滑雪新手裝備之經驗分享(Updated 2019)

其實我決定去滑雪之後, 對於滑雪要咩野裝備一竅不通, 好彩同行既同事青姐佢滑左幾年雪,
佢帶左我去睇左唔少滑雪裝備. 我先知原來要滑雪都要要投資唔少錢架. 以下就係需要既滑雪裝備:
1. 排汗衣排汗褲
菁姐話保暖衣都可以, 但排汗衣除左保暖外, 當運動出汗時有排汗功能, 而保暖衣只會保暖, 所以佢提議我買排汗衣. 佢買開Cloumbia既omni heat, 但就係上衣都要5百幾蚊, 一套衫褲已經過千, 有朋友話係uniqlo買左heatech, 而我就係一田見到有間叫Traveller既排汗衣褲特價, 一套都係3百幾, 所以我買左兩套, 我試著左兩次都ok, 所以大家可以諗下.

2. 滑雪衣
滑雪衣出面係防風防水, 裡面可以係fleece或者羽絨, 我sogo thankful week係lafuma買左件一件頭雪衣, 只有淨色都要1600蚊, 後黎先跟青姐去左Columbia, QuickSilver睇, 發覺QuickSilver同Islands Wake既雪衣款式比較靚, 所以後悔買左件淨色tim. 仲有一點係我每次好辛苦咁著完對ski boot後我已經熱到濕哂, ski時又好熱, 所以其實買拆得既雪衣比較好.

3. 滑雪褲
我第一次去滑雪前行經一田, 見到Traveller既滑雪用品比較平, 所以就買左好多野, 其中買左條4xx雪褲好平, 但一著ski boot就出問題, 就係佢既褲管太窄套唔到隻ski boot!! 攪到我又要買過條. 今次我係Islands Wake買左條snowboard褲, 聽講ski都可以著snowboard褲, 只要防水防風就得. 今次我買既褲腳有zipzag, 必要時要整寬d. 而且款式又唔錯, 好多袋, 呢個就最正. 除非你額外帶袋, 否則最好就係雪衣雪褲多袋, 咁就可以放哂貴重物品手機係衫褲袋啦.

4. 雪襪
我又貪平係Traveller買左3對襪, 點知俾ski tour內既一個大嬸團友話我襪咁短, 原來佢話雪襪要長過ski boot先岩, 由於滑雪時小腿要壓住ski boot, 所以雪襪長d小腿冇咁痛, 我後黎係韓國雪場買左對試下, 真係好好多.

5. 雪鏡
我係一田買, 4xx好平, 可以戴埋眼鏡, 但係就冇防霧功能, 攪到我未出發前成日睇唔到前面, 試過用防霧布唔work, 岩岩係北海道買左防霧噴劑, 下次會試下得唔得.
(2019: 2019年1月去北海道滑雪, 今次係淘寶淘左個3xx既防霧雪鏡, 比我之前買既好左)

6. Mask
滑雪時好大風或大雪, 所以最好買個Mask, 一田1xx已有交易.

7. 手套
要買防水既厚手套, 一田Traveller百幾蚊一對又平又ok.

8. 雪帽或頭盔
一般初學者最好借頭盔, 之後可以戴雪帽.
1. 如果你只想玩一兩次就算, 咁樣你可以直接係滑雪場租滑雪衣褲, 雪鏡及頭盔, 但如果諗住仲有機會滑雪就最好買埋雪衣褲.
2. 雪襪, 手套, Mask無得租最好自已買定去.
2019: 朋友係廸卡農買左個頭盔, 價錢唔貴喎.

滑雪用品地點:
1. Columbia
2. QuickSilver
3. 一田
4. Islands Wake
5. X Large
6. CWB X Large下面有間地鋪店都有雪衣雪褲賣
7. 係網上search過話花園街希超平雪褲, 不過未著過唔知好唔好
8. 觀塘Play, 係一間提供ski and snowboard課程既地方, 裡面有shop賣滑雪用品
9. (2019) 廸卡農比大陸買左後係香港開左幾間大店, 地點方便如旺角雅蘭, 將軍澳尚德有間好大既店呢. 如果第一次諗住試下, 唔捨得投資可以黎買d平野試下先.

