12日東京伊豆吃喝玩樂賞櫻之旅Day 9

4月4日行程: 自由之丘 => 中目黑 => 代官山

帶埋電腦去真係好啦, 可以search下有咩食, 櫻花開成點等等. 我地知道今日係中目黑櫻祭, 所以就決定去睇下. 順便去下自由之丘同代官山, 因為呢幾個地方都係東急電鐵沿線, 所以好方便, 二黎呢幾個地方都未去過架.

我地首先就係涉谷轉東急東橫線去自由之丘, 聽朋友講呢度好多小店同
雜貨店. 仲好好行忝. 佢果然冇介紹錯呀. 呢度冇新宿咁旺, 但係周圍都
有好多精緻既小店, 型格既家品雜貨店, 俾人一種好悠閒既感覺.
如果你鐘意食甜品千期唔好錯過, 因為呢度有好多甜品店, 朱古力店, Cafe.
所以我都幾鐘意呢個地方.

行下行下到左一條小街, 整條街都開滿櫻花, 好多日本人係櫻花樹下野餐.
仲有人食緊杯麵呢, 呵呵.
我地冇係度野餐, 而係去左間日本料理店食set, 呢間餐廳都係網上搵到既.
我地order左tempura set 同sashimi set, 都係1000多yen, 唔算貴.

食完lunch我地就搭東急東橫線去中目黑, 由於係櫻祭, 所以非常多人,
大家黎到都會環繞目黑川散步, 因為整條目黑川都開滿櫻花, 好靚呀.
不過平時去既話目黑川只係一條坑渠黎咋.

我地係目黑川行下影下相, 之後就慢慢行去代官山, 因為代官山同中目黑
都係差一個站, 所以行去都得. 

中目黑同代官山一帶都係型格boutique同雜貨店, 例如300 yen店cou cou等.
我都忍唔住買左唔少衫呢.

由於開始落雨, 仲要越來越大, 所以我地行到6:00p.m.就坐車返池袋.
我地晚餐就去坐酒店對面Metriopolitan Plaza食冷麵, 呢間餐廳既冷麵反而係
最好食, 因為比較彈牙. 食完晚飯朋友仔就話要返酒店休息, 因為佢聽日要好早起身
入伊豆, 佢仲要做司機呢, 所以要早D休息, 而我呢... 嘻嘻, 又係係Metropolitan Plaza
行街街囉, 因為我既行程冇安排係呢度行既, 但係又發現都幾多女人野買, 唯有日日偷小小時間去Shopping啦. 好彩佢9:00先close, 所以當百貨公司8:00 close之後都可以過黎睇睇. 行完Metropolitan Plaza我就去左便利店睇下有咩買, 見到哈記有新發亮雪糕, 就買番酒店做飯後甜品.

haha. Made in HK !!!!

可憐的狗狗, 主人買野, 所以就咁綁佢係度

呢間shop既chocolate好味

好多人係櫻花樹下, 仲有人食緊杯麵呢

呢間餐廳好容易就miss左, 因為門口好普通下

目黑川櫻祭

呢間soba係暫時食過最好既soba.

新產品雪糕, 唔試下對唔住自己!

Cou Cou
http://www.coucou.co.jp/

Cath Kidston
http://www.cathkidston.jp/

自由が丘
http://www.jiyugaoka.or.jp/index.html

代官山
http://www.daikanyama.ne.jp/

12日東京伊豆吃喝玩樂賞櫻之旅Day 8

行程: 讀賣樂園 => 梅之丘 => 表參道 => 原宿 => 涉谷

自從上次係東京富士急樂園玩左兩大過山車後, 一直都好想再玩,  因為實在太刺激啦. 今次重臨東京, 唔想浪費搭車既時間去富士急, 於是就睇下東京都附近有冇好玩既過山車玩. 最好就係越刺激越好. 最後俾我搵左個讀賣樂園 . 呢個樂園有個叫bandit既過山車
好出名, 因為佢係櫻花季節會係櫻花叢中穿插   係另類賞櫻既選擇. 另外佢有一個曾經係落差點最高既木製過山車. 都好似幾好玩咁. 所以我決定係今日去會下呢兩架過山車叻.
  
