今日多左幾個團友, 所以盡可能要集體活動. 朋友仔大哥實在太鐘意shopping啦.佢地打算花一整日係涉谷買野. 我同朋友仔驚長輩會悶, 所以上午帶佢地去吉祥寺行下, 下午先去涉谷會合朋友仔大哥.
我地九點鐘係lobby餐廳集合食早餐先. lobby餐廳既早餐係以buffet形式, 都幾豐富架. 食完早餐我同朋友仔就帶長輩坐JR由池袋到新宿再轉中央快速線去吉祥寺. 第一站就係去井之頭恩賜公園睇櫻花. 可惜櫻花都未開哂, 開得最靚都係得一棵垂櫻咋. 我地係公園行左一個圈就走啦, 跟住就係附近閒逛, 俾佢地睇下小店.
行到食lunch時間我地就去預先係網頁搵到既餐廳食豆腐地雞料理. 佢既set都係around 1000 yen, 價錢合理. 食完行出餐廳見到隔離間餐廳好多人排隊, 原來佢個buffet有discount, 唔怪得咁多人啦.
食完lunch就搭京王井之頭線去涉谷. 因為約左朋友仔大哥係109等. 好彩大家係冇電話下都見到. 集合之後大家就係涉谷行Loft, Beams Street, Ships等等, 當然仲有佢地最鐘意既羽毛球店啦. 行到夜晚大家就去左西武百貨樓上搵野食. 之前又係係網頁見到有間豚肉Shabu Shabu 好似幾健康幾好評語咁, 一於試下先. 佢既set有Collagen喎, 係咪食左真係健康D呢? 食Collagen健唔健康我就唔知, 但係佢個set附有一盤菜, 食多D菜就一定健康啦. 呢間餐廳既食物質素都唔錯, 豚肉三食都幾好味. 食哂D肉同菜waitress會用火鍋湯底煮飯俾我地食. good!! 食完dinner都差唔多九點, 所以就番酒店俾長輩休息啦.
成個井之頭公園開得最靚就係呢棵垂櫻
吉祥寺井之頭公園, 可惜櫻花未開哂
午餐餐廳隔離間餐廳做緊discount, 所以有人排隊
呢間餐廳食豆腐地雞料理, 我地見出面好靜咁以為冇人, 原來入到去好多人下. 佢地隔音果然做得好好.
漢堡雞set
reasonable price
dinner 食Collagen Pork Shabu Shabu. 唔錯唔錯
沒有留言:
張貼留言