 |
| 伊豆戶田高足蟹 |
今朝一早就要起身, 因為係book左8:00係橫濱西口拎車. 我地check好車放好3大行李就出發啦 ^O^
我地今日先遊西伊豆, 之後就係南伊豆, 最後係東伊豆. 我2010年已經遊過中伊豆, 東伊豆, 所以今次最期待係去西伊豆啦.
我地第一站已經係食食食啦!! 經過個多小時車程我地就黎到沼津港. 沼津港最出名就係海鮮. 而當中最出名就係壽司山正既山正海鮮井. 因為海鮮井1日只有25食. 所以lunch time時段好多時都要排隊. 我地去到沼津市後原本諗住泊係壽司山正對面既停車場,
但係有團友人有三急, 所以我地見到有間車行就泊左入去借toilet. 裡面既服務員已經出黎迎接. 我地借完toilet就順手問佢可唔可以泊架車係佢度, 食完lunch返黎拎. 點知佢話可以!! 就係太好啦, 停車場錢都慳左 =P
我地11:00到達壽司山正, 可能係平日關係, 唔算好多人, 真係好. 我地登記左就係隔離蔬果店行下, 見到好多由唔同地方黎既蔬果, 所以我地就唔小心買左d食.
到左11:30開始多人, 好彩我地登記左第一輪有得食. 山正井雖然好多都係甜蛋, 八爪魚, 青瓜等等, 但食材新鮮. 而且佢都有toro係裡面, 所以都有肥美既感覺, 再加上壽司醬油, 又真係唔錯喎. 價錢仲好平添. 880yen好鬼抵!!
 |
| 山正井好鬼抵 |
食完brunch我地就去伊豆之國市. 呢個地方有好多士多啤梨果園, 果園有30分鐘任摘任食, 可以遠眺富士山. 不過今次我地冇任食, 因為一陣仲有樣好重要既野等我地去食=P. 肥團友買左杯雪糕食, 見佢食完個樣好滿足咁樣, 我又買左杯食. 雪糕充滿士多啤梨果香, 好好味啊. 另一女團友佢雖然對奶類敏感, 但都冒住肚屙危險試左一口. 試左真係不得了, 又忍唔住食多啖先收手. 食完雪糕我地買左2盒士多啤梨先離開, 向全戶田進發.
 |
| 士多啤梨有一片油菜花田 |
 |
戶田呢個地方對於好多人比較陌生, 但原來佢有樣食物係好出名架, 就係高足蟹. 高足蟹只在西伊豆半島、日本最深的海灣的駿河灣生長. 當造季節只有每年9月至5月, 高足蟹既特徵當然係佢既長腳啦. 我地係網上見到有間之一食堂有高足蟹食, 所以就去見識下啦. 去到時佢話今日只剩下一隻蟹, 特價8800yen賣俾我地(原價每隻10000yen起). 我地於是就上二樓等食啦.
我地除左可以係部屋內欣賞絕景外, 仲可以上屋頂或去酒店既私家步道欣賞美景. 真係唔錯.
我地影完日落景就去食事個室享用懷石料理. 旅館提供伊豆半島新鮮海鮮當晚餐, 不過我地之前食得太飽所以食唔哂 =P
享用完晚膳我地當然要享受一下溫泉啦. 浸完溫泉真係好好訓, 好快就訓著左啦, 聽朝一早起身再浸過.
實用資料:
堂ヶ島ホテル天遊
http://www.tenyuu.jp/
之一食堂
http://www10.plala.or.jp/noichi/
鮮魚・食事処 山正
http://www.yamasho-japan.com/
韮山いちご狩りセンター
http://www.nirayama-ichigogari.com/
