行程: 伊豆高原櫻椪木, 伊豆高原Teddy Bear Museum, 無敵家
今日我地又一早起身浸溫泉啦, 因為我地訂房時訂到每日限定3組private suite bath一小時, 所以可以免費享用私人風呂. Private suite spa有個望住太平洋既溫泉, 有個比較熱既室內溫泉, 有個好似浴缸咁大既spa, 仲有張按摩椅, 好舒服好正.
浸完私人spa又出去浸屋頂spa. 不過個天開始落雨, 所以浸左陣就返部屋休息下. 女將開始入黎收好被鋪同預備早餐. 呢間食之宿早餐都會提供小型魚生船, 真係唔錯.
早飯過後我地係旅館賣店買左d伊豆土產, 然後出發去伊豆高原. 第一站去睇有名既伊豆高原櫻並木. 40分鐘車程已到, 可惜天下著大雨, 落唔到車, 只好係車內欣賞. 車沿住長長既櫻花道向前, 淡淡既粉紅色染滿成條路, 好靚好靚. 我最後忍唔住叫司機停一停車, 冒住雨落車影幾張相先離開. 出發食lunch.
原本想食壽司, 點知又係突然休息, Oh no, 唯有去食大碗蓋飯啦. 不過味道就一般.
由於下住雨睇唔到景, 所以去左Teddy Bear Museum睇熊熊. 除左Teddy Bear外, 一樓有宮崎駿龍貓展, 當中有架好大既貓巴士呢.
伊豆高原除左有唔少博物館同美術館外, 如果想睇景有大室山, 仙人掌公園, 城畸公園. 如果想親子活動可去伊豆ぐらんぱる公園.
都差唔多5點幾啦, 係時候要返橫濱還車啦, 經過3個多小時既車程, 我地返到橫濱, 係附近入埋油就還車, 然後就坐Metro副都心線直接去池袋.
去到池袋我地就whatsapp airbnb host, 佢已經係jr池袋等我地, 仲帶我地去bnb. 佢間屋有兩個房可放兩張雙人床, toilet比較大. 有洗衣機露台可晾衫. 地方唔算大但設施齊備. 我地放好行李就行出街口去無敵家食晚飯. 嘩, 點解11點幾仲有人排隊既呢.唔通真係咁好味?
我地排左一個鐘先有得食. 佢既湯唔算太咸, 麵質有咬口, 塊叉燒又唔會太乾, 整體黎講算唔錯, 幾好味 =)
都唔知算係晚飯定霄夜, 食完都1點, 只見出面仲有人排隊, 利害利害.
我地返到bnb已經點幾, 聽日又要一早起身出發去富士急, 所以要快d沖涼訓覺至得.
麺創房無敵家
www.mutekiya.com/
伊豆テディベア・ミュージアム
http://teddynet.sakura.ne.jp/
伊豆高原桜並木
http://hanapress.itospa.com/izukogen/
伊豆高原ビール本店
http://www.izubeer.com/
沒有留言:
張貼留言