神戶牛so yummy
行程:
銀痤, 新宿, 瀨里奈神戶牛鐵板燒
今早大家食左早餐就去左酒店附近既羽毛球店買羽毛球拍同球鞋.點知好多size既球鞋都斷碼, 所以佢地就去左大間既Windsor買啦.跟住我地就去左銀痤shopping. 我地去銀痤不外乎係去大型玩具店博品館同佢隔離既Burberry店朝聖啫.
我係burberry blue label買左個銀包, 因為我6,7年前係日本burberry買既銀包已經有少少披左口. 唉, 不過11月日本個exchange rate係1000日圓:98日元, 所以個銀包都幾貴>_< 朋友仔老豆終於係呢度開齋買野, 佢買左個black label袋.
我地正想離開burberry之際, 有對香港男女見到朋友仔手上既YY羽毛球拍. 佢問我地係邊度可以買到羽毛球拍, 我地於是俾左個地址俾佢啦.
去完burberry已經係食lunch時間, 本來我係tabelog食評網搵左間食 豆腐懷石料理既餐廳. 點知上到去full左. 唉, 唯有去返百貨公司樓上既食店算啦. 最後去左間食蕎麥麵既算, 因為大家個心已經去左今晚固餐度啦.
食完lunch朋友仔大佬話要去Skytree睇下, 由於我地禽日去左Skytree, 所以我地就兵分兩路, 朋友仔媽咪,朋友仔同我就去新宿行街. 我地行去有樂町站搭車前去左阪急Men行下, 因為呢間係少數成幢為男士而設既百貨公司. 隔離就係女裝既Lumine, 所以男士唔使咁悶咁睇住女士shopping啦, 可以各自各Happy.
行完有樂町我地就坐JR去新宿繼續shopping. 途中係JR站買定池袋去機場既NEX單程票.
去左新宿之後我地就到左0101Men同Lumine, My Lord等Shopping, 唔知係咪星期六呢, Lumine真係好鬼多人, 攪到睇岩都唔係好想排隊試衫.
行到6:30, 我地就約番朋友仔大佬係小田急百貨等, 然後就慢慢行去西口住友大廈瀨里奈食鐵板燒, 好期待呀 ^^
呢次已經係第二次黎瀨里奈啦, 今次黎她full下喎, 唔知係咪星期六呢? 好彩book定位先. 我地黎呢度係為左食神戶牛, 所以就order左成二萬幾yen既神戶牛set, 有鵝肝, 龍蝦或飽魚.
今次呢位師傅比兩年前既整得好左, 神戶牛真係非常肥美, 入口即溶, 最重要係佢既牛味好濃好重. 之前係星野溫泉食過既信州牛同係香港海賀食過既近江牛肥美十足, 但係講到牛味就差D啦.
Wahwah. 神戶牛我鐘意啊
食飽飽我地就慢慢行番去JR坐車返池袋. 唉, 聽日要走架啦, 要pack下野先得啦.
實用資料:
Windsor羽毛球店
http://www.windsorracket.co.jp/shop/index.html
博品館
http://www.hakuhinkan.co.jp/
阪急男
http://www.hankyu-dept.co.jp/mens-tokyo/index.html
lumine有楽町店
http://www.lumine.ne.jp/yurakucho/
瀨里奈
http://www.seryna.co.jp/
