熊出沒注意: 2019 Hea遊曼谷Day 2 (Goji Kitchen)

行程: The Market, Big C, Central World, Zen, Goji Kitchen

話明係Hea所以我地早上就去左Chitlom行新既商場The market. 入到去有唔同既餐廳, 例如ChaTraMue, Nara及After you dessert.上面就有boutique, 小物等. 行到12:00大家都話搵野食. 由於夜晚唔想食太飽, 所以就食Nara啦.

其實呢我地都order左唔少野食, 其中最突出既係佢既蝦餅同埋椰汁. 佢既蝦餅圓圓地脹卜卜, 啖啖蝦肉又好彈牙. 正.之後我地就去左隔離Big C掃貨. 佢地買完就話要番Apartment放低野. 我就去左對面既Central World行下. 唔知係咪星期六呢,佢出面有個好似小市集既地方, 一邊係賣衣物, 另一邊賣食物, 最好係竟然都有冷氣呢!

逛完我就去Central World入面行下. 其實呢我係有目的咁行既. 因為想買香薰, shower gel, shampoo之類既野.我去左Harnn睇下. 終於都買左shower, shampoo, 香薰, 買到佢仲送多枝香薰俾我呢! 之後佢話可以去櫃位退稅. 我去到櫃位發現好多人排, 而我又趕時間食buffet所以我就閃左啦.

我地今晚既buffet係位於Bangkok Marriott Marquis Queen's Park既goji kitchen. 係我既同事介紹既. 本來覺得大家年紀大食量差,而且被香港又貴又唔太好食既自助餐嚇壞左, 覺得好多地方既自助餐都不外如是啫.所以興趣唔大. 但畢竟真係有好多年冇食dinner buffet, 而且泰國buffet真係平既, 所以不妨試下. 我地經eatigo book, 雖然平日會有八折, 但可能星期五六日會多d野食, 所以九折都照book. 而星期五最早只有7:30時段. 冇辦法, 星期日想去死亡鐵路唯有照book. goji kitchen係Phrom Phong站行過去要10至15分鐘, 都遠遠地.

去到我地就出去兜左個round, 發現有超多野食! 就係蠔都有五款. 肥團友已經order左3件鵝肝, 鵝肝外脆內軟, 好味.青姐order左牛扒話好味喎. 我又出去拎, 果然唔錯. 平時食自助餐只食凍盤同甜品既我當然睇下有咩海鮮啦, 其實都有tiger prawn, 有少見既藍蟹, 另外食左隻Alaska Crab Leg, 估唔到有d蟹味, 唔似好多自助餐咁海鮮係冇味既.

青姐拎左一堆熟食過黎, 話大家分少少食完好味再拎多d, 因為以大家食量(除左肥團友外)每樣食少少都食唔哂. 估唔到平時覺得睇唔上眼既熟食質素唔錯喎.反而壽司冇咩特別.

肥團友又發現冬蔭公既蝦好好味, 但佢唔食辣所以叫廚師只煮蝦俾佢.

我就發現炭燒tiger prawn, 正.

唔得啦, 要留肚食甜品啦.

甜品都有好多選擇, 所以我拎左蛋糕分三分食. 另外仲有芒果糯米飯唔可以錯過. 佢仲有3色飯呢, 肥團友食左超多.我見到有泰茶雪糕所以都試左, 唔錯.

自助餐仲包餐茶, 我點九cappuccino. 真係超級飽. 我地竟然可以由7:30食到10:00, 真係好利害. 因為香港自助餐食完頭盤甜品已經冇咩特別, 食個半鐘都差唔多夠哂. 但goji kitchen食物種類多, 會不斷引起大家想試既興趣, 而且眼闊肚窄試唔哂. 最驚喜係佢既熟食都ok. 蠔都有幾款, 鵝肝任食. 肥團友不理膽固醇食左成廿件, so crazy!! 雖然9折後500蚊HKD, 但以呢個價錢黎講香港澳門都唔得. cp值很高.