熊出沒注意: 7月 2010

4月7日行程: 池袋 => 羽田

終於都黎到最後一日啦. 真係唔捨得離開. 不過要走的終須要走. 唯有
希望下次再有機會黎玩啦.

最後一日通常都唔會走得太遠. 所以係酒店Check out寄存行李後就係池袋行街,
首先就係去左Right on, 跟住就行左去Sunshine City, Tokyu Hands, 東口商店街,
Parco, 西武, 東武, Metropolitan Plaza作最後衝刺, lunch就係西武一間烏冬店攪掂.
係烏冬店我用英文問一位Waitress問題, 佢沈寂作一陣, 突然用普通話問我懂不懂中國話! 我睇大家去日本如果唔識日文既話都係試下用國語問問題啦, 可能佢地國語會好過英文都未定.

我地係池袋行街行到5:00就返酒店拎行李去羽田機場搭8:30夜機返港, 返到香港冇左機場巴士, 要搭N車去旺角轉車, 攪到成3點先返到屋企, 第二朝又要返工, 又係玩得好盡既一次旅程. 唔知下次去邊好呢? (完)

一早行經西武, 見到好多人排隊, 原來係第一日減價

烏冬lunch set

飛機晚餐

Yonex 同Disney Crossover Product

Shiseido 新頭髮用品

係入間outlet買, 幾特別

係Metropolitan Plaza買, 佢話係人氣No.1 商品, 我最鐘意隻青蛙個口可以放匙

係自由之丘買既Chocolate, 好好食

買左好多零食呀. 而家都未食哂, 暫時最好食係右手黃色盒既Chip Chop

係銀座松阪屋買, 左手面固d好似蝴蝶酥, 好脆好好食

伊豆, 銀座同中目黑手信.

4月5日行程: 稻取 => 城ヶ崎海岸(門脇吊橋) => 大室山 => さくらの里 => 横浜 => 池袋

今日我一早起身就上左樓上浸另一個溫泉, 由於稻取係東面, 所以如果好天既時候係可以睇到日出, 可惜由於禽日落左成日雨, 所以一早個天仲係陰陰地, 不過浸浸下就見到太陽伯伯啦, 真係開心. 固D日本人8:00要趕食早餐, 我8:30先食, 所以又再一次包場 =D
浸完返到房, 和服小姐已經set好張檯食早飯, 估唔到呢間溫泉旅館早餐都有刺身食喎, 我之前住過3間高級溫泉旅館早餐都冇刺身食架, 雖然唔係好多, 不過已經喜出望外 ^O^ 食完早餐就要收拾行裝check out取車. 我就順便係酒店買D手信. 好彩呢間店有得試食咋, 可以試到好食先買. 大家千期唔好俾日本既精美包裝所騙, 因為好多時係好睇唔好食架 =P 買完手信就上車離開啦, 和服姐姐同職員一面走出黎一面揮手, 直至見唔到我地為止, 日本人既服務真係非常好.

好啦, 我地向伊豆高原進發啦.(待續)

另一露天風呂擁無敵海景, 好舒服

一面欣賞海景一面按摩, so relax

立湯

岩風呂

白天房間view

Yogurt

新鮮刺身和沙律

伊豆沿海風景

出發去城ヶ崎海岸

由稻取揸車到城ヶ崎海岸約需一小時, 沿海都有步行徑可以欣賞海岸景礁石.
城崎海岸陡峭既斷岩係天城山和大室山火山噴發時流出的溶岩冷卻後形成既里亞式海岸, 從海面隆起高數十米既斷岩連綿9公里。如果要行哂成個海岸, 最好就係伊東搭巴士去富戶起步, 以伊豆海洋公園為終點, 全程大約2小時. 我地由於自駕關係, 所以都唔打算行. 只係去左最出名既門脇吊橋參觀. 但係門脇吊橋既停車場要$$既. 又冇左500 yen啦. 好彩今日天氣好好, 所以周圍既環境都好靚. 連心情都好D,

