.後再講埋買Q Pack加來回票時間, 仲有少少時間剩就去左麥當當去個toilet先, 之後就走去26巴士站等車, 已經有好多人係度等緊啦. 9:10上左車我地就訓左一陣, 差唔多11點到富士急, 落左車我地就到入閘處拎Pass, 然後就入去影相落張Pass度. 影完我地就開始排隊玩過山車先, 第一個要玩當然係高飛車啦, 因為我7年前黎玩過都未有高飛車架, 所以要玩左佢先. 但係我地見到門口有個列哂過山車排隊時間就嘩一聲嗌出黎啦, "今日唔係星期三黎咋咩? 點解會咁多人架? 每個過山車都要排個半鐘以上呀, so crazy!!" 咁以5點Close黎講, 我地最多玩到兩至三個過山車咋喎, 咁個One Day Pass 即係搵笨??" 所以有時買入場票(1300yen)加散買仲好.

富士山啊

富士急都有紅葉啦

我地用左兩個鐘玩高飛車, 高飛車雖然有個位係121度下落, 但係佢速度唔係好快, 所以唔係話好驚啫. 我地玩完高飛車即刻走去排第二新既過山車ええじゃないか, 點知因為定期檢查Close左, 所以我地又即刻去排ドドンパ, 我地7年前已經玩過架啦. 呢個係90直上直落架, 速度好快, 排左個幾鐘隊, 60秒已經玩完啦,唔係好夠喉囉.

好驚呀

排隊悶悶地見到富士山又影影佢

左手邊既過山車直上直落

我地見三點應該都可以玩多個, 於是就排Fujiyama, 呢個我地7年前都玩過啦, 我自己覺得係最好玩既一個, 因為佢開頭上成80m高, 當你諗住去到最高點衝落去固下真係好驚架, 仲要中間會有兩三個起伏既離心位, 真係會嗌足三分鐘架. 就係我地排左半個鐘左右, 突然聽到日文廣播, 跟住見到有人開始縮沙走人, 究竟發生咩事呢?我地捉左個職員問佢, 啊, 原來係強風所以Close, 噢, 真係黑仔.

可惜玩唔到Fujiyama

我地行下行下行左去高達固度, 去左佢既賣店睇下, 見佢個遊戲排40分鐘就得, 諗住去排下啦, 點知我張Pass 唔知係邊度跌左, 朋友仔話唔想自己一個人玩, 於是我地放棄左, 決定去食野算啦. 固時已經係4:xx, food court只有拉麵供應, 我地唔想食咁飽就兩個人share左一個拉麵算, 之後我地就走左去影下富士山, 再去行埋門口既土產店. 就開始等巴士離開. 呢個時侯大家都逼係土產店同巴士站等車, 真係好多人呀. 我地見到有名古屋同東京站巴士忝. 我地坐既新宿巴士有成5架咁多. 可想而知都今日真係好多人黎玩, 點解大家都咁得閒既?唔使返工返學咩?

冬天開既冰場

我地坐5:15車, 7:00到達新宿西口, 我地坐巴士時已經收到朋友仔大哥既SMS, 知道佢地5:xx已經到左酒店, 會去伊勢丹行下先, 叫我地到左新宿就去搵佢地. 於是一到站我地就行返去東面伊勢丹會合佢地叻.

我地今晚晚餐諗住食蟹道樂, 因為佢地做緊毛蟹會席, 今日就係最後一日啦, 所以想去試下. 我地去到蟹道樂新宿本店, 點知Waiter話已經Full哂!!! o下, 之前我食過三次都冇咩人唔使等位喎, 又會咁多人既, 唉, 為穩陣起見, 大哥提議去番伊勢丹樓上既餐廳算.

食完我地就返酒店, 因為驚遲D想食既兩間餐廳會full, 所以我就拜託酒店職員打電話幫我預約左先,

實用資料:

富士急Q Pack
http://www.fujiq.jp/en/qpack/