行程: 鷺梁津，高速客運地下街，馬場洞
終於返到黎首爾啦, 一早我地就到酒店附近商夏既蛋糕店買左麵包同蛋糕返酒店先, 再出去鷺梁津市場食海鮮. 因為朋友青姐未去過鷺梁津, 所以想去固度食皇帝蟹.
我2010去過鷺梁津, 原來鷺梁津已經搬左啦, 係7號出口出, 行一陣入行人隧道, 出到黎就係鷺梁津. 我地行左一圈, 唔知點解好似細左咁. 去到我地行左一圈睇下, 之後去左間蟹比較好d既鋪頭, 買左帝王蟹, 飽魚, 蝦, 等等, 結果2人連加工費食左成十幾萬won!! 真係中哂伏! 下次一定唔會再去!
食飽飽我地就去江南高速客運地下街行逛. 因為固度好多平野買. 買d簡約款大約10000won (70港元)就有, 另外耳環大約3000won一對, 平過香港好多, 所以我買左好多耳環. 除左衫外, 地下街會有家品賣, 有d掛畫都幾靚, 可惜猶疑之間最後冇買到. 我地行到6點就離開, 坐地鐵到馬場洞食韓牛.
我地係馬場洞行至馬場洞市場, 開頭見到烏燈黑火, 以為已經close左! 但原來係集中係街尾. 我地幫襯左間叫石信韓牛. 買左1++牛牛同牛舌, 佢又送左一pack牛舌. 跟住佢問我地用咩方法煮, 我地選左炭燒, 佢就叫我地去附近一間炭燒既餐廳. 由於之前係鷺梁津食得太飽, 所以我地只燒牛冇加飯. 味道都算唔錯. 牛當然都係覺得日本牛好, 但呢個1++牛溶溶地算係唔錯。食完都９點幾，於是就慢慢行番去地鐵站坐車返酒店啦。
沒有留言:
張貼留言