行程: 仁川, 井邑, 白羊寺
又係凌晨機, 去到仁川4點幾, 入埋境就5點, 跟住就坐第一班all stop train去首爾站. 一小時就到.
由於我地出發前已於korail網買左7:40分既ktx去井邑, 所以有少少時間周圍行下. 經過一間麵包店發現原來韓國11月11日都有光棍節, 佢地會賣好多一支支既粗粗既餅乾條, 外面會有唔同coating, 有朱古力, 士多啤梨. 最特別竟然有爆炸糖! 
我地步行10分鐘就到郊遊酒店, 入到去黑痳痳好似唔見得光既酒店 =P
我地寄存行李後就到井邑客運站買去白羊寺既車票. 井邑客運站紅葉期間有直達白羊寺既巴士, 好方便.
我地坐10:50分巴士, 11:30到達白羊寺. 之後買定離開車票, 開始向白羊去進發.
沿路都已經見到紅葉啦, 紅橙黃綠色彩非常豐富. 我地未入到去已經係咁影相. 之後見到白羊寺門口, 於是買左入場票啦.
白羊寺都幾靚, 尤其係彩色紅葉係水中既倒影. 我地不停咁影相. 影夠就慢慢行番出去食野. 我地試左炸人蔘, 又食左栗子. 之後就坐返4點10巴士出井邑, 5點返酒店check in休息. 成間酒店真係好似偷情酒店. 成間都黑痳痳, 但間房就好色彩繽紛! motel對面仲有大媽歌聲, 好嘈吵! 我地休息一陣就出去井邑站搵野食. 點知行黎行去唔知食乜, 見到火車站有個遊客中心, 於是入左去問下職員有咩餐廳推介, 我地話想食korean tradional food, 佢介紹左一間要坐的士去既餐廳. 我地去到一睇... 咦! 點解咁似食西餐既? 不過唔食呢間又唔知食乜, 所以就去試下叻.
我地叫左個豬意粉同辣炒年糕. 估唔到味道幾好喎! 辣炒年糕非常辣但好惹味. 唔錯唔錯.
沒有留言:
張貼留言