熊出沒注意: 2008

2008年11月4日星期二

北海道賞花美食自駕遊Day 9 (Final Day)

03/08/2008 第九天
扎幌=>小樽=>Rera Outlet=>新千歲機場

今日終於到左行程既最後一天, 真係唔捨得走=P 由於呢個行程係以睇景為主, 所以只安排大家最後一日先shopping叻

我七時半就出去酒店搵早餐食. 我估扎幌站會多的野食, 所以我就慢慢行過去. 不過好多都要八點先開門. 冇計啦, 只好係站內既商場遊蕩. 好彩都有間藥店同書店開左門. 我想起係香港買既日本旅遊書要成$100 HKD, 所以一定要係度買番幾本先. 我拎左一本書出黎睇睇價錢, 都係$6x HKD咋, 於是我就買左一本神戶, 一本名古屋同一本日光那須, 本來想買多的架啦, 但係因為太重!! ai.. 不過都慳左成舊水, 呵呵 ^O^

買完書就去左間麵包店買左個人氣no.1 and no.2麵包做早餐, 味道都ok.

Breakfast

係集合時間啦..... 我行番酒店會合佢地, 計番我地咁多日o既洗費, 我地就同一對夫婦團友道別, 跟住就車去小樽. 我地途中都遇到件趣事, 就係其中一個新牌仔成日過左斑馬線先停低, 佢今日係鬧市都係咁, D日本人要係我架車同新牌仔架車中間過馬路, 攪到佢地眼超超超住新牌仔架車 =P

由於行高速公路, 所以唔使好耐就到左小樽啦, 但係泊係邊就有的困難啦, 因為好多都係屬於某店鋪既特約駐車場. 我地都唔知泊唔泊好, 後尾兜左兩個圈都搵唔到的公共carpark, 就求其泊左入一個餐廳駐車場, 然後入左裏面既一間手信鋪買左樣樣. 出番黎都唔見有人check有冇買野, 於是我地一於好少理, 出左去shopping影相先算. 首先就去左著名景點小樽運河影相, 其實條運河都係好細條, 加上冇雪冇街燈又落住雨, 其實同普通既河冇乜分別. 所以影左幾張相就閃去買啦.

我地有的團友去左食海鮮小食, 我就梗係要買番的小樽出名既玻璃裝飾品同音樂盒作紀念啦. 另外都去左北果樓買樹林蛋糕. 到左下午時份我地就集合食lunch. 本來想幫襯駐車場附近既迴轉壽司, 點知好多人排隊呀, 所以我地只好望下旅遊書邊間好. 見到有間旭壽司好似好正咁, 所以去本館試下.

北一硝子三號館

音樂館

北果樓=> 樹林蛋糕

北一硝子

旭壽司本館

我試左個特上壽司定食, 要3xxx yen, 見都有toro, 海膽, 蝦,帶子等, 都好抵食下. 佢個Toro就係好好好好正呀!!!!!!!!
一食落去, 滿口都係油香, 肥美無比, 仲要係入口即溶, 冇任何根. 正過我係築地食忝喎..

至於個海膽非常鮮甜濃郁, 唔知點解我同其他團友都覺得甜過文島固的海膽. 帶子同埋蝦都好甜美, 其他都唔錯.. 值得推介!
如果大家嫌貴, 可以試佢地既刺身飯, 2100 yen 都唔錯架, 不過冇左toro梗係會失色的啦.

呢餐真係好滿足呀, 為我地呢個美食之旅畫上完美既句號.

好啦, 係時候去還車啦, 我地要去新千歲Fera Oulet隔離還車, 我地本來想還左車先去Outlet行下, 但係佢地話如果還左車就要
即刻送我地去機場, 於是我地就以極速衝入Oulet各取所需.. 我只係買左件addidas外套咋.

Rera Outlet

還車地方, 就係Rera Outlet對面

半小時後,我地就去番車廠還車, 開頭好驚要賠錢, 因為我地途中有整花左架車底. 不過好彩佢冇發覺咋=P
我地開頭好驚要坐番車去機場, 咁好痳煩架, 好彩佢地係會送大家番機場咋.