要去讀賣樂園 , 就要係新宿搭d急d既京王線去調布站, 再轉車去yomiuri land下車. 再搭佢地既cable car上去樂園就得, 全程大約一小時.係cable car已經可以賞櫻啦.
  
上到去就買入場卷, one day pass 3900 yen. 入到去即刻玩左bandit先, 因為趁住一早冇乜人時就排隊玩左先 以免一陣要排好耐啦.
  
就係咁排下玩下咁, 好快就玩哂要玩既野啦, 仲以為星期六會好多人忝, 都唔係既.
hmm.. D機動遊戲好弱雞下, 係個木製過山車比較好少少少少, 同富士急固個真係差好遠喎. 有D被個網頁"昆"左. 不過算啦, 呢度都可以睇下櫻花影下相, 人又唔算多, 都ok啦.一家大細黎玩都應該幾好既.
  
我地原本諗住玩到5:30p.m.先玩得完既野, 到最後只係用左一個上午就玩完啦. 咁點好呀? hm.. 唯有將原本食dinner既地方變左食lunch啦.
  
我地又搭番Cable落山, 再坐京王線去明大前再轉井之頭線去下北澤. 之後就轉小田急線去梅之丘. 為既就係去著名既美登利食壽司.
  
餐廳就係車站附近好易搵到. 我地叫左限定魚生飯同套餐食. D壽司果然係好新鮮.佢地地下仲有間外賣店架, 都縛多人買架喎. 睇完外賣店出黎見到對面有條好長既人慮.
oh, 原來咁多人排隊既又係叫美登利. 點解咁多間既? 原來呢間先係食壽司既. 我地食固間係食set架. 唔怪得唔使排啦. 不過我地食固間都唔差. 同埋見到咁多人排隊都唔想排啦.算把啦.
 
食完個lunch都係3:00p.m.左右, 諗下去邊度好先..... 前幾日都未行哂原宿表參道 一帶, 不如就去下啦. 我地坐小田急線係代代木八幡轉Metro線去表參道 落. 苜先就係行下表參道 Hills, 再行下裏原宿., 跟住就係GAP行過馬路. 我地企係La Foret 對開既行人路拎個地圖出黎睇下去邊. 就係呢個時候,  突然間有架車係我地側邊停低. 跟住聽到好多尖叫聲.
一群人一窩蜂從我地身邊經過, 一面向私家車方向湧去. 呵呵, 唔知點解我既本能係跟住一齊去睇下. 車入面有個人舉個牌出黎, 原來係宣傳AI安室奈美惠既新碟.車前面有個戴粗框眼鏡既女人向大家揮手, 我地好少留意日本樂壇, 所以其實唔知係邊個. 不過見好多好多人拎哂手機出黎影佢相. 見咁多人影我地都影埋一份, 因為超近距離啦.=P

不過佢個樣好普通下囉, 都唔知點解好多日本人一面影相一面話佢好Kawaii 呢! 架車每駛前一段路就停一停, 固度既途人就即刻被佢吸引湧去影相, 果然好識做宣傳呀.

我地睇完熱鬧就向住涉谷方向行過去, 行過間好大既Nike就入去睇下. 見到有件suit好靚, 不過望一望價錢, wah!! 要成HKD 2000 !! 好貴呀. 最後都係買左對鞋同兩件dry fit 衫算啦. 之後就走左去Levis, Blue Label睇下.之前講過要幫朋友買袋既.. 可惜原宿分店都係得番display一個咋. 真係咁好賣成咁?

