熊出沒注意: 12日東京伊豆吃喝玩樂賞櫻之旅Day 10

好多人對東京都有錯覺, 覺得東京就係得shopping, 其實大家可以spend 一兩日時間去下東京近郊欣賞下大自然景色, 浸下溫泉, 體驗下日本人簡樸既生活架. 而今次我選擇左伊豆, 因為係網頁知道呢個地方既櫻花應該開得唔錯.

我地諗住spend 2日1夜就夠, 點知原來伊豆係分開東伊豆(熱海, 伊東, 伊豆高原), 南伊豆(下田), 中伊豆(修善寺) 同西伊豆(堂島), 要玩哂成個伊豆半島起碼都要3, 4日先得.

我地最後就選擇東伊豆同中伊豆啦.

交通方面, 朋友仔本來唔想揸車, 因為佢覺得揸車好費神, 咁好啦, 等我睇下D火車巴士時間表先....

由東京都入伊豆最大致有スーパービュー踊り子, 踊り子, 小田急電鐵, 山陽新幹線同東海巴士.

スーパービュー踊り子
價錢係最貴, 但係比較方便, 土休日早上有スーパービュー踊り子1号, 3号由池袋新宿直接到熱海, 伊東, 伊豆急下田等, 平日就有一班由新宿去伊豆. 其他時間就要由東京車站開出啦.
http://www.jreast.co.jp/e/ routemaps/superviewodoriko. html

時間表:
大宮・池袋・新宿・東京から伊豆急下田まで行くスーパービュー踊り子号の時刻表
スーパービュー踊り子1号土休日大宮発7:58 赤羽発 8:12 池袋発8:22 新宿発 8:30 横浜発9:02 小田原発9:38 熱海発 9:56 伊東発10:17 伊豆急下田着11:06
スーパービュー踊り子3号土休日池袋発9:18 新宿発 9:25 横浜発9:58 小田原発 → 熱海発10:56 伊東発11:17 伊豆急下田着12:13
スーパービュー踊り子3号平日池袋発新宿発 9:25 横浜発9:58 小田原発 → 熱海発10:56 伊東発11:17 伊豆急下田着12:13
スーパービュー踊り子5号毎日東京発11:00 品川発11:07 横浜発11:23 熱海発12:20 伊東発12:46 伊豆急下田着13:39
スーパービュー踊り子7号毎日東京発13:00 品川発 → 横浜発13:21 熱海発14:22 伊東発14:50 伊豆急下田着15:46
スーパービュー踊り子9号土曜東京発14:30 品川発 → 横浜発14:50 熱海発15:47 伊東発16:08 伊豆急下田着17:12
スーパービュー踊り子11号毎日東京発15:30 品川発 → 横浜発15:51 熱海発16:46 伊東発17:11 伊豆急下田着17:59

踊り子
分開由東京至下田及東京至修善寺兩種, 價錢比較平.

小田急電鐵
http://www.odakyu.jp/ticket/ couponpass/izu.html#itou

東海巴士
http://www.tokaibus.jp/page. jsp?id=1621

伊豆半島內交通 => 通常都係東海巴士同伊豆急行線
伊豆急行線
http://www.izukyu.co.jp/guide/ guide1.html
東海巴士
http://dia.tokaibus.jp/ OrangeGuide/pc/naviSearch.do

伊豆割引車票(Pass/Package)
http://www.izukyu.co.jp/guide/ guide5.html
http://www.jreast.co.jp/ tickets/info.aspx?GoodsCd=890

大家可以利用yahoo transit search下點對點既時間, 價錢同轉乘方法
http://transit.yahoo.co.jp

伊豆半島有好多景點, 大家Plan既時候要睇下大家對自然景觀, 歷史文化定係
藝術博物館有興趣啦.如果對博物館有興趣就可以去伊豆高原一帶, 因為有Teddy Bear Museum, 人形博物館,時計博物館, 池田同一碧湖博物館等. 鐘意歷史文化就要到有小京都之稱既修善寺溫泉 .鐘意自然景觀就要去下城崎海岸, 大室山, 河津七滝等等

至於我呢對大自然景觀比較有興趣, 所以就決定由池袋南下伊豆高原跟住係下田北下中伊豆修禪寺再返池袋. 參觀景點大致係伊豆高原城崎海岸, 大室山, 河津七滝, 修禪寺, 仲有最好就係去到士多啤梨園啦．

plan左想去邊後，就plan埋想住邊度啦，我想搵間料理好食而有美景溫泉既溫泉旅館, 係網上面見到有人suggest稲取食べるお宿浜の湯, 話明食之宿應該唔差卦, 見到佢網頁價居然比樂天平, 於是就係佢個網直接book, 順便叫個識日文既朋友幫手send email去問佢問題.

