行程: 弘大, 合益homeplus
今日我地９點幾去酒店食早餐。其實我地酒店係包埋早餐架，所以都幾抵住。不過我地成日想食其他野所以先出去食，
只留一日係酒店食早餐。
梨花酒店早餐係地庫，有個廚房ａｒｅａ，另外有張大檯係中間放左簡單既麵包，果ｊａｍ，ｈａｍ，ｃｈｅｅｓｅ，麥片同杯麵。
我地食左簡單早餐就行去乙支路三街坐地鐵，我地落到地下街就見到一間麵包店，青姐又忍唔住入去睇，
呢間麵包店既麵包好多都可以試食。於是我同青姐係咁食，其實好多麵包都幾好味，尤其佢有ｄ好似ｐｉｚｚａ既麵包好多料所以好好味。青姐買左兩大大包話當聽日早餐。我就買左個好ｒａｗ既香蕉合桃蛋糕，係俾錢時岩岩見到有款好大既ｃｈｅｅｓｅ ｂａｇｅｌ新鮮出爐，我地又試食左，ｗｏｗ，個ｂａｇｅｌ好脆，ｃｒｅａｍ ｃｈｅｅｓｅ好香好好味，所以我買埋呢個ｂａｇｅｌ．由於唔想拎住麵包四圍走，所以我地番去酒店放好麵包再出過去。
我地去番乙支路三街坐地鐵去弘大，到左弘大我地首先行左１號出口既ｂｕｔｔｅｒ。呢間家品店有家品文具精品賣。之後去左Shoopen行下，行完就去左食炭燒鰻魚。炭燒鰻魚我上次同另一班朋友已經食過，覺得好味所以今次帶左嗜炭燒鰻魚既青姐試下。
我地叫左兩條，店員會幫手燒埋，佢放落爐時鰻魚仲郁緊架！煮好左店員會將鰻魚放係爐邊，跟住我地可以將鰻魚包住菜食。青姐試左後話好好味，好想叫多條。我叫佢食埋先啦，睇落好似好少但食食下會飽。果然食下食下已經飽左。之後我地就埋單出去行下。
我地經過一間方包專門店，見好似好吸引咁，有位香港人經過同我地講超好味，於是我地入去買左兩款口味。但其實我地覺得味道一般.
行完１號出口我地就行番去９號出口，首先要去ＫａｏＣａｏ Ｆｒｉｅｎｄｓ ｆｌａｇｓｈｉｐ ｓｈｏｐ幫朋友買野。我之前都未聽過呢個ＫａｏＣａｏ ｆｒｉｅｎｄｓ，原來佢好似ｌｉｎｅ ｆｒｉｅｎｄｓ咁係通訊軟件再伸延開店賣精品。我地係固度影左好多公仔相同了解多左ＫａｏＣａｏ既ｃｈａｒａｃｔｅｒｓ．
去完ＫａｏＣａｏ後，我地去左ｓｔｙｌｅｎａｄａ附近行。原來沿路都有好多ｂｏｕｔｉｑｕｅ．我地行下睇下買下，之後就去左Be Sweet On食甜品。我地叫左焦糖反烤蘋果塔，味道都唔錯。我地ｈｅａ到９點幾就離開，坐地鐵去合益站ｈｏｍｅｐｌｕｓ超市行下，行到１１點先返酒店。
