2018年係我人生既轉捩點, 轉工, 搬屋!!
過去幾年真係好累,係時候要休息一下,所以我趁未返新工前走番轉東京先. 同事菁姐難得有假,所以我地買左張機票去東京玩下食下野咁. 由於我地離開日本固日係早機, 我唔想轉車去機場, 所以訂左上野酒店.
今次係我第一次住上野, 又睇下好唔好住先.
菁姐除左食之外, 佢好想浸溫泉! 咁樣真係另我頭都大, 因為城市內有得浸既溫泉唔多. 好彩搵到間叫Dormy Inn. 佢係連鎖式酒店, 又有溫泉浸, 交通好方便, 咁岩我地想book固日特價, 8xx一晚唔算貴, 所以我地決定頭3日住一間新既平價酒店, 第四日住dormy inn浸溫泉. 第五日一早就到京成電鐵坐火車去成田機場. 住宿攪定叻^^ 跟住就係睇下有冇餐廳book定先. 咁岩tvb做緊周遊東京, 所以就決定試下海膽宴私房菜同築地壽司放題.
我地4天行程如下:
Day 1:
凌晨機, 到東京仲好早, 首先行下機場7仔, 發現有綠茶蕨餅, 所以買黎試下, 呢個蕨餅綠茶味好濃又唔係好甜, 好味喎^O^, 一開始食左好野, 心情都開心D.
我地由於住上野, 買左京成電鐵去上野站, 再經地下街可以去到上野廣小路. 今次訂左間係上野廣小路站附近既酒店. 叫Sotetsu Fresa Inn Ueno-Okachimachi.
我地為左慳錢所以住semi double房,每人3xx算合理. 房間真係好細, 好難打開兩個28吋以上既行李. 但酒店位置好好, 好近上野廣小路站, 行去都營大江戶線, 日比谷metro, 山手線都好方便.附近都有好多野食, 又有超市. 酒店又新. 唔錯, 係細左d.
我地第一站去左新宿食早餐. sarabeth's係美國開去日本既餐廳. 有紐約早餐女王之稱.我地叫左egg benedict同pancake. egg benedict流心蛋做得唔錯, 反而pancake就普通啦.
之後我地去左新宿玩VR, 平時1 day ticket 4400yen可以係玩4款遊戲, 佢既遊戲分左4種Category. 綠, 紅, 藍, 黃. 我地只可以係每個category選一款遊戲玩. 但固日咁岩俾我地可以任玩4款遊戲, 所以我地就即場買票玩叻.
首先當然玩左最多人玩既Mario Kart啦, 排左大半個鐘終於有得玩. 我覺得都算幾好玩, 尤其是拎到鎚仔打對手固時仲正! 之後我地玩左ホラー実体験室脱出病棟Ω（オメガ）, 呢個要兩個人玩, 又有互動, 同埋我地成功走甩左, 所以覺得唔錯.
之後我地玩左個新世紀福音戰士射槍遊戲同逃避恐龍追逐遊戲.呢兩個唔知點玩好快死所以就覺得一般啦. 玩完VR大約5點幾, 我地就返上野酒店check in, 之後行下附近超市, 就去食周遊東京介紹既海膽宴, 好期待啊.
我地坐metro去四谷三丁目, 去到附近竟然搵唔到>_<! google locate去到一條小路, 但唔多似, 我地行黎行去最後決定問人, 好彩有位日本人好好, 佢幫我地係網上搵電話, 打左好多次先打通, 原來係一間私房菜所以好隱秘. 有位店員落黎接我地. 我地上到去發現呢間私房菜原來係巴西人主理, 食物以fusion為主, 味道真係好普通, 而佢有道菜可以試唔同地方既海膽, 結果得兩款比較甜, 其他都係有苦味>_<!!!! 成個餐要成1500HKD, 好貴好唔值, 真係中哂伏!
