熊出沒注意: 2016東京伊豆賞櫻美食Encore遊Day 8

行程: 梅ヶ丘美登利総本店，原宿，二木之果子，多慶屋，上野鳥恵上野広小路

今次我地既東京美食團可以有幾盡？就係晨早８點去到梅ヶ丘美登利総本店排隊食每逢星期一先有既壽司放題，價錢男３６００ｙｅｎ，女３０００ｙｅｎ，限時９０分鐘，大ｔｏｒｏ只限３件，但中ｔｏｒｏ冇限！　所以好抵食。我地一早去排隊，９點開始係門前票機拎票，然後就可以１１：００去門口等入痤。我地拎完票就去老麥坐下。女團友見有牛奶ｐｉｅ就買左個食。肥團友就訓左覺，仲訓到發出聲！

休息左陣我地就去左附近既２４小時超市行下，再行下站附近既超市，１１點就返去餐廳等入痤。我地一開始已經叫大Ｔｏｒｏ，海膽。

第一ｒｏｕｎｄ既海膽唔係好得，其他都唔錯，之後我地叫第二ｒｏｕｎｄ海膽．今次就好好味，所以我叫多兩件海膽，又叫左３件大ｔｏｒｏ同幾件中ｔｏｒｏ，又叫燒帶子，好好味。只見隔離檯有個男人一個人食左４大盤壽司，好勁!

食飽飽我地就分開行事。我每次去日本一定要去原宿Ｌａ　Ｆｏｒｅｔ買ＩＴ牌子既衫。因為ＩＴ買好貴而日本買就平好多。我一行就行到成５點幾，只好去上野二木果子會合返其他團友。大家之前係唔同超市已經買左唔少野，所以今次冇上年買得咁多。去完二木果子我地去埋多慶屋睇左陣先去食晚餐，今晚我地去鳥惠食燒鳥。我地坐低後店員話要每人叫一杯飲品。而ｍｅｎｕ全部都係啤酒。我ｏｒｄｅｒ左杯啤酒。其他團友只好ｏｒｄｅｒ要錢既茶。我地好驚唔夠食，所以ｏｒｄｅｒ左１０條串燒ｓｅｔ．串燒大部份都係雞既部位，店員仲好好介紹我地食緊既係邊個地方。串燒有好香炭火味，好好味呀。食食下仲開始飽，原來１０條都夠食架啦。飲飽食醉我地就返ｂｎｂ啦。