禽日我地因為要上snowboard lesson所以要一早起身, 今日大家決定遲d入雪場, 唔食lunch玩4小時算. 所以我地禽日自由時間去左食品館買左麵包, 腐皮壽司, 蛋糕等係酒店房食早餐, 然後坐遲一班入去. 買埋4小時pass, 租埋gear, 換埋衫都12點. 由於我兩年冇ski所以我係禽日學snowboard有輸送帶既位滑下先. 青姐就係同一area教下阿瑩snowboard. 而H君已經上左山玩啦.
我係山下試左兩次覺得ski既感覺已經返左黎, 於是我就膽操操坐gondola上山頂. 上到山頂一出到去就嚇一跳! 因為出面超大風雪! 好似打緊3號風咁, 個人都會被吹郁! 我諗住企一陣等冇咁大風先出發. 只見有好多學生哥學緊滑雪, 其中有一團睇落似初中既女仔個個都依嘩鬼叫, 尤其教練叫佢地滑落去時, 佢地一面滑一面叫好好笑 =P
我等左15分鐘都唔覺停雪.於是只好硬住頭滑落山, 風一路吹住我行, 對於仲係新手既我都幾驚. 終於滑到落中途chairlift處, 本來諗住坐chairlift上山頂, 點知chairlift已經因為大風而停左. 我唯有繼續滑落山. 去到一個分岔路我就迷路了. 我只好whatsapp團友們求救, 但佢地冇反應. 好彩見到有一個教練帶住一班學生經過, 於是我係厚雪中走過去問他邊條是beginner slope. 佢指示我行右邊落少少有條小路轉左就係, 佢仲叫我跟住學生們呢, 好好人! 我估H君走錯中級線就係呢個位, 因為一般人會滑大路的. 咁就會中伏啦..
我滑進小路後因為太多初學者所以就塞車! 有些學生好似骨牌咁跌低, 呢個時侯青姐同H君都黎到, 我地係求乾等, 之後教練就叫學生排一字等我地可以滑先. 於是我地繼續向前滑. 有朋友一齊滑我就唔會迷路啦.
去到差唔多尾斷會有個大彎位連接至中級線道. 呢個大彎位真係好難, 由於太彎所以我跌低左, 我決定拎埋條ski行落d先滑. 我見到我後面有個女仔都同我一樣跌左, 佢見我行落少少佢又跟住我咁做呢 =P
終於我地都算由山頂碌到落黎啦, 我同H君青姐決定再上山一次, 今次大家去到分岔路都好順暢, 青姐話頭先佢入左小路攪到塞車, 又太平, 所以佢玩snowboard只能跳跳下, 所以佢決定行中級大路落. 佢話snowboard反而斜d佢都可以應付, 因為可以落葉飄慢慢落去. 而我同H君就怕斜都係行番初級路. 好彩午後冇哂上堂既學生所以好暢順, 正因為咁H君越滑越快, 一陣已經唔見左佢, 我只好一個人滑. 點知滑滑下去到一個分岔路又迷路啦>_< 都怪我頭先跟住朋友滑所以冇認路啦, 我又whatsapp求救, 但係朋友話因為大風雪所以佢地已經唔可以坐gondola救我, 佢地就係叫我有路就選左邊就得, 但左邊都幾斜, 右邊比較平, 所以有所猶疑. 咁岩有對父女由山上行落黎, 我用英文試下問路, 個女仔轉頭用國語同佢阿爸翻譯. 原來係大陸人黎既. 佢同我講佢地都唔知, 佢問我學左幾耐, 我話我今次係第三次滑雪, 佢話我滑三次就落到黎. 佢地第一次滑就上山頂諗住滑落黎, 點知就滑唔掂只好拎住ski慢慢由山上行落黎!! 之前係國際滑雪場網站已經見到叫d未滑過雪既人唔好直接坐gondola上山滑雪, 可能就係因為好多人不自量力所以最後要求救, 所以大家真係要聽話, 未學過滑雪最好上堂學下基本技巧先上山啦.
講番我啦, 最後我選左左手邊斜既slope滑落, 成功番到ski centre. 之後就還ski, 退番chairlift pass, 再睇下賣店有冇禽日既咖啡雪條食, 點知大風雪下唔只chairlift, gondola都close, 連賣店都早close >_<, 唯有等車返札幌啦.
返到札幌又到自由時間, 我地今晚食湯咖哩, 因為我去過兩次北海道都未食過想試下. 但咖哩係冇得訂位, 所以我地8:00就去左薄野附近睇下, 想食既Rojiura Curry SAMURAI超多人, 於是我地分另一批去curry suage睇下. 兩間都要排, 我地睇下邊間快就去邊間.最後半小時後curry suage話有位所以我地就去固邊食啦.
沒有留言:
張貼留言