2018意大利深度遊Day 9,10 (米蘭大教堂, 艾曼紐二世迴廊)

行程: 米蘭

早上醒來, 問肥團友想去邊食早餐, 佢話不如去超市買食材返Apartment煮, 黎個brunch. 順便逛埋超市掃貨, 於是我地就去附近Esselunga di viale Zara逛下. 點知一逛又不得了, 呢間都係好多新鮮同埋冷凍食物賣, 肥團友買左堆扒返去煎. 我同菁姐買左肥團友唔鐘意既菜食 =P 當然仲有雲吞, 即食湯同埋魚. 食完先出去City Tour.

我地正想出去, 肥團友話要開大, 所以我同菁姐去米蘭大教堂先. 我地去到米蘭大教堂前既廣場好多人. 其中有好多人企圖幫我地影相又或者想幫我地戴手鏈. 我地係網上知道佢地係會問人攞錢既, 所以佢地想走近我地已經閃開. 之後我地環繞米蘭大教堂行左圈, 本來想上去但排隊既人太多只好放棄.

米蘭大教堂附近既另一景點就係Galleria Vittorio Emanuele II. 呢條迴廊好靚, 名店林立. 我想去Gucci見識下所以就排隊入去參觀.

菁姐自己繼續行街. 恕我見識太少, 一個bling bling盒子手袋都要過萬蚊, 我都係離開去買野食算.

自從我既同事日日沖手沖俾我試飲後, 我愛上左精品咖啡, 所以我特意去左lavazza Coffee Flagship Shop睇下. 原來佢地都有賣幾款精品咖啡豆, 於是我買左包埃塞豆返HK俾同事沖. 之後又去左食gelato, 再去埋Panzerotti Luini panzerotti, 之後去左La Rinascente上面行左食品樓層. 呢間係賣高檔貨所以價位比較貴. 之後菁姐whatsapp我話對面戲院有間賣雪條既店有開心果雪條賣, 味道仲唔錯呢, 於是我又走去試下, 幾好味喎.

我諗住去Flying Tiger睇下, 途中經過一間雜貨店kasanova, 貨物都幾吸引價錢都合理. 我買左個moka杯玩下. 最後我行到去Sforzesco Castle影下相.

肥團友佢開完大後買左張地鐵pass, 去左米蘭教堂, 之後佢遊mtr河, 周圍去, 差唔多食飯就
whatsapp我問我食唔食dinner. 我話ok, 菁姐話佢好飽所以唔join.

我係google map搵左間餐廳好高分, 叫Nerino Dieci Trattoria, 於是就約肥團友係固度等.
可惜去到發現已經fully booked. 唯有搵另一間叫Rossini. 我地order左青口, Pizza及Risotto. 呢間餐廳味道唔錯喎! 為最後一餐留下美好既回憶.

最後一日我地係Apartment煮左個早餐, 之後就拎行李坐mtr去Garibaldi FS站坐火車去機場, 咁就結束左短短10日意大利深度遊啦.
希望下次可以去埋其他城市參觀啦.

kasanova
 https://www.kasanova.com/it/
Rosinni

http://www.rossiniristorante.it/

2018意大利深度遊Day 8 (威尼斯Mercato di Rialto, 米蘭)

行程: 威尼斯,米蘭

今日有大半日係威尼斯, 我地禽日見到酒店自助早餐只係7 Euro, 就諗住去試下. 7 Euro早餐有西式炒蛋, 有牛角包, 有自助pancake, yugurt and coffee機, 有conflakes, 有水果, 味道ok, 選好抵食架啦.

食飽左就由Venezia-Mestre坐火車入主島Stazione di Venezia Santa Lucia, 再係前面Ferrovia碼頭坐1號水上巴士去Rialto Mercato, 呢度有個Mercato di Rialto, 有海鮮蔬果, 醬汁賣, 我地發現有間店既黑松露醬好平, 11 euro, 但係佛羅倫斯要16 euro! 所以我地又買左黑松露醬, 又買左pink salt.

之後我地去左間有炸海鮮賣既小食店買左杯炸海鮮食, 唔錯喎.

之後我地行下呢個Area, 係Campo Bella Vienna附近有好多店鋪, 有面具, 玻璃, Cafe, 皮革店, 餐廳等等. 我之前係網上物識左兩間面具店比較靚, 所以就買左兩個做裝飾.

之後我係S. Silvestro坐船返Venezia Santa Lucia再坐火車返酒店. 拎返行李我地就坐5點幾火車到米蘭, 再轉地鐵去Istria, 途中我同肥團友係地鐵車廂傾計, 當時佢正將車票放返落銀包, 但傾傾下我發覺佢身後側有個人既眼神好古怪咁望住肥團友個銀包, 於是我同怇講左聲, 肥團友即刻提起警覺將銀包慢慢放回褲袋, 點知後面個人由上而下望實肥團友個銀包. 我於是以正常傾計既方式提醒佢. 肥團友放回銀包就轉過身黎我固邊, 之後就冇事啦.之後再行去酒店. 我地住既係Service Apartment, 有1房, 地方比較大, 有個open kitchen可以煮飯食. 不過今晚太夜所以就出去搵間餐廳食算. 味道就一般啦, 係Pizza比較好. 食飽飽我地就休息, 聽日就City Tour.