行下行下又去左涉谷喎, 係我地第三次行經涉谷啦. 不過次次去親涉谷都行得固少少時間, 今次就行下Tokyo Hands同Parco 啦. 涉谷既Tokyo Hands 真係好大, 行佢都可以行幾個鐘啦. 行到差唔多close, 隻腳仔已經軟哂既時候, 又係搵野食既時候啦. 朋友仔話已經虛脫唔想再行, 於是決定去涉谷Mark City美登利買壽司食! 又係美登利? 冇錯, 可能之前幾日都冇得食魚生, 所以一次過要食番夠本卦. 就係咁我地就買左壽司外賣番池袋既酒店食叻.

 

 

 

 

 

 

 

 

 

每逢春季, 讀賣樂園 既櫻花到處盛放.

 

 

 

 

 

 

 

 

我地去錯左美登利既另一分店, 固度係食set既, 出到黎見到對面先見到有條人龍, 先知食壽司固間店係係呢度啦. 不過食set固間d野食都新鮮.

 

 

表參道 hills, spiral形既格局有D似朗豪坊

 

 

 

都唔係咁靚咋喎, 點解咁多日本人叫Kawaii架

 

 

 

最後由於行到虛脫, 所以係Mark City美登利買外賣返酒店食.

 

實用資料:

 

讀賣樂園

http://www.yomiuriland.co.jp/

 

美登利壽司

http://www.sushinomidori.co.jp/index.html

 

表參道 hills

http://www.omotesandohills.com/index.php

 

Tokyu Hands

http://www.tokyu-hands.co.jp/

 

Parco

http://www.parco.co.jp/parco/

12日東京伊豆吃喝玩樂賞櫻之旅Day 7

4月2日行程: 秋葉 => 涉谷

今日長輩們結束佢地六日既行程啦,佢地係食早餐前向reception買定機場巴士票. 
食完早餐佢地就係附近既東武百貨行街. 大約11:30a.m.就約埋一齊食lunch.
由於9:xxa.m.先食完早餐,食唔落lunch,所以食左個甜品算啦.

食完lunch就送左佢地上車.我地同朋友仔大哥就分開左行街. 因為大家target唔同啦.
佢地係鐘意掃家品. e.g. Tokyo hands,Loft, etc. 佢地可以一整日係一間商場
由最高固層慢慢行落黎. 我地就鐘意shop衫同accessories多D, 同埋我地會sightseeing呢.

我同朋友仔下午就去左秋葉原行街, 最主要就係去固條電器街. 固度有好多動漫, 電腦電器產品, 仲有D火車模型店tim. 見到都好想整番個火車小鎮既模型係屋企度呢. 不過要整成個鎮都唔平架. 唯有睇下就算啦.
去到秋葉一家要去Yodobashi行下啦, 呢間分店真係好大間, 行都有排你行啦. 跟住我地又去左羽毛球店睇下有冇野賣.我地睇中左兩件Mickey & Yonnex Crossover巴球衣. 都幾靚架. 不過有件冇我地既size咋.

由於冇乜食lunch, 開始肚餓啦, 所以去左Yodbashi樓上食炸豬扒. 我覺得最好食反而係佢既日本米! 平時只食一碗飯既我忍唔住添多碗飯呢!

我地係食飯既時候念念不忘固件球衣,所以食完飯見仲早所以就由秋葉坐jr總武線去新宿再轉山手線去涉谷. 諗住趁涉谷分店未close前睇下有冇得賣. 唉, 可惜都係冇既. 不過就俾我地見到另一件都幾好既. 於是買埋佢啦. 

買完野見橫掂都黎左涉谷於是就行下109商場啦.行到佢close我地先返去酒店休息咋.

由於掛住shopping冇乜影相, 所以就係呢度post番D酒店早年相出黎先.

呢個就係我既lunch啦

秋葉原

最驚喜反而係個麥米飯, 好好食喎, 飯仲可以refill呢

Yodobashi
http://www.yodobashi-akiba.com/info/index.html

羽毛球pro shop
http://www.bps-wembley.com/shop/akihabara.php