行程: 松崎櫻花花田, 南伊豆下田, 伊豆高原公園燈色活動
今日我地一早起身又浸絕景溫泉, 起初以為係會同男湯入替制. 點知原來唔係, 所以有D失望.
浸完溫泉我地就去旅館食事個室享用個早餐. 再回房間pack行李. 嘩, 今日天色非常好, 太陽照射三四郎島真係好靚, 海水呈藍色非常清澈, 美極. 我地忍唔住影左好多相先離開.
我地第一站去距離堂島15分鐘車程既松崎櫻花, 係網頁得知呢度除左櫻花仲可以欣賞花田, 所以我地決定去睇睇先, 如果未開就會直接去下田. 我地去到松崎河川已經見到成右手邊條河開滿櫻花, 而且都幾長下. 而左手邊就係花田, 好靚, 所以我地決定停車影相. 係便利店隔離有個櫻花駐車場. 都幾多人幾多車. 但都比上野固d賞櫻名所行得舒服好多.
由於我地係松崎櫻花田逗留耐左, 所以去到下田行程己over run, 我地諗住去食鰻魚飯, 點知今日突然休息 >_<. 所以去食炸豬扒. 但係固間炸豬扒店味道一般. 我見我地行程over run, 所以問佢地會唔會放棄寢姿山, 我地商量後決定直接去稻取溫泉check in先.
稻取濱之湯溫泉我5年前已經住過, 固度既房間望向太平洋, 屋頂上既溫泉好大, 食物又好味, 所以我今次再encore. 因為我地夜晚要去睇燈飾, 我約左5點食晚餐, 我地把握時間浸個靚溫泉先, 5點女將就入黎房set好檯. 再將魚生船奉上. 魚生船有伊豆補獲既金見鯛同伊勢海老. 好新鮮. 之後仲有飽魚同一整條金目鯛, 好好味.
食飽左我地就揸車去伊豆ぐらんぱる公園, 佢冬期攪左個grand illumination event, 用上二百萬燈造成唔同既場景同圖案. 都幾壯觀.佢仲會係特定時間有音樂表現. 燈飾會跟住音樂閃爍, 好特別. 不過我最鐘意既係佢既滑梯, 比較長同好玩, 因為免費所以我一共玩左3次呢 =P
我地由夜晚8點玩到10點先離開. 返到酒店差唔多11:00, 於是我地就好好在tatami睡個好覺.
松崎
http://izumatsuzakinet.com/
伊豆ぐらんぱる公園
http://granpal.com/
沒有留言:
張貼留言