連住宿都攪掂啦, 我地開始用yahoo transit plan下時間，點知發現東海巴士既班次好疏, 如果搭公共交通工具既話2日1夜只係可以係伊東一帶遊覽咋. 我地梗係唔想咁啦. 於是試下睇下租車個價錢同時間會唔會好D. 好彩係tocoo網發現日產係平日做特價, 平日租一架1000cc 2日要15xxx yen, 而家租1300cc 既車都係11xxx yen 咋, 加埋來回有料道路費4xxx yen, 池袋至横浜6xxyen同油錢都係大約 20000 yen. 同我坐火車巴士唔差得好遠, 仲要flexible 好多, 所以最後我地都係決定租車自駕啦.

我地係出發東京之前係網上book好溫泉酒店, 汽車同士多啤梨園入場時間, 然後將所有confirmation letter print哂出黎, 仲有就係搵左景點地圖放係mobile度, 再係大行李執一晚既衫就起行啦.

************************************************************************

4月5日行程: 池袋 => 橫横 => 伊豆韮山 => 修善寺 => 河津七滝 => 稲取食べるお宿浜の湯温泉旅館

終於到左入伊豆呢日啦, 不過天公並無做美, 已經落緊雨啦. 我地5:xx就要起身, 6:xx要去食早餐,7:00要check out寄存行李及步行至車站, 趕7:30既Ｊｒ湘南新宿ライン快速・平塚行至横浜.因為呢班車係正去横浜唔使轉車, 當然車費就貴D要620 yen. 點解我地唔係池袋租車? 咪因為見其他人話東京都好塞車囉, 所以前人都見議去横浜先租車, 可以避左塞車. 我地去到横浜車站就根據預先save左係mobile既地圖搵N issan取車處. 8:30就去到啦.開頭諗住好似上次去北海道咁要成個鐘先拎到車, 點知9:00 前己已經攪掂哂啦. 真係好. 今次仲有英文GPS用呢. 我地入左士多啤梨園電話就即刻出發啦. 個GPS大致都操作正常, 不過有句slightly turn left and turn right就攪到我地上錯左條highway, 要揸多一大段路先有U Turn位, 最後要用多30mins先到目的地.

我地見個天仲係落緊雨, 猶豫左一陣係咪仲要入園. 由於我真係好想摘士多啤梨, 所以落雨都一於照入. 其實摘士多啤梨最好就係冬天, 4月去唔知係咪開始水尾, 所以由1500 yen 減到900 yen 30分鐘放題, print埋網上coupon可以減多100 yen. "咁平唔知會唔會冇咁甜呢?" 我一路俾錢一路諗緊呢個問題.

俾左錢後, 職員示意我地上番架車, 然後跟住佢地架車駛入園區. 去到2號場就停低叫我地入去. 原來士多啤梨園係有蓋既, 所以落雨都ok. 有個職員俾左一個載有煉奶既膠兜我地. 我地就把握30分鐘揀選D又大又紅既士多啤梨食, 果然真係非常多汁鮮甜味美, 根本就唔使要煉奶, 十個正呀 ^O^

其實30分鐘都已經好夠, 因為我地已經好飽啦, 所以就離開去另一個地方修善寺溫泉 , 半個鐘已經到左, 修善寺好多停車場都要錢架, 好彩我係日本網見到有人話可以免費停係修善寺町総合会館, 所以就避左俾400yen啦. 我地見個天仲係落緊雨, 就去食左lunch先, 我地去左食有名既独鈷そば, 佢地會俾顆Wasabi你自己磨架, 點解? 因為Wasabi係伊豆名物囉. 我地出盡力都係磨到好少咋, 不過我好驚Wasabi, 少少都頂唔順, 所以冇所謂啦, 因為係名物關係, 我破例試左少少, 咦, 原來生磨係冇咁攻鼻架喎.

