02/08/2008 第八天
礼文島=>扎幌
礼文島=>扎幌
今日一早起身, 哎呀, 落雨忝, 仲唔細架喎, 不過為左海膽飯冇計啦.要坐船去花之礼文島遊覽, 當然要品嚐日本最正既海膽飯啦! 不過碗海膽飯真係得來不易, 因為我地CHECK過船期, 由稚內去礼文島的船好疏, 我地又只能夠spend半日時間, 所以最好就坐7:30船入礼文島, 13:05就離開. 但係海膽飯要11:00先開門, 咁中間做咩野好呢? 原本想散策的(礼文島網頁提供好多條行山路線), 但係我地驚唔夠時間, 而礼文巴士班次又好疏, 最好就係坐礼文觀光巴士遊覽. 從網頁得知礼文有三條觀光路線, 其中course A就時間比較好, 由9:40-12:40, 即係話一落船就要上巴士, 遊覽完就差唔多要上船, 咁咪冇時間食海膽飯囉? 於是我地去到稚內旅館後就打電話俾礼文島食店, 希望佢地可以預訂海膽飯同燒魚定食, 等我地參觀完礼文島就去食. 間食店都幾好, 佢提醒我地同觀光巴士小姐講一聲, 巴士就會停係附近俾我地叻.咁我地就放心咁去啦 =P
我地原本計劃由旅館步行至碼頭, 但係旅館主人好好人, 佢地俾我地check out之後擺架車係旅館至到三點幾, 同埋佢地會車埋我地來回
碼頭和旅館!! very good!!
到左碼頭後, 我地買左二等席去稚內. 都要成2200yen一程架. 我地去程就坐普通座位. 一坐低就食旅館為我地預備既便當. 食完就爭取時間影下相同訓下覺. 因為船程都要兩個鐘架.
稚內往礼文島既船, 你睇下落緊雨架
二等席票
旅館為我地預備便當
二等席和室, 好多人訓哂係度
買個北海道 限定飲品先, 好好飲呀, 值得encore
到啦到啦
到左礼文島後, 我地即刻買觀光巴士票course A, 盛惠3300yen, 又係唔平架. 我地上到車就同導遊小姐講我地要食海膽飯, 點知導遊小姐一聽到就話冇可能喎, 唔夠時間啦. 但係肥團友堅持話唔緊要, 俾五分鐘時間佢就食得哂!! 導遊小姐話唯一解決辦法就係我地犧牲最後一個行程, 佢係附近放低我地, 我地商議左一輪後最後同意cut行程啦.
觀光巴士各行程及價錢
講掂數啦, 開始出發啦, 導遊小姐沿途介紹左好多野, 當然我地乜都聽唔明啦, 好彩有翻譯小姐係度咋. 到左第一個景點, 導遊小姐就叫我地落車, 點知一落車開遮就出事, 因為實在太大風大雨啦, 好似打緊八號風球咁, 我地的遮都吹番哂, 只好衝入手信店, 情況相當狼狽. 去唔到景點, 只好係手信店食野同買野.
大風大雨
Next 我地去下個景點啦. 點知情況都係一樣. 不過有的團友冒住風雨都要影相, 我見有代表出去, 就放心係手信店掃貨啦.
有團友冒住風雨衝出去影相, 相信如果好天既話一定好靚
對面就係利尻島啦, 利尻島最出名就係佢個山, 稱為利尻富士山.
差唔多12:00啦, 巴士要駛去最後一個景點啦, 而我地都要預備落車食海膽飯.我地落左車仲要行一段路至可以去到間食店, 真係好艱辛下. 最後我地都黎到啦.
settle down後翻譯小姐同店主講我地訂左海膽飯, 佢地就話同我地預備. 不一會店員端來兩條生魚, 上面仲有的蔥忝, 佢將魚放係我地
面前既備長炭爐上, 跟住就教大家點燒. 到此時我地先知道點解導遊小姐話冇可能夠時間食啦!! 就係燒條魚都唔只五分鐘啦 @_@
面前既備長炭爐上, 跟住就教大家點燒. 到此時我地先知道點解導遊小姐話冇可能夠時間食啦!! 就係燒條魚都唔只五分鐘啦 @_@
我雖然食海膽飯, 但係都要試少少呢度出名既燒魚架, 呢個燒魚定食果然名不虛傳, 佢的汁好惹味, 完全唔醒, 大家去礼文島食海膽飯時,都要記得叫燒魚試下, 真係好正!
再過一陣的海膽飯黎啦. Wow !! 一打開蓋, 的海膽鋪滿哂成個飯, 仲要係最正既蝦夷馬糞海膽. 真係要即刻食哂佢 :)~~
登登登登, 海膽飯出場, 成個碗都係, ウニ丼3500円.
的海膽冇想像中咁甜, 但係都好新鮮好多好抵食. 好過好多香港食店啦!!!
你睇下, 有兩層海膽架!!
食完都即刻要走啦, 因為要趕船番稚內市. 我地係碼頭對開手信店再掃一掃紀念品之後就搭船番稚內啦, 今次隻船只有和室, 所以我地
就可以肆無忌憚咁訓係度, 好等大家補充體力迎接我地下午既長途旅程.
就可以肆無忌憚咁訓係度, 好等大家補充體力迎接我地下午既長途旅程.
番到稚內市, 搵左一陣就見到旅館架車黎接我地番旅館, 旅館主人幫我地影張大合照後, 我地就告別稚內, 揸五個幾鐘去扎幌!
天仲係落緊雨,好彩今日冇乜行程咋, 係去礼文島有少少可惜啦, 因為見唔到花之礼文島既美.
天鹽川
經過五個多小時既車程, 中途入左一次油, 要成18x yen/Litre架, 幾貴, 不過因為附近都差唔多價錢, 所以逼住入油, 有個女人仲請我地食糖呢!!
再過埋條道央自動車道, 終於都到達扎幌Norte II酒店, 因為已經成九點幾, check 完 in就馬上揸車去簿野區食最後的dinner. 過左今晚我地就會分成兩批, 一批要番香港, 夫婦團友就會去埋道南. 所以呢餐話要搵間好的既食.
Norte II酒店
我地之前諗黎諗去都唔知食乜, 因為有的人唔食生野, 有的人已經怕左拉麵. 我突然醒起買左本日本旅遊書, 於是就睇下有咩推介.
最後見到一間裝修幾靚既餐廳, 唔係食生既野, 就一於去試下.. 日本書介紹既應該ok卦 =P
我地將架車泊左係附近既停車場, 就行過去
我地上到去唔知係咪太夜呢, 好似得我地一檯咋.我地因為好肚餓, 所以叫到成檯都係食物. 的食物都唔錯喎, 值得推介.
飽餐之後我地就揸架車番酒店, 然後再行去附近既便宜店買野食同飲品. 跟住我地居然就係路邊一間公司對開既空地玩埋的花火!! 呵呵
一些實用資料:
稚內=>礼文島 http://www.heartlandferry.jp/
礼文海膽飯 => 炉ばた ちどり
幌延町トナカイ観光牧場 http://www.navi-kita.net/ shisetsu/tonakai/
羽幌町天売 うに祭り (2/8-3/8) お得！ウニの浜値販売
http://www.haboro.tv/top.html, http://www18.ocn.ne.jp/% 7Eenkai/
羽幌町朝日公園
Norte II Hotel
好處:價錢ok
壞處:房
http://www.b-norte.jp/norte2/
沒有留言:
張貼留言