去到新千歲機場, 我地立即辦理登機手續, 跟住就作最後衝刺. 因為六花亭, royce, 蟹, 白之戀人, 蜜瓜等應有盡有, 如果你之前買唔夠就可以係機場補飛, 價錢仲係公價呢!! 不過選擇相對較少, 所以如果你想買多的新貨品, 最好都係去佢地既本館或者專門店啦,

我地搭17:30機由扎幌去東京羽田機場, 有部份團友就係羽田機場買手信, 另一批就搭shuttle bus去另一邊轉機番香港. 最後我地搭20:45機由東京番香港, 12:00已經到達香港, 比預期早左喎, 可以趕到巴士同機場快線番香港呢, 就咁樣結束左九日既行程啦.

係機場Le Tao Counter買既, 幾好味喎, 好過富田固個布甸.

轉Shuttle去機場

原來個餐都有布甸

零食

阿寒湖溫泉酒店蟹宴Menu

係稚內碼頭吸既印

係最北中途站吸既印

最北到著證明書

一些實用資料:

大正硝子         http://www.taishougarasu.com/page/t1.html
北一硝子館      http://www.kitaichiglass.co.jp/
北菓樓 => 樹輪蛋糕            http://www.kitakaro.com/
北海道小樽市堺町7番22号
音樂盒            http://www.otaru-orgel.co.jp/
千歲 Rera Outlet         http://www.outlet-rera.com/
------------------- 完 (不過一諗起漏左野就update番個blog) -------------

2008年11月1日星期六

北海道賞花美食自駕遊Day 8(道北稚內, 禮文島)

02/08/2008 第八天
礼文島=>扎幌

今日一早起身, 哎呀, 落雨忝, 仲唔細架喎, 不過為左海膽飯冇計啦.要坐船去花之礼文島遊覽, 當然要品嚐日本最正既海膽飯啦! 不過碗海膽飯真係得來不易, 因為我地CHECK過船期, 由稚內去礼文島的船好疏, 我地又只能夠spend半日時間, 所以最好就坐7:30船入礼文島, 13:05就離開. 但係海膽飯要11:00先開門, 咁中間做咩野好呢? 原本想散策的(礼文島網頁提供好多條行山路線), 但係我地驚唔夠時間, 而礼文巴士班次又好疏, 最好就係坐礼文觀光巴士遊覽. 從網頁得知礼文有三條觀光路線, 其中course A就時間比較好, 由9:40-12:40, 即係話一落船就要上巴士, 遊覽完就差唔多要上船, 咁咪冇時間食海膽飯囉? 於是我地去到稚內旅館後就打電話俾礼文島食店, 希望佢地可以預訂海膽飯同燒魚定食, 等我地參觀完礼文島就去食. 間食店都幾好, 佢提醒我地同觀光巴士小姐講一聲, 巴士就會停係附近俾我地叻.咁我地就放心咁去啦 =P

我地原本計劃由旅館步行至碼頭, 但係旅館主人好好人, 佢地俾我地check out之後擺架車係旅館至到三點幾, 同埋佢地會車埋我地來回
碼頭和旅館!! very good!!

到左碼頭後, 我地買左二等席去稚內. 都要成2200yen一程架. 我地去程就坐普通座位. 一坐低就食旅館為我地預備既便當. 食完就爭取時間影下相同訓下覺. 因為船程都要兩個鐘架.

稚內往礼文島既船, 你睇下落緊雨架

二等席票

旅館為我地預備便當

二等席和室, 好多人訓哂係度

買個北海道限定飲品先, 好好飲呀, 值得encore

到啦到啦

到左礼文島後, 我地即刻買觀光巴士票course A, 盛惠3300yen, 又係唔平架. 我地上到車就同導遊小姐講我地要食海膽飯, 點知導遊小姐一聽到就話冇可能喎, 唔夠時間啦. 但係肥團友堅持話唔緊要, 俾五分鐘時間佢就食得哂!! 導遊小姐話唯一解決辦法就係我地犧牲最後一個行程, 佢係附近放低我地, 我地商議左一輪後最後同意cut行程啦.

觀光巴士各行程及價錢

講掂數啦, 開始出發啦, 導遊小姐沿途介紹左好多野, 當然我地乜都聽唔明啦, 好彩有翻譯小姐係度咋. 到左第一個景點, 導遊小姐就叫我地落車, 點知一落車開遮就出事, 因為實在太大風大雨啦, 好似打緊八號風球咁, 我地的遮都吹番哂, 只好衝入手信店, 情況相當狼狽. 去唔到景點, 只好係手信店食野同買野.

大風大雨