2017新加坡深度遊

 

 

開齋節
今次有幸係新加坡過開齋節, 伊斯蘭教徒會由日間至日落禁食, 而開齋節係齋戒結束左右, 今年就係6月26日. 係馬來村會有熱鬧既市集, 成條街有好多小檔, 食物, carpet, 手袋等等, 好似行緊花市咁.
我食左一個西瓜甜品好好味呢. 到左第二日, 馬來人會成家人著到好襯既馬來傳統服出外拜年.

 

 

One North

係新加坡新發展既科技城, 好多科技公司都設係呢度, 例如Seagate. 新加坡台灣既科研似乎比香港先進得多, 香港真係要多多努力, 係多方面發展, 唔好只局限係商業啦.

 

 

Kallang, Geylang
Kallang除左馬拉村, 榴槤街, 仲有Koon Seng Rd.兩旁既傳統建築, 仲有就係合法既紅燈區!
新加坡竟然有紅燈區, 估唔到呢....

新加坡竟然有馬騮?
今次親戚帶左我去新加坡馬騮山睇馬騮, 同金山公園差唔多.

 

Upper Peirce Reservoir, Lower Peirce Reservoir
呢個地方風景唔錯, 日落都幾靚.

 

海鮮店, 寵物店, 3 for SGD 1店

 

Orchard Road
松記肉骨茶
原來係一星肉骨茶店, 胡椒味唔算太辣太重, 幾好味.

2017新加坡City Tour 2

景點: Universal Studio,  Skyline Luge, 樟宜機場Butterfly garden

 

 

Universal Studio
因為落大雨, 所以差唔多到中午先入去, 我好喜歡玩刺激既遊戲, 所以一開始去Sci-Fi City
玩兩大戶外過山車Human及Cylon. 我地要將袋事前放入隔雜既locker. locker有密碼同埋指模.
但有部份既locker好有問題, 有部份好難輸入密碼, 有部份好難用指楔開locker, 要搵工作人員開,
但工作人員又得一個, 所以用左幾多時間係locker. 放好物件入locker我地就去排human. 雖然落雨但要排50分鐘. 幸好排隊地方都係室內. 反而玩時仲落緊少少雨. Human其實比較好玩既位置係上一段長斜路, 跟住就衝落黎, 呢段路較有離心力, 之後就好普通. 至於Cylon就比較好玩, 因為除左離心力仲會有向前向後自轉, 比較多變化. 好玩過海洋公園小丑固個過山車.
除左玩兩大室外過山車, 我玩左Transformer. 其實係坐上架車度睇3D影像, 但由於架車會向前向後向上向下, 影像又會郁黎郁去, 所以好容易會頭暈.
另一個比較有興趣既係mummy ride. 係室內過山車, 最特別係佢會向後郁架.
最後就玩左Shrek 4D adventure. Show方面我地睇左Pussy show同Seasame street stage show. 不過不失啦.

 

Skyline Luge
原本想玩zipline的, 望下klook有冇discount時突然見到呢個skyline luge都好似幾好玩, 又比較平, 所以就買黎試下. 我係beach station落車行去skyline luge, 換完票就坐吊椅上去. 沿途風景都幾靚. 上到去就排隊. 沿途會有instruction點駕駛. 不過排隊期間就有個強國男係度插隊, 唔知幾時開始係我後面出現, 過左一陣就排左係我前面, 後黎仲過埋我前面一班學生. 真係冇得救>_<
講番個skyline luge, 有兩條路可選, 我覺得其實路程比較短, 可能要玩幾次先夠!

 

樟宜機場Butterfly garden
因為太早去到機場, 所以就去左Terminal 2既Butterfly Garden參觀, 可以近距離睇到蝴蝶, 應該幾適合小朋友既.