2016東京伊豆賞櫻美食Encore遊Day 1

繼上年4月去東京賞櫻後, 今年我又出發去追櫻啦. 由於團友未去過伊豆, 所以plan左3日2夜去伊豆玩.

我地坐hk express 早機出發, 去到成田入埋境已經3點幾. 我地就去紅色窗口買NEX來回promotion票. 來回只要4000yen真係好鬼抵. 一程機場巴士都要3千幾啦, 仲可能要塞車. 呢張票可以去程同回程都唔同地方. 我地就打算去程橫濱, 回程池袋.

NEX全程指定席, 要劃定票架. 佢既痤位好寬, 車上有toilet. 坐得好舒服. 我地訓下訓下就到左橫濱.

原先諗住去酒店check in先, 點知大家都俾高島屋食品館吸引住左. 所以大家決定係高島屋食左野先, 再行食品館再去酒店check in

第一餐我地去左野田岩食鰻魚飯, 但係第一餐就令我地感到失望, 因為鰻魚唔肥美, 味道好普通.
食左餐失望晚餐, 唯有係食品館掃食物返酒店宵夜 =P 落到高島屋地下食品館見到壽司開始減價好興奮. 我地買左大toro, 士多啤梨同埋甜品返酒店歎. 今次我地住既酒店叫Hotel Plumm. 我地一人一間design room都係3xx一晚, 唔貴. Check in後我地去左附近便利店買不二雄博物館票, 再去附近Aeon supermarket行左陣先返酒店歎宵夜叻. 今晚要好好休息, 因為聽朝一早要入伊豆啦 ^O^