韓國南怡島賞楓5日之旅南怡島晨靜樹木園篇

ｌｏｃａｌ　ｔｏｕｒ行程：
晨靜樹木園，金裕貞Ｒａｉｌ　Ｂｉｋｅ，南怡島

其實我諗過究竟應該自由行定ｊｏｉｎ　ｔｏｕｒ好。當然我最希望自由行啦，但爬文時見到有人話Ｒａｉｌ　Ｂｉｋｅ要預約，又話ｐｅａｋ　ｓｅａｓｏｎ好易ｆｕｌｌ，我ｄ朋友於是話ｊｏｉｎ　ｌｏｃａｌ　ｔｏｕｒ算，因為佢會安排哂，所以我地就係香港ｂｏｏｋ定ｌｏｃａｌ　ｔｏｕｒ，俾埋錢。旅遊公司話可以弘大或明洞上車。我地住明洞酒店，當然選擇明洞集合啦，旅遊公司叫我地８點係新世界百貨噴水池等。由於ｊｏｉｎ　ｌｏｃａｌ　ｔｏｕｒ，日子一早已經選好，所以固日落雨都冇得改期。去到噴水池都幾大雨，原來有好多團既人都係固度集合，大家匿哂係地下街出口，好狼狽，安排都比較混亂。等左一輪又問下其他領隊我地先搵到我地團既領隊，之後大家即刻搵番自己架旅遊車，

上到車總算ｓｅｔｔｌｅ好，領隊就派左個甜包同蜜桃汁做早餐，跟住佢話由於早上會落雨，行程會改次序。首先遊晨靜樹木園，之後金裕貞Ｒａｉｌ　Ｂｉｋｅ，最後南怡島。
我地係車上訓左一陣，大約個幾鐘就到左晨靜樹木園。領隊俾１小時我地遊覧。晨靜樹木園有吊橋流水同紅葉，都幾靚，可惜只有１小時，唔可以行哂成個園區。如果下次有機會我一定會自己再去一次，預兩三小時慢慢遊。

 

 

去完晨靜樹木園我地就去食ｌｕｎｃｈ，ｌｕｎｃｈ係春川雞但團餐味道一般。

之後我地去金裕貞Ｒａｉｌ　Ｂｉｋｅ，去到１：１５分，原來旅遊公司安排左２：００先玩，咁點解咁早叫我地黎呢，如果俾多半個鐘係晨靜樹木園咪好囉。我地唯有係室內地方坐下。到左兩點我地開始分批玩ｒａｉｌ　ｂｉｋｅ，我地要踩５０分鐘，經過幾個山洞，山洞內有唔同既音樂同效果，大家時怏時慢，所以有時有ｄ塞車＝Ｐ　好彩正如領隊所言，雨停了，唔使淋濕身。過左５０分鐘我地就轉坐小火車去江村，然後我地就坐番旅遊巴去南怡島碼頭。呢個時侯好多人係南怡島出島，入去既人少左。

 

 

領隊今次俾２小時我地遊南怡島，而此行目的就係為左銀杏樹，所以我問左領隊銀杏樹位置，就避開楓樹既誘惑，直接去銀杏樹路先。果然銀杏樹已經滿開幾靚。唔知係咪落雨再加上下午關係，唔係太多人係銀杏樹路咋喎，所以都影得幾舒服。

影完銀杏樹我地再去楓葉區影，但係得一棵係最紅咋，而且種得比較疏，冇想像中咁靚．之後我地排埋隊食包包，６點就坐番船出碼頭，再坐番旅遊巴番明洞或弘大。大約８點就去到弘大啦。總結黎講呢個ｌｏｃａｌ　ｔｏｕｒ都算有幾多時間係南怡島，但係晨靜樹木園既時間就太少。