熊出沒注意: 2017北海道滑雪觀光飲飲食食之旅Day 4

行程: 函館山

今日要下午要離開二世古啦, 所以大家可以晏d起身, 浸個靚溫泉, 我因為訓得太晏, 所以冇食早餐, 只係浸左溫泉, 望下白天既雪境, 好舒服. 我地返上酒店房執行李, Ada姐call我地話佢地係Dining Area食緊早餐, 問要唔要幫我地買定午餐係火車上食. 因為佢見到禽日食早餐既地方有少少pack好既食物可以買走. 其中有腐皮壽司, 甜甜地我都幾鐘意食既, 所以就叫Ada姐幫我買啦.

到左12點, 我地就落去酒店reception check out, 我地問酒店有咩車去二世古車站. 職員話可以坐12:30 shuttle去二世古, 12:45到二世古站, 但我地驚拎埋行李趕唔到上車, 所以選擇call taxi. 我地等左5分鐘就taxi就黎左, 嘩, 乜咁大架既, 似go go van多d喎. 架車好大好舒服.

由Hilton去二世古站只需5至10分鐘. 落左車入去車站, 發現車站原來超細, 車站係侯車area, 一出已經係月台, 去函館方向直情唔使過天橋, 所以下次黎坐shuttle應該趕得到.

我地太早黎到, 就係車站睇下旅遊資訊, 又飲罐熱辣辣粟米湯. 等到12:50到達, 我地上哂車, 搵地方zip我地行李, 之後我就開餐啦.

到左長萬部站, 我地又要轉特急車去函館, 沿途海天一色, 幾靚.

大約4:30我地到達函館, 跟住就拎住行李行去酒店, 係積雪行走的確有難度, 幸好酒店距離車站只係5分鐘左右. 我地到左settle down後就上網睇下運行情況, 得知運行正常好開心.

Hotel Resol有出面就係函館市電, 交通好方便. 我地坐市電去十字街站, 再由十字街慢慢行斜路上函館山纜車站. 係雪地上行真係好痳煩, 仲要好凍下.

大約10分鐘終於到左函館ropeway, 買完票就坐纜車上山, 記住要去車後方, 因為上山途中已經可以欣賞函館景色. 我地上到山上, 第一時間俾雪糕店Cremia吸引左, 佢標榜牛脂有12.5%. 果然牛奶味非常Rich, 暫時係我食過最濃最好味既雪糕 =P

食完雪糕我地就上觀景台影相. 老實講, 我覺得香港既夜景真係靚好多, 因為香港高樓多, 霓虹燈五光十色色彩豐富d.
好叻, 係時侯落去土產店行下, 我地買左少少土產就坐番纜車落山, 今次我地行左落另一車站寶來町站, 因為呢個站多d野食. 我地去左間炸豬扒店. 係網上見食評唔錯, 但結果味道一般而已.