熊出沒注意: 12日東京伊豆吃喝玩樂賞櫻之旅Day 5

3月31日行程: 銀痤 => 新宿

神戶牛 yummy yummy

呵呵, 今日又係shopping日. 因為長輩都鐘意名牌, 所以我地就去左銀痤啦. 因為銀痤係日本最貴既地段, 所以名店林立. 我地抵達後就分開黎行. 我地同朋友仔大哥四人就集中行銀痤大型玩具店博品館. 裡面有五六層高. 鐘意玩具既朋友不容錯過. 博品館隔離就係港人至愛品牌啤啤梨. 佢地既Blue Label and Black Label係日本先有得賣, 所以好多人去日本都係會買呢兩條line 既產品. 由於我同事之前係啤啤梨網頁見到個袋好想買, 於是我就幫佢去睇下有冇得賣啦. 有就有既. 不過得番display固個咋. 唯有再去其他分店睇下有冇新貨啦.

行到食lunch時間, 我地就去左松板屋樓上睇下有咩好食. 佢地話係度未食過麵
(Soba), 於是就去食下啦. 不過呢間食Soba既餐廳就好一般咋. 唯有寄望今晚固餐啦. 因為我地今晚決定食神戶牛!!

食完lunch我地就係銀痤三越同松板屋行下. 朋友仔媽咪話想買日式花樽, 我地就係百貨公司幫佢搵下, 可惜百貨公司既選擇唔係好多, 仲要好好好貴, 都買唔落手.
買唔到花樽就落左去地庫食品館行下. 固度好多野買, 有西洋同和式果子. 實在係眼花瞭亂. 於是買左些櫻花同士多啤梨限定商品試下啦.

行完銀痤我地就搭都營地鐵去新宿. 去到新宿我同朋友仔就去晚餐餐廳睇下有冇得book位先. 因為原本想搵酒店reception幫手book, 但係間餐廳太早未開門.
. 所以我地就早D過去新宿西口睇下book唔book到. 雖然間餐廳下午休息緊. 好彩都有個職員出黎幫我地reserve table. 咁可以放心係附近行街啦.

由於我同朋友仔第一日已經行過新宿. 當時睇左想買乜但就未決定買唔買, 於是就決定順手去買埋啦.

買完野差唔多6:00p.m. 於是就會合所有人浩浩蕩蕩行過去新宿西口住友大廈食晚飯. 間餐廳就係52/F, 叫瀬里奈. 招牌菜係Shabu Shabu. 不過我地始終鐘意食鐵板燒, 所以大家都叫左個神戶牛鐵板set. 個set 有龍蝦/飽魚, 鵝肝, 神戶牛, 沙律, 飯. 好豐富. 個神戶牛真係非常好味, 入口即溶. 食哂主菜後職員會帶我地去另一邊lounge食甜品同歎茶. 因為lounge可以欣賞新宿夜景呢. 呢餐雖然好貴, 但係好滿足呀 ^O^ 食飽飽就慢慢行番去JR搭山手線返池袋. 我地送左長輩休息後, 就出左去池袋東口Sega機鋪睇下有咩新game. 再行埋激安之殿堂先返酒店休息