食完個Lunch一定要行下呢個歷史悠久既修善寺溫泉 , 沿住桂川隨處可見茶屋和充滿日本庭院風情的各種各樣的溫泉旅館. 仲有小京都之稱既竹林小徑, 置身係度可以感受到日本自然簡樸既氣息.

行完修善寺溫泉我地就去另一景點河津七瀧 .河津七瀧由大瀧、蟹瀧、釜瀧、蝦瀧、蛇瀧、出合瀧、初景瀧等大小七個瀑布組成, 要行哂佢起碼都要個多小時, 我本來都冇打算行哂, 諗住行最出名既初景瀧同埋大瀧算, 但係我地去到初景瀧時雨越黎越大,
有遮都已經冇用, 所以最後冇去到大瀧, 係初景瀧折返番車場取車, 直接揸車到溫泉旅館啦.一黎今日太早起身, 二黎間溫泉酒店唔平, 所以早d入去享受下都好.

去到稻取溫泉都差唔多5:00p.m. 有職員已經好有禮貌咁出黎迎接, 幫我地泊好架車. 我就去reception check in, 好彩reception識講英文, 所以一陣已經攪掂哂, 跟住有位著和服既姊姊招呼我地進入部屋, 奉上熱茶糕點, 又問我地食飯時間等等. 跟住佢就出去唔打擾我地啦, 我地都覺得好驚訝, 因為以往去親溫泉旅館固D和服姊姊都唔識日文架喎, 次次都係固D姊姊用日文講完一堆野之後大家就dead air左數秒, 因為我地唔知佢問乜啦. 不過今次就好好多, 個姊姊英文幾好, 可以溝通到. 佢話好多外國遊客都有黎佢地酒店所以酒店有識英文既人啦.

姊姊走左後我地就視察下房間, 雖然裝修比較普通, 但係間房既view就好正, 有無敵大海景. 呢個都係我選呢度既原因之一.視察完房間朋友仔就係房"Hea", 而我就即刻上去頂樓浸露天風呂啦.

Our Car

好紅好大粒既士多啤梨, oishii ^O^

有名既独鈷そば

店員俾左顆Wasabi我地叫我地自己磨

竹林小徑

修禪寺

呢條橋都係景點黎架

河津七瀧最出名既初景滝

呢個糕點有好香柑味, 所以後來落左去酒店商店買左盒返香港

無敵海景部屋.

浜の湯溫泉旅館有兩個風呂, 係以男女交替制, 而家我去既係望洋大浴場, 入到去更衣室見到浸溫泉既都係中年日本女人居多. 真係識歎. 我洗下個身之後就出去露天風呂
因為我鐘意一面浸溫泉一面睇風景多D. 但係唔知係出面不騮都大風定係落雨
關係呢, 真係好似打緊風咁, 好凍呀 >_< 我都唔理咁多, 即刻跑上樓梯衝落水度先好番好多咋. 對住個海浸溫泉真係好舒服架, 露天風呂比室內大浴場無咁熱, 所以我可以慢慢浸. 見差唔多6:00 d日本人已經走哂, 可能佢地6:00食飯啦, 我就book左6:30先食, 所以之後好似包場咁, 好正.

浸完溫泉要番房食飯啦, 我地係係部屋食海鮮料理. 因為伊豆近海, 所以海產非常豐富.
其中最出名既係金目鯛, 好似大眼雞咁樣. 我地兩個人有一大條金目鯛, 估唔到真係幾好食喎,尤其係個汁好惹味, 連朋友仔唔食熟魚都話ok.
另外仲有一隻寫上我個名既刺身船忝.裏面有伊勢海老, 金目鯛刺身等, 仲有飽魚, A5和牛陶板焼, 穴子釜飯等, 食到我地好飽呀. 食完飯我就落左樓下大堂行下, 見到有班人係K房唱緊K, 不過唱得好難聽 =P 又去商店睇下有咩土產賣, 跟住就去左足湯浸下腳. 原本想去佢地既免費私人風呂浸下,
點知佢話大風close左 =.= 冇辦法啦, 唯有去番望洋大浴場再浸多次溫泉啦. 浸完都10:30, 返到上房已經見到朋友仔好似死左咁訓左係榻榻米度, 可能因為今日太早起身啦, 我都覺得好眼訓, 所以都早D休息, 第二朝早D起身浸另一個溫泉啦.