禽晚係酒店上網得知今日會好天,聽日就會落雨,再睇下櫻花網知道上野既櫻花已經盛放,所以趁住好天就去賞櫻名所上野恩賜公園 睇櫻花.好彩係加拿大住睇慣櫻花既朋友仔大哥冇反對咋.
我地搭JR山手漿去上野,好快就到啦,一出閘已經見到好多人向住公園方向前進, 沿路跟住人潮行就得.固度既櫻花果然已經開哂, 由於我係第一次睇櫻花, 所以好興奮呀, 拿住手機係咁影係咁櫻. 一路係櫻花樹下散步,一路就諗起張敬軒 "還記得櫻花正開....." 呵呵.....
我地係上野公園行左一round後, 就係附近繼續閒逛. 首先去左玩具店行街. 跟住就去左上中等既手信街買手信. 由於上野有京成電鐵去成田機場, 所以好多人都會係上野作最後衢刺.
我又受到同事所托要去上野志村商店買1000yen零食. 佢地會隨意咁放唔同零食落個膠袋度, 滿左一袋就賣俾人.顧客係冇得選擇袋內既零食. 我係隔離觀察左一輪, 見佢其實放黎放去都係固幾樣野, 其實選擇性唔高, 所以隨便買左一袋俾同事算啦. 去完志村就去埋二木之果子同佢對面既店舖買左好多零食冷麵等等, 都覺得幾抵買, 但係一諗起點拎番香港固陣就好頭痛啦 >_<
買完零食就去左附近0101上面餐廳食lunch,本來想試下雙葉炸豬扒飯或者名店既鰻魚飯架,但係長輩唔食炸野. 朋友仔大嫂唔食魚.
唉. 所以都試唔到, 好可惜. 不過係0101食既連鎖店燒肉都唔差. 幾好味既.
shop完上野就帶長輩去日本著名景點台場行下,我地係上野坐jr去新橋站再轉ゆりかもめ去台場.首先去左Mega Web同Palette Town shopping. 之後就行去Muscle Park, 台場小香港, Aqua City睇下, 當然唔少得就係去影彩虹橋 啦. 行完哂就諗住係Aqua City
食dinner, 不過長輩又唔食蛋包飯, 其他野食又唔吸引, 最後佢地決定去返池袋先食野. 因為朋友仔媽咪好鐘意食第一晚食過既北海道 放題, 所以唔好諗咁多再去encore一次.
我地行去Teleport站搭JR直接返池袋,一程過非常方便. 返到池袋我地就係Metropolitan Plaza食北海道 放題. 食完長輩就返酒店pack野準備聽日離開, 而我又忍唔住係Metropolitan Plaza行一陣, 睇下有冇野買啦. 縱使只有15 mins都好啦.
櫻花樹下
相信大家對呢兩條手信街唔會陌生架
1000yen一袋零食既志村商店, 但係你係唔可以choose袋內食物
呢間連鎖店有好多分店架.
轉車去台場
彩虹橋
台場小香港
沒有留言:
張貼留言