2017北海道滑雪觀光飲飲食食之旅Day 1

行程: 二世古Annupuri 好眼訓呀>_< ! 我地要坐7:50分機, 所以4點幾要坐巴士去機場. 不過一諗到去旅行就興奮. 12月尾發生過暴風雪, 好驚今次會遇到風雪而令行程延誤, 好彩去程非常順利, 去到只係兩點, 要等到4點先坐巴士咪好耐? 我地商量過後決定去GoodSports櫃檯俾500 yen改早一班車出發, 即3點半. 之後我地去jr站買指定席票, 點知Jr排長龍!! 我地排左半個鐘先買到票, 攪到我地差d趕唔到車-_-

經過3個多小時車程, 我地終於到達Northern Niseko Annupuri, 我地入去check in, 拎行李入房, 雖然book左smoking room, 好彩冇咩煙味.

 

 

我地settle好梗係去食晚餐先啦, 係網上知道Annupuri冇咩野食, 酒店只有兩間餐廳, 一間食buffet, 一間食日本野, 價錢合理唔算貴, 味道唔錯, 所以決定試下日本野. 我order左sushi set, toro同天婦羅,果然天婦羅炸漿唔厚, 蝦好新鮮, 壽司都好新鮮, 好滿足.

食飽左我地去左賣店行下, 買左樽北海道奶, 再行去視察下聽日上堂報到處. 原來每間酒店房都可以有一個locker儲滑雪用具, 固度仲可以租滑雪用具, 買mountain pass, 報course, 一出門即可以滑落gondola乘車處, 都算方便. 視察完環境我地就去浸溫泉, 雖然溫泉唔大, 但都設有露天風呂, 今次係我第一次係漫天飛雪既環境下浸溫泉, 上身感受住飄雪, 下身浸在熱藤藤既溫泉水感覺好爽. 浸完溫泉成身暖哂, 係時侯好好休息預備聽日既劇烈運動啦.