2017北海道滑雪觀光飲飲食食之旅Day 5

行程: 函館朝市, 函館五陵角塔, 五陵角公園, 六花亭, 倉庫, 阿佐利壽喜燒

今日行程最主要係函館City Tour, 所以唔使太早起身. 我地係酒店reception買左市電一日券, 價值600 yen.

 

跟住我地去左函館朝市食早餐, うに むらかみ 函館本店係我既目標, 但係去到至發現佢既營業時間改左到11點!
無辦法唯有去backup固間. 之前係網上見到有間きくよ食堂 本店評分幾好, 所以諗住去食. 我order左三色并, 但味道非常普通, 真係好失望.

 

我地食完就係函館朝市行逛, 朝市有好多海產, 土產, 水果賣. 我買左帆立貝粒及魷魚飯. 行到1點我地就去左うに むらかみ食海膽, 我地叫左一板海膽及每人一隻燒海膽. 今次係我第一次食燒海膽, 估唔到燒海膽令海膽味更濃郁. 令我留下印象.

 

午餐過後我地就返酒店放低戰利品, 再坐市電去五稜郭公園. 五稜郭是日本第一座西式碉堡, 1864年完成, 公園呈星型, 我就係為左佢既形態而來.
要欣賞五稜郭公園全貌最好去公園旁既五稜郭塔.入場費840 yen. 白雪中既五稜郭公園真係幾靚.

欣賞完去五稜郭公園, 我地就行去附近既六花亭買手信. 呢間六花亭既賣點當然係可以透過cashier後既玻璃欣賞五稜郭公園, 好靚.
跟住我地要去下一站 - 金森紅磚倉庫群. 建築於明治時期. 而家倉庫有售賣不同既土產, 衣飾等等. 天寒地凍漫步倉庫群, 有種浪漫既感覺.

 

倉庫7點就關門啦. 我地於是就坐市電去寶來町食dinner. 但我地冇睇清楚就衝左上車, 結果坐錯車, 要係下一站落. 我地又要坐番對頭車返十字街, 然後再坐車去寶來町. 我地今晚晚餐就係車站附近. 叫阿佐利 本店. 係一間壽喜燒店. 我地見到有鹿兒島A5牛牛 於是大家都order左. 職員會幫忙煮壽喜燒. 雖然我地每人只得一片A5牛牛, 但牛牛入口即溶, 真係好正. 雖然份量有d少, 但味道唔錯, 價錢4300 yen算合理.

 

晚飯後我地住番市電去函館站, 大家商量聽日既早餐點. 好明顯大家覺得朝市早餐一般所以唔想再去, 所以大家決定去買定lucky漢堡做聽日既早餐.

實用資料:
函館朝市
http://www.hakodate-asaichi.com/store/
函館五陵角塔
http://www.goryokaku-tower.co.jp/html/index/tw.html
倉庫
http://www.hakodate-kanemori.com/tw/
うに むらかみ 函館本店
北海道うに むらかみ 函館本店市大手町22-1
阿佐利 本店 （あさり ほんてん）
北海道函館市宝来町10-11
ペイストリー スナッフルス 金森洋物館店    （PASTRY SNAFFLE’S）
北海道函館市末広町13-9
ミルキッシモ 函館 五稜郭タワー店 （MILKISSIMO)
北海道函館市五稜郭町43-9 五稜郭タワー2F
ラッキーピエロ ベイエリア本店 （LUCKY PIERROT）
北海道函館市末広町23-18