今日我地超早起身, 因為我地想早d去福井蟹祭, 所以一早坐JR去敦賀既toyota rent a car. 佢8:00開門我地就可以去攞車.
有個指示話1km有另一臨時駐車場. 我地就將車泊係固度, 然後就行十五分鐘去會場,沿途見到有人捧住一箱箱既發泡膠盒, 應該似係載住越前蟹戰利品吧.
我地到達會場已經見到好多人龍, 我地決家兜個圈睇下先. 甲羅燒已經冇哂!!! 我地決定分開排隊, 再whatsapp大家想食咩野.我地食左蒸蟹蓋, 之後買左好正既蟹膏蟹肉飯. 我買左大既1400yen, 青姐買左細既1000yen. 點知黎到發現蟹膏多左一倍!! 好抵食,青姐就好後悔買左細飯. 肥仔另外買多左個海膽蟹膏飯, 但佢話蟹膏痳痳地. 最後我買左蟹湯飲,湯內有一節蟹腳都好抵食.
食飽飽我地就去道の駅既土產店逛下. 土產店除左蟹外, 仲有蟹膏, 即食蟹湯, 蝦餅等等賣. 逛完土產店我地就去駐車場拎車, 繼續駛至三國.
經過一小時我地就到三國. 我地好唔小心見到有間食品館, 所以就停車去入去行下, 又好唔小心買左零食飲品等. 之後我地就去酒店check-in.
呢間酒店都幾偏僻下, 近海邊, 但附近冇咩野. 我地泊好車就入去一間屋check-in. 之後職員帶我地出去由隔離門口進入房間.
一入門口前面有個大玄關, 大家要除鞋, 成個area都係日式佈置. 地下係房間及公共浴室. 我地就要住樓上房間.我地望住斜斜既樓梯覺得好苦惱, 因為要拎三十吋行李到一樓! Poor.
放好行李後我地就夠鐘出去食晚餐. 今晚我地食豪華蟹宴. 呢間叫川喜既餐廳唔知點解係tabelog超高分, 所以就想試下.我地事前經網上book, 見佢話開到5點以為佢真係7:00 close, 所以就book 5:00. 原來佢預左大家食蟹要2至3小時, 所以呢個係入座時間.所以我地最後book 6:00. 跟住佢會問我地想要2人一蟹(35,000円 per head)定1人一蟹(45,000円 per head). 真係好貴.
我同青姐選左2人一蟹, 肥仔就一人一蟹. 成個set都係好似廚師發辦咁, 首先會有前菜, 刺身, 魚. 之後就每人一隻香箱蟹(供應期至12月).香箱蟹即是雌性松葉蟹, 體型較公蟹細好多, size好似大閘蟹. 最重要食蟹膏及蟹籽, 濃郁鮮味.
老板會教我地點樣拆蟹殼同蟹身. 我地就興奮地享用.
不過我地都未食完佢就黎左大主角啦! 登登登登! 松葉蟹公!! 松葉蟹好大隻, 蟹殼有我塊面咁大, 蟹腳等於兩隻筷子咁長.蟹膏超好味. 老板又教我地點食蟹腳, 佢將蟹腳折開, 只要把細固節塞入大節既既蟹腳就可以把蟹肉擠出黎, 唔使用任何工具, 利害.蟹腳鮮甜無比, 簡直正到痺 ^O^
由於太大隻, 青姐食左兩隻腳已經飽哂. 我食左3隻腳都飽得很. 好彩當蟹公黎時我地食左蟹公先. 最後青姐要送隻蟹公腳俾肥仔食.佢原本想俾埋半隻香箱蟹俾肥仔, 但我估肥仔一個人食一隻蟹公都已經飽, 佢竟然拒絕再食! 而我勉強攪掂埋隻香箱蟹, 但已經飽到見到蟹都驚=P
唔好以為已經完, 原來仲有個蟹雜炊, 我地因為太飽所以勉強食左少少試下味算.
今餐真係令個肚漲卜卜, 但苛包就乾哂塘. 因為除左set既價錢外仲要俾10%稅! 好肉痛但真係好好味啊!
食飽飽我地就要番酒店休息. 我地因為住一樓而toilet係地下, 所以要行上行落去toilet及沖涼. 因為只有房間及toilet有暖氣,中途都幾凍下. 唯有飲少d野, 咁就去少d toilet啦.
實用資料:
越前がにまつり
川喜
沒有留言:
張貼留言