Day 2:
第二日我地7點幾去排周遊東京介紹既星期六築地壽司放題. 我地去到已經有好多人啦, 8點幾開始登記, 之後就可以散. 菁姐話想去浸溫泉, 所以我地就去左台場大江戶溫泉, 諗住浸個半鐘再返去食放題, 點知我地冇留意原來佢9點關門, 11點先開! Oh! 白行一場tim, 唯有返築地行下場內市場啦. 行到11點半開始入痤,
可惜我地排唔到第一輪, 要等多1個鐘先有位. 我地一坐低師傅就已經放左5件壽司加件超大既魚碎軍艦!! 但我想自己叫鐘意食既壽司喎..... 佢焗我地食左5件半壽司! 食完都已經飽啦, 仲要件壽司飯好大件, 又冇醋味... 我地為左食toro, uni, 飽都要叫多幾件黎食, 真係冇下次!
食到好飽菁姐話想去番大江戶溫泉, 我就去左池袋sunshine city行下家品店, 之後約番係酒店等食晚餐. 我地之前見到酒店對面有間食toro好似幾正咁, 所以就決定去試下. 估唔到佢既鮪魚set唔錯喎, 所以又叫左蟹膏軍艦, 整體黎講above average, 好過築地壽司放題呢!
Day 3:
前幾日中左兩次伏, 今次決定唔跟周遊東京去野田岩食鰻魚飯, 而選去尾花. 所以今日又一早去南千住排隊食尾花, 去到已經有條龍, 結果我地又要第二輪先食到, 但食完之後真係不得了, 好好味啊! 菁姐對鰻魚好講究, 佢嫌鰻魚豉油會蓋過鰻魚味, 所以佢會叫白身黎食. 我就叫左鰻魚重. 我試左白身就已經愛上, 因為魚脂好豐富, 好有魚味 =D 而鰻魚重既鰻魚豉油係鹹鹹地, 完全冇蓋過鰻魚鮮味, 真係好正!
食飽左我地就去左原宿laforet shopping, 之後就係酒店附近食人形町今半壽喜燒. 我就幾鐘意食, 菁姐就嫌壽喜燒太濃.
Day 4:
星期一我地諗住一早去梅丘美登利排壽司放題, 去到見到冇人龍好奇怪, 突然有個大嬸講左堆說話, 似話已經冇放題, 我地就上網search下, 點知原來真係冇啦>_<
一時間冇哂方向. 咁唯有去築地食喜代村啦, 話哂佢既質素都keep得唔錯. 滿足左壽司慾望我地又要去滿足另一個胃! 我地去左幸福班戟, 軟綿綿既pancake帶有蛋香, 好味.
之後我地係銀座行下, 就返酒店拎行李轉酒店, 因為菁姐想浸溫泉, 所以我地搵左間dormy inn, 呢間連鎖酒店都有spa浸. 我地check in後就去上野二木果子掃貨,
之後就即刻去浸溫泉. 9:00 dormy inn有免費拉麵食. 不過唔係好大碗, 所以我地就再去酒店對面既燒肉店食牛舌, wow, 呢間既牛舌真係好好味, 我地忍唔住再order多一客呢!
晚飯後我地又再去浸spa, 因為第二朝一早閃, 所以我地唔敢訓去浸spa, 之後再pack行李, 攪到成兩點幾. 菁姐頂唔住訓左, 我就捱住床小休等4點.
Day 5:
由於係晨早9:00機, 我唔係好敢訓, 我地拖住行李去京成上野站買票, 坐5:18京成電鐵去成田機場, 快閃之旅就此完結, 返到屋企可以大昏迷了!
sarabeth's Lumine
〒160-0022 新宿?新宿3-38-2 ???2 2階
Shinjuku VR Zone
https://vrzone-pic.com/shinjuku/en/ticket.html
尾花 （おばな)
東京都荒川区南千住5-33-1
JR常磐線・東京メトロ日比谷線・TX「南千住駅」徒歩4～5分
南千住駅から337m
http://osietesite.com/gourmet/tokyo/wasyoku/tesyoku/obana
幸せのパンケーキ
東京都中央区銀座5-8-5 ニューギンザビル10号館 7F-B
https://magia.tokyo/
人形町今半 上野広小路店
東京都台東区上野1-20-11 鈴乃屋本店ビル ６Ｆ
http://www.imahan.com/
すしざんまい 本店
東京都中央区築地4-11-9
http://www.kiyomura.co.jp/
