行程: 內藏山, 新村
好眼訓呀@_@, 為左避開人群, 所以5點就起身, 6點就check out寄存行李再去井邑站附近巴士站坐車.因為呢個站冇咁容易full. 我地坐第一班巴士入內藏山, 果然好快就full左. 我地7點15到達, 呢個時候天仲未光. 天氣非常寒冷! 簡直凍到全身包到實哂!
我地慢慢行入內藏山公園門口, 其實一路行入去楓葉隧道既紅葉已經開始落葉. 冇全盛期咁靚. 下次最好早一星期入去啦.
我地買左入場票後繼續向前行. 前面就係巴士站, 可以坐巴士入羽化亭. 巴士站已經大排長龍. 我地決定行入去. 沿途影左好多相. 行到入羽化亭已經8:30, 排隊坐纜車既人龍打左幾個蛇餅! 原本想坐纜車既念頭即時打消. 望左附近既地圖, 我地決定行山, 首先我地到內藏寺行左個圈, 再上山到觀音像. 上山既路都有少少崎嶇. 上到觀音寺再沿山路到碧蓮庵. 我地發覺山中間既紅葉反而多d靚d. 碧蓮庵附近都算幾靚. 之後由碧蓮庵行返落山. 中間想去個toilet, 結果意外發現toilet附近既紅葉開得最靚=P, 好多人都係toilet附近影相=P.
我地行番落山就坐巴士出去門口, 巴士站又大排長龍, 我地排左幾班車先上到, 好彩巴士都好密下既.
出到內藏山門口, 我地又開始逛下入口既餐廳小食店. 我唔小心買左柿! 一買要買十幾個, 好重呀 >_<
我地行完哂小店就坐巴士離開返井邑, 可惜冇位坐要企足半個鐘, 行完山再要企都幾累.
我地返井邑就去搵野食. 我地見到有間炸醬麵諗住試下, 點知黎到先發現佢係紅豆麵! 呢碗麵竟然係甜既! 味道真係好奇怪囉 >_<
求其食飽左我地就去拎行李去井邑火車站坐ktx去首爾. 可惜太早到車站坐位有限冇位坐. 唯有企啦. 呢個時候有班大嬸鋪哂膠檯布係地下席地而坐, 仲係度食柑, 好似野餐咁, 佩服佩服.
好不容易終於等到16:57分, 我地上左ktx, 18:30到達龍山站, 再轉地鐵到明洞站. 然後拖住喼去酒店. 我地今次住既梨花酒店係明洞同乙支路三街中間, 係一間新酒店, 所以價錢比較平. under 600已經住到quad room, 可以一人訓一張雙人床! 不過去呢間酒店要行上斜路, 所以唔想行路既人就唔好book!
我地settle down後就去新村食八色五花肉. 行去乙支路三街途中見到有橦商業大廈裡面有間cafe好吸引, 於是走左入去睇下, 見到佢有個士多啤梨捲蛋白雪雪好吸引. 所以就買左放酒店先再出過去. 我地落到地鐵站又見到有間麵包店好吸引. 又唔小心走入去睇. 呢間麵包店好多麵包都有試食. 我地食左好多好豐富餡料既包, 我地都慨歎點解香港d麵包冇咩餡又輕飄飄咁難食呢! 我地決定買兩個包第二日早餐食. 俾錢時見到有個好大既bagel新鮮出爐, 又有得試食於是試下, 一試就不得了! 因為bagel好脆, onion cream cheese好好味! 於是我忍唔住買埋呢個包!
我地終於捨得離開去新村食八色五花肉. 食左第二次又冇食第一次咁好味 =P 不過就真係好抵食既.
好啦, 聽日終於可以訓晏d啦 ^^
