禽日我地玩國際, 今日我地就轉場玩手稻. 手稻比國際近些, 但平日手稻站至滑雪場既巴士好疏我地係酒店房食完早餐就出發去JR札幌, 坐JR至手稻站, 15-20分鐘就到. 再去手稻南口坐巴士入雪場, 車程大約15分鐘,雖然冇位坐但企下都冇壞.
我地冇係highland落車, 直接到總站落. 發現落車地點同兩年前唔同左, 一落車已可直入ski center. ski center位置都唔同左, 位置唔係山腳位, 係山腳上一段斜坡, 應該係新落成既. 唔會好似以前咁要坐駁腳車去ski center.
我地又開始租ski, snowboard, 換好衫出到去就要沿斜斜地既山坡滑落山腳. 我同H君就滑落去, 再等青姐教阿瑩落山. 等左十五分鐘終於佢地落到黎. 跟住我地一齊去買chairlift pass. 原來除左4小時, 6小時pass仲有以點數為主既pass.每個chairlift, gondola都計point, 例如上到山頂既gondola就要2point, 上山腰既gondola要3point, 其他就1point. 我地就決定買12point用兩日. 應該都夠既.
我同H君就決定坐gondola上半山玩, 青姐就繼續教阿瑩.
我同H君上到開始慢慢滑, 但好後悔慢慢滑, 因為沿路太平坦所以要用pole撐, 最後去返ski center落山腳先比較斜.
之後我地去左我兩年前滑既聖火台滑道試滑. 開始慢慢適應左佢既斜道啦. 滑落黎冇跌低.我地係山腳見到青姐都係聖火台頂落黎, 見阿瑩係聖火台滑道頂, 開始滑落黎, 唔知佢成唔成功呢?
佢竟然成功落黎喎, 不過呢就唔識得停, 佢竟然向我撞埋黎, 仲整花左我塊雪鏡呢 =P 我地吹左陣水我又同H君玩坐gondola去山腰再滑多次平平既雪道, 今次滑快左所以好少少啦.落到山腳我同H君講青姐平時滑既雪道長d斜d又闊d, H君話想試下, 佢仲係咁叫我去試, 咁我就試下啦.
我地一路坐chairlift上去, 我越望就越後悔, 一路嗌好驚呀, H君都覺得好好笑.
終於都上到頂, H君上左ski就話咁快出發. 我就研究左陣先開始. 原來呢條路分左幾截, 斜一段少少平緩又再斜落. 好不容易終於碌到落去, 都好好彩. 玩完差唔多4點, 係時侯要還ski走啦. 我地還好ski後出面落大雪. 我地驚冇位坐所以早二十分鐘出去等車,結果食左廿分鐘西北風 >_<
返到手稻站我地就行下行左附近既平民超市, 買左少少野就坐JR返札幌.
返到札幌又到自由時間, 我地今晚食燒肉, 所以8:30到達餐廳就得. 我行行下街望下我地既booking, 發現原來係8:00! Oh no! 我即刻whatsapp團友們快d到餐廳, 去到已經8:20分, 我即刻同店員道歉話我唔係有心, 只係記錯左時間, 並且叫佢地可以一次上菜.我地事前係網上訂左極上燒肉set, 每人要8800 yen, 除左燒肉仲有稀少部位. 兩年前我已經試過一次覺得唔錯, 今次再encore.水準依然冇變. 燒肉雖然唔及東京等, 但係北海道黎講真係唔錯, 佢既沙律, 燒肉, 冷麵, sorbet都好味, 只有稀少部位我地唔識得欣賞, 因為咬唔爛好un!! 但除左稀少部位其他都好正.
沒有留言:
張貼留言