參觀完城ヶ崎海岸就出發去食lunch, 因為係日本搵食網手搵到一間幾高食評既小店就決定試.揸左半個鐘頭車, 經過一條好靚既櫻花椪道, 呢條櫻花路係伊豆高原既有名景累點,過左櫻花椪道就跟住GPS指示駛入一條又一條既小路, 小路只可以供一架車行, 四周非常幽靜, 好似入左住宅區, 朋友仔質疑有冇攪錯地方, 因為睇附近都唔似有餐廳. 不過即管跟個GPS行下先.係小路轉轉下終於到左一間民房, 真係估唔到呢度會有間餐廳啦. 真係一間隱世小店咁.入到去店舖其實好細, 有兩個和室共四張檯同幾張bar位. 估唔到呢間小店都幾多人食架. 我地隔離檯就坐左6個日本女人啦. 呢間小店主打魚介類食物, 於是諗都唔諗就叫左兩個魚類剌身定食試下. 佢既刺身果然帆非常新鮮, 除左有種銀色魚皮既魚好腥外其他都好味.不過呢間小店價錢都要3800yen一個set, 都貴貴地. 不過三百幾蚊有七種魚都好抵架啦.

食完lunch又要到下一站大室山參觀. 大室山係一座500m既死火山. 我地可以係停車
場隔離坐吊腳登山吊車上去, 價錢$500yen, 去啦, 我地就向大室山頂進發啦, (待續)

沿海都可以欣賞由死火山溶岩冷卻形成既礁石

門脇吊橋

伊豆高原櫻花椪道

呢間小店好隱秘下

地魚刺身(七點)定食, 好新鮮

地魚刺身(四點)定食

大室山登山吊車劵

好彩冇畏高咋

上到山頂只見迷濛一片, 能見度好低, 仲要好大風. 山頂中間噴溶岩既地方而家就變左射箭場. 我地環繞山頂行左一個圈, 大約用左20mins. 如果天朗氣清既話可以望到伊豆大島. 可惜而家就見唔到好多野. 因為有舊大雲籠罩住成座山呀. 沿途有好多人帶隻狗黎散步呢. 我地行左一圈就坐吊車落番山. 跟住就行過去隔離既さくらの里賞櫻.
呢個時候舊雲就走左, 太陽又出番黎啦, 知先遲D先上大室山睇景啦.

我地慢慢行去さくらの里. 公園已經開左唔少染井吉野櫻. 由於遊人唔多, 所以係櫻花樹下悠閒散步真係好舒服.我地逗留左半個鐘就離開さくらの里, 番去大室山停車場. 順便係停車場既手信店買伊豆限定手信.

原本我仲想去埋距離大室山15分鐘車程既一碧湖. 不過朋友仔話唔想夜晚揸車,
想係夜晚前返横浜還車, 所以就起程返横浜啦. 我地用左3個小時終於由伊豆高原返到横浜, 去到都6:xx, 已經天黑啦.

我地去到車店附近就用GPS睇下最近既油站係邊. 個GPS話係小路轉右就係.
點知朋友仔轉錯左面, 跟住個GPS兜左好多左十幾分鐘路先去到油站既後門!!
唉!都唔知個GPS玩咩, 後門叫我地點入呀. 朋友仔激氣過頭就放棄左GPS, 用直覺
揸番架車由正門入先得, 攪攪下用多左30分鐘先入完油返車店還車. 還左車我地就去左横浜高島屋樓上試下人形町今半既牛肉鍋燒. 雖然價錢貴D, 不過今晚係我地係東京既最後一個晚餐, 所以冇所謂啦. 我地開頭以為係好似香港咁一個火鍋放哂牛肉野菜同甜汁. 但係原來呢間餐廳係有waiter幫你逐樣逐樣煮俾我地食架. 佢會先煮牛肉, 跟住叫我地打隻生蛋係個碗度, 然後將牛肉野菜點蛋汁食架. 最後佢會將飯放落蛋汁俾我地食.Waiter話呢個係日本人既食法, 我地就跟下佢地用日本蛋汁送日本米. 固D牛肉真係好正呀. D日本米又係好好味, 我又再一次添左碗飯呀. 可惜成個set既牛肉野菜就少D囉 =P

食完晚餐要回程返池袋啦.好不幸D直接車岩岩開走哂, 最後我地睇哂時間表
決定搭東海山陽新幹線去品川, 再轉山手線去池袋. 9:xx就返到酒店Check in. Reception話我地可以用特價1000yen(原價要2xxx yen) upgrade房間去Deluxe Room. 我地諗都最後一日啦,就試下啦, 最後就upgrade左間房.其實就size黎講deluxe room同普通房唔係差好遠, 只係裝修比較好modern少少咁解咋.我地放好行李就係時候執定行李啦. 好彩之前搵左朋友仔父母拎左兩袋食物番香港咋. 如果唔係都唔知點pack野.